Уларыйыы тахсаары гыммыт дуу…

Тоҕо эрэ Борис Павлов «Өйбөр туппут куоратым» арамаанын 1-кы чааһын ааҕан баран – дойдубут олоҕо эмиэ уларыйаары гыммыт дуу дии санаатым. Саха норуотун дьылҕатыгар туох эмэ улахан уларыйыы тахсаары гыннаҕына үгэс курдук – норуот инникитин сабаҕалыыр, уларыйыы-тэлэрийии кэмигэр дьиҥнээхтик норуотун туһугар кыһаллар, ыалдьар суруйуулар тахсан бараллар. Саха суруйааччылара айылҕаларынан аһаҕас эттээх, биттээх-билгэлээх дьон буоллаҕа. 

Былырыын Дьолуолаах «Ньырбакаана» таҕыста. Норуот дьылҕатын, баһылык оруолун туһунан историческай арамаан буолан сырдатыллынна. Улахан проблеманы көтөҕөр актуальнай, сытыы айымньы. 

Билигин Борис Павлов арамаана эмиэ бу тиэмэни тыктарар сүрүн идиэйэлээх буолбут – норуот дьылҕата. Борис арамаан 1-кы чааһыгар 80-с сыллар тиһэх сылларын көрдөрбүт. Салгыытыгар 90-с сыллар көстүөхтээхтэр быһыылаах. 

Онон маннык тиэмэлээх айымньылар мээнэҕэ тахсыбаттар. Өссө биир тургутуу күүтэр быһыылаах – киһи буолабыт дуу, кии буолабыт дуу.

***

Источник – телеграм-канал Туйаары НУТЧИНОЙ

Подписаться