Тус санаа

Улууспутугар ЕР баартыйа праймериһа түмүктэммит. Ол туһунан Сахалайф интернет- хаһыат бэҕэһээ таһаарбыта.

Быыбардааччы, улууспут инники дьылҕатыгар кыһаллар киһи сиэринэн тус санаабын этэрбин көҥүллээҥ!

Бу күһүн бары истэ-билэ сылдьабыт төрөөбүт улууспут Мэҥэ Хаҥалас баһылыгын талабыт. Праймеризка кыайбыт Семен Потапов талыыга хандьыдаат буолара билиннэ.

Онтон бу сааскыттан ким хайа иннинэ быыбар аҕытаассыйатын ыытар Тихонов Дмитрий праймеризтан устунан, бэйэтэ баҕа өртүнэн (самовыдвиженец) туруорунарын биллэрбит. Сахалайф да суруйарынан, тус санаабар да Тихонов улуус баһылыга буолар баҕатын түктэри быһыыттан- майгыттан саҕалаабыт.

Праймеризка- кыттабын диэн, эрэгэстэрээссийэлэнэн баран, устунан кэбиһэр.

Сахалайф суруйууларыттан сылыктаатахха, биир баартыйалаахтарын итэҕэйбэтин, эрэммэтин дьүһүнэ буолан тахсар.

Аны, дуоһунаһынан диирим дуу, праймеризка хандьыдаат буолан диирим дуу? Бэйэтин эрэкэлээмэлэнэн улуус нэһилиэктэрин, тэрилтэлэрин кэрийдэ. Сокуон хараҕынан көрдөххө, табыллыбат дьыала. Аҕытаассыйа иннинэ, аҕытаассыйа.

Киһи көнөтүнэн, кырдьыгынан сылдьара хайа да былааска, хайа да түгэҥҥэ ордук.

***

Иннокентий АММОСОВ,

Арассыыйа Суруналыыстарын сойууһун чилиэнэ,

Мэҥэ Хаҥалас.

Источник – @Aartyk.ru