Курс валют
$
72.56
0.13
85.46
0.1
Курс валют
Курс валют
$
72.56
0.13
85.46
0.1
Меню
Поиск по сайту

Норуот дьоло уонна соро

28.10.2020 08:54 0
Норуот дьоло уонна соро

Мин урут туох ааттаах наар муударай, дьаһаллаах тойоҥҥо баҕарабытый, итинник санаа тоҕо өрүу норуокка иҥэн сылдьарый, улахан эбит, кинитэ да суох олороо инибит дии саныыр этим.

Онтум баара маннык үрүҥ күн өлбөөдүйбут, киэҥ халлаан саппаҕырбыт, дэлэй санаа ыгыллыбыт кэмигэр муммут-тэммит көннөрү киһи ким эрэ мин туспар кыһаллар, дьаһайсар дии саныыра олус да суолталаах эбит…  Ол иһин даҕаны улуу дьаалыны утарар буулаҕа куттаах-сүрдээх салайааччылар, быстыбат баараҕай санаалаах бас-көс дьон уостубат номоххо сылдьаллар эбит. Норуот өлөр-хаалар күнүгэр өрүһүлтэ буолар салайааччылар уостан уоска бэриллэн, өйү-сүрэҕи күүркэтэн, сүргэни көтөҕөн ыра ымыыта буолан дьыл-кэм уорҕатын уҥуордуур эбит.

…Оттон мөлтөх, сатаан дьаһаммат, сатаҕай, кыаммат, өйө-санаата түүппэҕирэн баары да кыайан быһаарбат  салайааччыга түбэстэххинэ — ол соруҥ эбит. Кутталыттан иннин-кэннин быһаарыммат буолбут норуокка күүстээх салайааччы, дьаһаллаах тойон, ырааҕы көрөр бас-түс муударай киһи наада да эбит. Ол иһин норуот үйэлэр тухары үтүө салайааччыга баҕарар өйө-санаата баар эбит.

***

Прасковья НИКАНОРОВА,

«Аартыкка» анаан.