Курс валют
$
52.97
0.39
55.89
0.16
Курс валют
Курс валют
$
52.97
0.39
55.89
0.16
Меню
Поиск по сайту

Үлэ дьонун чиэстиир кэм төннөн эрэрэ хайҕаллаах

13.06.2022 (3 недели назад) 11:25 0
Үлэ дьонун чиэстиир кэм төннөн эрэрэ хайҕаллаах

“Совок” диэн сэнэбиллээх аат иҥмит кэмнэригэр, үлэ дьоно, дьоруойдара хаһыат бастакы балаһатыттан, телевизор экраныттан түспэт этилэр. Дэлэҕэ даҕаны “хотон үрдүттэн Кириэмил сулуһа көстөр” диэн этиэхтэрэ дуо. Туруу үлэһит дьон – отчуттар, ыанньыксыттар, сылгыһыттар, тырахтарыыстар, бурдук үүннэрээччилэр, оҕуруот аһын дэлэтээччиилэр сылын ахсын чиэс-бочуот буолан  тыа хаһаайыстыбатын быыстапткатыгар баран кыттан кэлэр кэмнэрдээх этилэр. Ыччаты үлэҕэ угуйуу ол онтон саҕаланара.

Билигин хаһыат, экран, араадьыйа атыны кэпсиир. Оҕону 14 сааһыгар диэри үлэлэтэр аны сокуонунан бобуулаах. Ол кэннэ ырыаны-көрү эрэ аҥардастыы батыспыт, кылгас кэмҥэ аатыра түһээри араас кэмэлдьигэ киирэр ыччаты хайдах баалыаҥый.

Ол эрээри, хата, киһилии сиэрдээх олохпут төннөөрү гыныахча дуу диэн аҕа саастаах дьон испитигэр кэтэһэр, эрэнэр курдукпут. Бэҕэһээ Дойдубут күнүгэр президеммит  Владимир Путин Россия Үлэ дьоруойун мэтээлин Саха сирин ыанньыксытыгар Владимир Африканович Михайловка туттарда. Бэл, Кириэмил дииктэрэ умнуллубут “дояр” диэн тылы сыыһа саҥарар – “доЯр” диэн. Тымныы сиртэн “Владимир Африканович” диэн ааттаныы уратытык иһиллибитин президент эрэ буолбакка мустубут дьон бары бэлиэтээтэхтэрэ.

Африканович Сунтаар улууһун “Кириэстээх” хаһаайыстыбытаны ыанньыксыта.  Хара үлэҕэ үйэтин сааһын тухары үлэлээн дьон ытыктабылын, билиниитин ылбыт киһи. 1970 сылтан саҕалаан күн бүгүнүгэр диэри сүөһү көрөр. Тыа дьоно, тыаттан төрүттээх дьон бары билэллэр – бу идэ, үлэ, олох хайдахтаах курдук сыраны-сылбаны эрэйэрин. Онон дьоһун дьоммут үлэлэрин, олохторун, холобурдарын ыччакка пропагандалаан иһиэххэ. Үлэттэн чаҕыйбат киһи хаһан да, ханна да өлөн-охтон биэриэ суоҕа.  Ол буоллаҕа – киһи конкурентноһа диэн.

***

Прасковья НИКАНОРОВА,

“Аартыкка” анаан.  

 

Оставить комментарий    

Школа-интернат для неслышащих обучающихся
Шиномонтаж Левша

Красивые окна
СахаСтройПлит
Новостройки якт ру
Сахатранснефтегаз
Стоматология 32