Роботтаах хотон туһунан санаалар

Саха сиригэр уларыйыы-тэлэрийии бөҕө. Ол гынан баран үйэ-тухары биир уларыйбат, кур бэйэтэ кубулуйбат – ХОТОН.

Мэҥэ Сыымаҕар “роботизированнай хотон тутуллар үһү” диэн сурах тарҕанна.  Хотон диэн былыр-былыргыттан саханы тыыннаах аҕалбыт, сиэрбитин-туоммутун, үгэспитин бэйэтин тула баайбыт ахан тутуубут буоллаҕа. Дьэ, ол уларыйара тыа сирин олохтоохторун долгутар.

Социальнай ситимҥэ кэпсэтии таҕыста:

-Cыымах роботнай хотоно саха дьонун истиитигэр соһуччу буолла. “Саҥа Олох” тэрилтэҕэ ким тойоно хотуна, үлэһиттэрэ, сирэ уота толору биллибэт. Барыта кэлии дьон буолаллара эрэ сэрэйиллэр. Үрдүк технологияны үлэлэтэр кадр Сыымах олохтоохторун ортотуттан булар уустук буолуо. Оннооҕор Майа молокозаводугар техническэй өртүнэн үрдүк технология кэлбитигэр сатаан үлэлэтэр киһи көстүбэтэҕэ. Онон үлэлээбэккэ кэриэтэ сабыллан турар. 

Видеоҕа көстөрүнэн тута бэйэлэрэ переработкалыыллар бһх. Маҥнай роботнай технологияны сатаан үлэлэтэр кадрдары үөрэтэн бэлэмнээн баран ылсыахтара хаалбыт.

Аны талбыт сирдэрэ Баатара уута хаара татым, өрүс хочото суох тиэрэ дойду.

Өлүөнэ үрдүгэр турар, уруккута элбэх бааһыналаах уулаах хаардаах, куорат, Бэстээх чугас баар, атыы тутуу тэнийбит Павловскай, Хаптаҕай, Төхтүр курдук үтүө нэһилиэккэ туталлар былааҥҥа киирбитэ буоллар өссө оруннаах буолуох этэ. Манна хаптаҕай автоматизированнай комбикормовай заводу үлэлтэ сылдьыбыт да уолаттар бааллар.

Итинтэн сыаллаан толкуйдаатахха тыа хаһаайыстыбатын билбэт, үлэлээн көрбөтөх туора дьон  төрүттүү сылдьаллара көстөр.

Бүгүн информация барыта сабыылаах, кистэлэҥ. Онон үлэлии олорор Животноводческэй комплекстар хайдах үлэлииллэрин кэпсиир, суруйар бобуулаах. Хайгыыр эрэ буоллаххына хаһыат сирэйин булуо. Сөптөөх критическэй ырытыы оҥорор көҥүллэммэт. 

F.

-Кадр уонна кормовой база быһаарар. Ким салайааччы буолар? Олорор дьиэлэрин иҥин дьаһайаллар ини.

-Баатара сирэ-уота кырдьык элбэх сүөһүнү тутарга кырыымчык. Ол эрээри роботизированнай хотон наада. Атын хаһаайыстыбаларга холобур буоларын курдук. 

-Туттуннар эрээри сирин-уотун учуоттаан дьоҕус хотону тутуохтарын наада. Былыр өбүгэлэрбит сир кыаҕын кыайан ааҕаллара, кормовой база дэнэр нууччалыы. Ол иһин сүөһү көрөөччүлэрин алаастарынан ыраах-ыраах олордоллоро.Ходуһатын, мэччирэҥин уоҕун көрөн. Төһө сүөһүнү иитиэххэ сөбүн ааҕаллар этэ. 

– Специалистар кэлии дьон буоллуннар даҕаны, олохтоохтору бастаан үөрэтэргэ. Оттон салайааччы булгуччу Саха сирин усулуобуйатын, тыатын хаһаайыстыбатын уратытын билэр кадр буолуохтаах. Барыта кадр быһаарар. Көннөрү харчы сииргэ эрэ ананыллыбыт проект буоллаҕына кусаҕан. Тойон-хотун хаһан ис сүрэҕиттэн дойдуларыгар, норуоттарыгар туһалыыр санааҕа тиийэллэрэ буолла. Дуоһунас, харчы диэн ааһар көлдьүн. Үтүөнү оҥороллоро буоллар үйэ-саас тухары ааттара ааттаныа этэ буоллаҕа.

-Кэтэхтэн үөрэнэ үөрэнэ хайысхаларынан үлэлээн да көрбөккө салайааччы буола сатааччы элбээтэ, буспут хаппыт кадрдары булар уустук буолла.

**
Источник – телеграм-канал @Aartyk.ru