Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Үтүө үтүөнэн эргиллэр

02.01.2017 09:52 0
Үтүө үтүөнэн эргиллэр

2017 сыл Дьокуускай куоракка Үтүө санаа сылынан биллэриллэн турар. Амарах санаа хаһан баҕарар кэскили түстүүр.

Дьокуускай куорат дьаһалтатын Ыччакка уонна дьиэ кэргэн политикатын управлениета  Үтүө санаа сылыгар ыччаты кытары үлэтин тиһигин быспакка ыытар. Дьокуускайдааҕы эргиэн-экономика колледжын устудьуоннара  бу да сырыыга куорат общественнай олоҕуттан хаалсыбакка араас тэрээһиннэргэ көхтөөхтүк кытталлар.

Алтынньы ыйга колледж баспытаатала  Е.Е. Охлопкова уонна директоры солбуйааччы  Н.Е. Григорьева ыҥырыытынан устудьуоннарга амарах сүрэхтээх общественник Антон Васильев ыалдьыттаата. Антон оҕолору кытары көрсүһүүтэ бэрт сэргэхтик ааста. Баҕа өттүнэн аһымал аахсыйалары оҥорор эдэр киһи  устудьуоннарга  бэйэтин олоҕун туһунан кэпсээтэ. Түмүккэ  87 үтүө дьыаланы кыттыһан оҥоруохха диэн эппитин ыччат ылынна. 87 диэн сыыппара мээнэҕэ этиллибэтэ – сотору үөрэх кыһата тэриллибитэ 87 сылын туолуохтаах.

Ыччаты үөрэтии эрэ тутах. Кинини киһи гына иитэр үлэ эмиэ булгуччу тэҥҥэ барыахтаах. Устудьуоннар үөрэх кыһатын бүтэрэн баралларыгар киһи киһиэхэ сыһыанын сыаналыыр, ырытар буолан тахсыахтаахтар. Амарах санаа хаһан баҕарар үтүөнэн эргийэрин умнумуохха наада.

Кэрэни сыаналыыр, күндүргэтэр уруоктары колледж баспытааталлара ыыталлар. Холобур, соторутаагыта Елена Егоровна Охлопкова уопсайга олорор устудьуоннары Национальнай художественнай түмэлгэ сырытыннарбыта.  Киһи кэрэни кэрэхсииргэ эмиэ үөрэниэхтээх. Оччотугар эрэ кэрэни-мөкүнү араара үөрэниэ.

****

Дана СЕМЕНОВА,
Aartyk.Ru

Оставить комментарий