Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Владимир ПОСКАЧИН: Вячеслав ШТЫРОВ Саха сирин дьиҥ чахчы бастыҥ салайааччыта этэ

23.02.2021 08:21 7
Владимир ПОСКАЧИН: Вячеслав ШТЫРОВ Саха сирин дьиҥ чахчы бастыҥ салайааччыта этэ

«2020 сыллааҕы схема суолунан» диэн документальный киинэ хас биирдии киһини толкуйдатар аналлаах. Үөһээ Бүлүү улууһун баһылыга Владимир Семенович Поскачин бу киинэни көрөн баран, санаатын үллэстэр:

– Киинэни олус сөбүлээн көрдүм. Биллэн турар, урут субъектар элбэх бырааптаах этилэр. Вячеслав Анатольевич Штыров – Саха сирин бастыҥ салайааччыта этэ. Ол дьиҥ чахчы.

–  Өрөспүүбүлүкэ  уонна Үөһээ Бүлүү улууһун сайдыытыгар «2020 сыллааҕы схема» туох уларыйыылары киллэрбитэй?

–  2020 сыллааҕы схема биһиги улууспут сайдыытыгар быһаччы улахан суолталаах. «Бүлүү» федеральнай суол оҥоһуллубута да ону толору туоһулуур. Өссө биир улахан хардыынан нэһилиэктэргэ гаас киириитэ буолар. Хомойуох иһин, өрүс нөҥүө сытар Өргүөт, Быракаан нэһилиэктэрин гааһынан баччааҥҥа диэри хааччыйа иликпит. Туобуйаны “Сахаэнерго” тэрилтэ уотунан, сылааһынан хааччыйан олорор.

Онтон бүтүн өрөспүүбүлүкэ сайдыытын туһунан этэр эбит буоллахха, ньиэп уонна гаас хостооһунугар сүҥкэн хамсааһын тахсыбыта. Ньиэп химиятыгар үлэ ситэ бара илик. Билигин Ил Дархан Айсен Сергеевич Николаев бу хайысхаҕа сөптөөх хардыылары оҥоруо дии саныыбын.

–  2021 сылга Үөһээ Бүлүүгэ ханнык үлэни ыытар былааннааххытый?

– Биһиги сүрүн дьарыкпыт – тыа хаһаайыстыбата. Cүөһү уонна сылгы ахсаанын элбэтэр туһугар тиһиктээх, ситимнээх, киэҥ хайысхалаах үлэни ыыта сылдьабыт. Онтон промышленность туһунан этэр буоллахха, олохтоохтор бетонтан дьиэ акылаатын, аныгы матырыйаалтан түннүктэри оҥорон таһаарар ньымалары баһылаабыттара. Быйыл арболитовай блок дьоҕус собуотун үлэҕэ киллэриэхтээхпит. Икки урбаанньыт онно сөптөөх тэриллэри атыылаһа сылдьаллар. Бу дьоҕус собуот тутуутугар сүрүннээн олохтоох дьон  үлэлиэхтэрэ. Өссө биир дьоһун сыалбыт-сорукпут диэн нэһилиэктэргэ диэри асфальт суолу оҥоруохтаахпыт. Улуус киинигэр бу хайысханан үтүмэн үлэ ыытыллыбыта. Күн бүгүн үс нэһилиэк хаалла. Онно көнө суоллары оҥоруохтаахпыт.

– Эн санааҕар «2020 сыллааҕы схема» чэрчитинэн ханнык бырайыактар олоххо киириэхтээхтэрий?

– Бу барыта эрдэттэн толкуйдаммыт улахан бырайыак. Онон быһыта-орута буолбакка, хас биирдии хайысхатын барытын олоххо киллэрэн иһиэххэ наада. Холобур, нефтехимическэй собуоттары, тимир руданы хостооһуну уонна да атыттары.

***

Кэпсэттэ Ольга ФОМИНА.

Обсуждение • 7

Добавить комментарий
  1. Ээ

    Айсены кытта тэннээтэххэ итинник буолан тахсар диэххэ сеп

  2. Плавали знаем

    Штыров технократ бысыытынан, кырдьык, социальнай экономическай суолталаах сорох проектары хамсаппыта. Ол гынан баран, ис политикага улахан охсууну онорбута. Кадровай политиканы кини кулугунэн саптынан кыра тасымнаах, тус эрэ интэриэстээх дьон илиилэригэр ылбыттара. Ол интригата, булкуура, хаасыта бугун оссо диринээн кэллэ. Салгыы бара да турар. Олох, омук сайдыытын тимир, таас, гаас, нефть бысаарбат. Олох, омук сайдыытын дьон, элита, кадрдар бысаараллар. Улуу Сталин эппитэ “кадры решают все”.

  3. папа карло для вв

    взял в команду Айсена а мог и не взять, дружил с Федотом иначе Федоту не видать бы 2% сырых алмазов

  4. ВерВил столичный

    Не надо всерьёз воспринимать слова этого человека. Он просто приспособленец.

  5. 7896

    Билигин республиканы Штыров каадырдара салайан олороллор. Бары саханы утары дьон.

  6. Агиш

    Саамай сөпкө эппит. Штыров өйүнэн санаатынан олох федеральнай да таһымҥа үлэлэһиэхтээх киһи биир сүрүн халбаҥнаабат суоллаах буолан өрө таһаарбатылар

  7. Нюрба2021

    Штыров пожалуйста помогите вернуть законные акции АЛРОСА для нюрбинцев!

Оставить комментарий