Курс валют
$
64.35
0.09
71.05
0.2
Курс валют
Курс валют
$
64.35
0.09
71.05
0.2
Меню
Поиск по сайту

Саха кыыһа «Москва-Сити» дьыалабыай кииҥҥэ хас да устуудьуйа арыйан үлэлиир

06.06.2019 12:44 1
Саха кыыһа «Москва-Сити» дьыалабыай кииҥҥэ хас да устуудьуйа арыйан үлэлиир

Уус Алдан улууһун Кэптэни нэһилиэгиттэн төрүттээх Ульяна Алексеева икки сыллааҕыта Москваҕа 100 саастаах хос эбэтин кытта көһөн кэлбитэ.

“Москва-сити” курдук баараҕай тутуу 46-с уонна 50-с этээстэригэр устуудьуйалары, үөрэтэр киин арынан үлэлиир. 70-тан тахса үлэһиттээх. Киһи туруоруммут сыалын хайдах ситиһиэхтээҕин туһунан санаатын үллэһиннэ.

“Бастатан туран, киһи сүрэҕэ тугу этэрин истиэн наада. Дьоллоох түгэҥҥэр тугу гыныаххын, тугу үлэлиэххин баҕараргын быһаарыахтааххын. Төһө харчы өлөрүөхтээххиттэн буолбакка, туохтан дуоһуйаргын, бу дойдуга туох туһаны аҕалыахтааххын саныыгын. Ис сүрэххиттэн баҕаран туран үлэлиир буоллаххына, барыта табыллар. Мин кыргыттар сэбэрэлэрин тупсарарбын сөбүлүүбүн. Чуолаан хаастарын оҥоробун. Худуоһунньук буолбатахпын, ол эрээри дьахтар сирэйин хайдах тупсарары билэбин”, – диир Ульяна.

Эдэр урбаанньыт ситиһиитин көрөн, олус элбэх дьон хайдах атын куоракка көһөр, бэйэ дьыалатын арынар туһунан ыйыталлар эбит.

“Сыаллаах, сымса, кытаанах санаалаах, охтон-өлөн биэрбэт буолуохтааххын. Москваҕа наһаа элбэх устуудьуйа баар, үҥсүһэр да дьон үгүстэрэ. Олус элбэх бэрэбиэркэни ааспытым. Манна урбаан үлэтэ Дьокуускайтан чыҥха атын. Куттал, мэһэй баар сирдэригэр ситиһии, сайдыы, үүнүү кэлэр. Туох даҕаны мээнэ кэлбэт. Ылыан иннинэ хайаан даҕаны утары уунуохтааххын”, – диэн Ульяна кэпсээнин салгыыр.

Ульяна волонтер Антон Васильевы кытта билсэн, Саха сиригэр аһымал аахсыйаларга кыттан, ый аайы харчынан кыамматтарга көмөлөһөр.

Эдэр урбаанньыт бу олоххо киһи кыайбатаҕа суох диэн санаатын үллэстэр.

“2,5 сыллааҕыта дэриэбинэҕэ олорон, араас сулустары тэлэбиисэринэн эрэ көрөрүм. Холобур, Гоар Аветисян диэн аан дойдуга биллэр визажиһы, Филипп Киркоровы кытта биир сыанаҕа тахсан бириэмийэ ылбыппыт”, – диэтэ Ульяна.

***

http://nvk-online.ru

 

Обсуждение • 1

Добавить комментарий
  1. Илин Энэр

    Тугу утары ууммута эбитэ буолла?

Оставить комментарий