Курс валют
$
58.45
0.27
55.72
Курс валют
Курс валют
$
58.45
0.27
55.72
Меню
Поиск по сайту

КОРРЕСПОНДЕНТ УОННА БААБЫСКА

13.09.2022 (3 недели назад) 08:03 1
КОРРЕСПОНДЕНТ УОННА БААБЫСКА

– Дорообо, баабыска!
– Дыраастый, дыраастый…
– Эйигиттэн интервью ылыам этэ.
– Энтэрбии даа… Суох, энтэрбиим суох, бүппүтэ, үнүр күтүөтүм мас тиэйбитигэр онно кутан биэрбитим.
– Эн өйдөөбөтүҥ, баабыска, интервью диибин. Ол аата эн кэпсээҥҥин устуом этэ.
– Ээ, эрдэттэн инньэ диэххин, миэхэ манна араастаан ааттыы-ааттыы, наар арыгы көрдүүллэр.
– Чэ, ол хааллын. Бу диктофоҥҥа саҥар, сааһыҥ хас буолла?
– Бай, бу туох тэрилбитий?
– Диктофон, баабыска, киһи саҥатын уһултарар.
– Мучупуон курдук дуо?
– Мучупуон диэн туоххунуй?
– Эс, аныгы киһи буолан баран хайдах билбэккин? Мучупуон диэн муучуканы уһултарар тэрил.
– Магнитофону ааттыыр эбиккин дуу, чэ мучупуон да буоллун. Ыйытыыбар эппиэттээ.
– Ээ, бэйи, доҕор, киһини хабарҕалаан түһэҥҥин. Бастаан бэйэҥ эт: хантан сылдьар, туох идэлээх оҕоҕунуй?
– Корреспондеммын, баабыска, куораттан тахса сылдьабын.
– Туохпун-туохпун даа?
– Кэ-рис-пэ-дьиэм-мин.
– Кэрискэбин диигин дуу? Кэрийэр киһи буоллаҕыҥ дии ол аата.
– Оннук да буоллун. Кэрийэн сонун хомуйабын.
– Күтүрдэр, онтон-мантан килиэптэнэҥҥит.
– Чэ, кэбис баабыска, кэпсэтии тахсыа суох, хата, чэйдэ кут, таһырдьа тымныыта бэрт.
– Дьэ, ити киһи тыла, чэйи кутан бөҕө буоллаҕа дии. Сыгынньахтан, көхө аан кэннигэр баар. Энтэрбии буола-буола…

***

Борис ПАВЛОВ.

Обсуждение • 1

Добавить комментарий
  1. Дежа вю

    60-70-с сылларга Николай Габышев эбитэ дуу (умнубуппун), эмиэ итинник кэпсээннээх этэ. О5онньортон интервью туьунан. «Эьиги колхозкутугар хас фуражнай ынах баарый?» «Ол бурааска диэн бэргэьэни ыйыта5ын дуо?» Ити курдук эмиэ арааьы буккуйбуттара.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»