Курс валют
$
82.63
4.41
89.09
4.21
Курс валют
Курс валют
$
82.63
4.41
89.09
4.21
Меню
Поиск по сайту

Кэһэх оһуор бичигэ

08.02.2023 08:06 5
Кэһэх оһуор бичигэ

Саха оһуора 90- с сыллартан дэлэйэн, ыһыллан хаалбыта. Киһи барыта сатыырдыын-сатаабаттыын оһуордьут буолбута. Дьиэлэр истэрин-тастарын саха оһуорунан киэргэтэр тэрилтэлэр элбии түспүттэрэ. Олорго дизайнердар диэннэр баар буолбуттара.

Саха оһуорун «тупсарыы», « сайыннарыы», «саҥа саха оһуора» диэн ааттаан «айар» уххан үөдүйбүтэ.

Оччолорго оһуору көрөрүм эрэ, ис өйдөбүлүн билбэт этим.

Оһуордар ааттарын билэрим.

2014-15 сыллартан руна битиги үөрэтэн, итэҕэлбит өйдөбүллэрин дьэ ситэри удумаҕалатар буолан барбытым.

Андрей Иванович Кривошапкин-Айыҥа, Кузьма Аполлонович Фёдоров лекцияларын истэн, үөрэхтэрин ааһан, саха оһуор-бичигин саҥа, хат ылбыт өбүгэбит билиитинэн үөрэтии саҕаламмыта. Оһуор-бичик диэнтэн бичик- сурук буолара этиллэ сылдьар.

Саха оһуоругар руна знактара ханан киирэ сылдьалларын таайа сатыыр дьарыктаммытым.

Эрдэттэн саха тутуутун, прикладной искусствотын сэргээн үөрэтэр, ааҕар этим. Тахсыбыт литератураны хасыһан, ирдээн ааҕа сатыырым. 17- с үйэттэн саха оһуора тосту уларыйбытын, сайдыылаах омук кэлиитин сабыдыалынан тупсубут дииллэрин итэҕэйэрим.

Символлары, знактары, руна битиги үөрэтии кэнниттэн санаа 180 кыраадыс уларыйда.

Религия кэлэн, саха итэҕэлэ бобуллан, культурнай кодтары алдьатыы, программаларын ыһыы барбыта дьэҥкэтик көстөр.

Ордук бүөр ойуу, көҕүөр кодтарын алдьаппыттар. Ийэ кут программатын ыһыы үлэтэ барбыт, күн бүгүнҥэ диэри бара турар. Формата эрэ уларыйар. “Биеннале”, “мурал” диэн моднай ааттаах тэрээһиннэр саха культурнай кодтарын алдьатар үлэ саҥа көрүҥнэрэ.

Этнографтар, оһуору үөрэппиттэр бары түҥ былыргыттан уларыйбакка оһуорданан кэлбит оһуор диэннэр кэһэх оһуорун ыйбыттар.

Оһуор үйэттэн үйэҕэ наар биирдик оһуорданан кэлиитэ, улахан билиини илдьэ сылдьарын, ктстэлэҥ ис өйдөбүлллээҕин этэр.

Саха төрүт оһуордара бары оннук таҥыллан оҥоһуллубуттар.

Кэһэх оһуорунан сирдэтэн үөрэтэн саха оһуордарын культурнай кодтарын хат ыллыбыт. Итэҕэйэн көннөрөргүт эрэ ирдэнэр. Көнөрө олох судургу.

СилиС РОО лекцияларын ютубка истиҥ, бассаабынан да тарҕатабыт.

Биһигиттэн источник, ссылка көрдөөмөҥ.

Биһиги источникпыт уонна ссылкабыт символлар уонна знактар.

Символлар уонна знактар кистэлэҥнэрин мээнэ аспаттар. Өбүгэни, көстүбэт эйгэни кытта алтыстаххына эрэ кыаллар.

Кэһэх оһуора-төрүччү уонна удьуору ууһатыы. Удьуор үөрэҕэ.

Удьуор үөрэҕэ-генетика. ДНК, генетическэй код.

Оһуорбутугар оннук билиини укпуттарын руна битик кистэлэҥэ аһыллан таайдыбыт.

СилиС РОО өбүгэбит билиитин хат ыллыбыт диир кыахтанна.

***

Батай Көстөкүүн,

Хаартыскаҕа: Кэһэх оһуора оноҕос хаатыгар.

Обсуждение • 5

Добавить комментарий
  1. Минсаха

    Тыhы ойуу, атыыр ойуу диэннэри билэ5ин дуо – дьэ ол баар удьуору ууhатыы кистэлэннэрэ. Ону булан холбоотоххуна, уктаххына дьэ барыта сал5анар. Ол иннинэ ону маны батайдаама

  2. Сайыына

    Олус да туһалаах, кэнэҕэс саха ыччатыгар хаалар үтүө үлэҕит иһит махтал мааныта буоллун! Өссө да билии дириҥ кылаатын хасыһан үүнүҥ, сайдыҥ, чэчирээҥ!

  3. ити

    оЬуор – узор, нууча тыла дии, уонна хантан былыргы саха киэнэ дии-дии кэпсии сатыыргыт буолла. Сахалыыта дьураа диэн буолбатах дуо? Холобура: дьураа ойуу, олус кэрэ дьураалаах…

    • Петр

      Уучча омук тылыгар түүр омук тыла элбэх. Онон оһуор-узор түүр омуктан киирбит буолуон сөп.

  4. Хаххан

    Маны Булан талан туспа кинигэ таьаараллара буоллар.Сахалыы тацаьы эмиэ сордоон муцнаан тигэн тар5аталлар дьаабы.Олох да Саха буолбатах дьон тар5атар.Сурунаалы ылан тигэ сатаан ол кинилэр бэйэлэрин бээгэй илиилэригэр атахтарыгар тикпиттэрэ хантан киьиэхэ барытыгар соп буолуой.Таах сымыйаннан харчы сиэри сурунаал таьаараллар.Аны ону корон коннорон бопсор диэн суох.Артыыстар костуумнэрин ацаара эбэцкилии онтон Сахалыы уонна бурээтти буолар.Сырайдара кытай курдук дьон.Ба5ар буолуо челнок омук дьоно элбэх этэ.О5олоро хаалла5а дии.Ким да коннорбот.

Оставить комментарий