Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Сунтаар улууһун баһылыгын быыбара улахан күрэстэһиитэ суох барыыһы

07.06.2020 19:47 5
Сунтаар улууһун баһылыгын быыбара улахан күрэстэһиитэ суох барыыһы

Аны күһүн үс улахан улуус кулубатын быыбара буолуохтаах. Балаҕан ыйын саҥатыгар Амма уонна Сунтаар улууһун олохтоохторо баһылыктарын талыахтаахтар. Ону сэргэ болдьоҕо бүтүөн иннинэ дуоһунаһыттан уурайан, дьоллоох Дьокуускай дьогдьойор киинигэр үрдээн-үүнэн көһөн киирбит хаҥаластар кулубаларын оннугар, атын киһини талыахтаахтар.

Хаҥаластарга Сүөдэр Барыыһап диэн урут бырабыыталыстыба дьиэтин өрө-таҥнары туппут, улахан дуоһунастана сылдьыбыт тойон-хаан “кулубалыы барыам” диэн сээбэннэтэн баран, суол хаба ортотуттан атыыр аккаас биллэрэн кэбистэ. Онон бырабыыталыстыбалар хандьытааттарыттан ытыс соттон кэбистилэр – кытаахтаан ылар киһилэрэ суох буолан иэрэҥ-саараҥ кэмнэргэ кэтиллэн олороллор.  Туймаада тойотторо ыаллыы хочоҕо кими хандьытаат оҥоробут диэн кытаанах толкуйга түспүт буолуохтаахтар.  Барылаамабы дуу, Ириниэйэби дуу. Хайата ордук истигэнэ буолуой диэн.

Аммалар барахсаттар буугунаһан-буугунаһан баран Ньукулай Архыыпаптарын, билиҥҥи кулубаларын, эмиэ да сирэллэр, эмиэ да хайҕаабыта буолаллар. Эдьиинэйдэрэ Архыыпаб салгыы хааллын диэн баартыйаларын дьоҕус быыбарыгар бэлиэр бигэргэтэппиттэр дииллэр, оттон баартыйата суохтар дьокутааттара Дьэрэмиэйэбис сирэйин-хараҕын кэтииллэр. Ол улуу убайдара кими ыйар да ону талыахпыт диэн буоллаҕа.

Сунтаардар холкулар. Билиҥҥи баһылыктарын үксүлэрэ сөбүлүүллэр дииллэр. Онотуолуй Киргиэлэйэп бастакы болдьоҕун үлэлии олорор. Арай эрдэ баһылык дуоһунаһын былдьаһан көрүөх айылаах Аппанаас Буостникап, Жаанна Дьөгүөрэбэ уонна Эҥэнтэй Баһылайап бааллар диэн хандьытаат ахсааныгар киллэрэн кэпсэл оҥостубуттара.

А.В.Постников

Аппанаас билигин тупса сылдьар – үлэ уонна социальнай сайдыы миниистирин солбуйааччыта.

-Баһылыкка сананаҕын дииллэр, быыбарга кыттыан дуу? – диэн “Aartyk.Ru” туоһулаһан көөртүн киһибит олох батынан кэбистэ.

-Онотуолуй баар дии, олох кыттар санаам суох, – диэтэ.

И.Д.Васильев

Утаакы буолбакка Эҥэнтэйгэ эрийэн элээртибит. Уруккута Ил Түмэн дьокутаата, хомуньуус киһи буоллаҕа.

-Ээ, суох. Кыттыбаппын, кыттар  былааным да суох этэ, – диэн киһибит хардарда.

Ж.Э.Егорова

Жаанна Дьөгүөрэбэ, Ил Түмэн бэһис ыҥырыылаах мунньаҕын дьокутаата, баҕар кыттыан сөбө эбитэ дуу?

– Суоох. Ким инньэ диирий? – диэн буолла.

Онон сунтаардар айдаана-куйдаана суох этэҥҥэ быыбардыыһыктар диэн түмүк оҥоруохха сөп. Билиҥҥитэ.

***

Aartyk.Ru

Обсуждение • 5

Добавить комментарий
  1. Патриот

    Быыбардар насаа холкутук барбаттара буолуо, хандьыдааттара бэлэмнэнэ сылдьаллар. Аартык арыый эрдэлээбит. Единэйдэр заказтара оннук буолла5а дьии. Дьоннорун доргутан короллор, эбиитин куттаналлар.

  2. Некрасов

    Айдааннаах быыбар Хаҥалас улууһугар эрэ буолуон сөп. Аммаҕа били Артемьевтар холонон көрүөхтэрин Аграрнай баартыйалара Едиинэй баартыйаны кытары сөпсөспөккө муунтуйда. Онон, уопсайынан дэхси соҕус быыбар хампаанньата кэлиэх курдук…

  3. О5онньор

    Амма Архипов кыайара чуоккай, Сунтаар бу дьону усугуннаран кэбистилэр, Ханалас холкутук едрос кыайар соптоох кисини буллахтарына.

  4. фома

    сунтаар,амма, ханалас – ус саха ытык киин сирдэрэ . быыбар сэргэх,курэстэсиилээх барара ордук этэ да… бука, ньулук-ньалык курдук барара буолуо. Уопсай сылайыы,куннээги кысалгага ыктарыы баар. элитабыт диэн ааттаахтар бары да син хоннок-быттык сирдэринэн саасыланан,быр-бааччы ас тасарына сытар буоллулар. Ити хаартыскаларын тасарбыт дьоннут костоллор дии.. сору -соп топпут- туолбут дьоннор. ааспыт сылларга штыров кэнниттэн бэриисэп сагана ситэ ас-танас уллэстибэккэлэр, баппаккалар бэриисэби утары хамаандалар баар буоланнар, ол долгунугар улуустарга эмиэ киирсии тахсааччы. билиннии ил дарханы утары оннук куустээх хамаандалар суохтар курдук. николаев уосээ федералларга да силисэ-мутук бого согус курдук бысыыта. “буйнайдартан” сулустаана мыраан, эрнст березкин … буттэ дуу ? аллараа ол-бу “самааннар” – ичээннэр тылбай -оспой буолаллар. Ол кэннэ туох хамсаасына кэлиэй ? таах сибиэ.. арай икки-ус сылынан, бугун арыый эдэр -огтук согус колуонэ бороохтуйуута, туспа ас-танас , тиэргэн-дьиэ кордонор хамсаных-имсэниэх санаалара киириитэ туох эмэ долгун тахсара дуу..

  5. Хоту

    Аны ессе Елеен главатын быыбара, хомойуох иhин, ыытыллар буолла

Оставить комментарий