Көрөллөр көрбөттөрүн, көрбөттөр көрөллөр
Руна битик ааҕыллан өбүгэбит умнуллубут билиитэ хаттаан тилиннэ.
Руна битик көстүбэт эйгэни кытта быһа алтыһар бэлиэлэрдээх.
Өбүгэтин кытта истиһэр ситими туппут киһи руна битиги үөрэттэҕинэ үөһээ дойду информационнай хонуутугар холбонор. Информация кэлэр буолар.
Саха итэҕэлин иитэр тиһилик ( системнай ) билиитэ киһи икки мэйиитэ тэҥҥэ үлэлиирин ситиһиннэрэр.
Логика – хаҥас мэйии, интуиция – уҥа мэйии тэҥҥэ үлэлиир буолар.
Интуиция ылбыт информациятын куолулаан ( логика) таһаарыы ылбычча кыаллыбат.
Мэнэрик – ылбыт информациятын сатаан быһааран кэпсээбэт.
Өбүгэбит иитэр систиэмэтэ, Үрүҥ итэҕэл, 17- с үйэттэн ылата бобуллубута.
Ол кэнниттэн ыраахтааҕылаах Россияҕа уонна ССРС былааһыгар олорон кэллибит. Мировозрение уларыйбыта өйдөнөр.
СилиС РОО руна битиги, символлары, бэлиэлэри үөрэтэн өбүгэбит билиитин хат ыллыбыт диир кыахтанна.
Оһуор-бичик ис өйдөбүлүн аахтыбыт. Салгыы хасыһан үөрэтэн үтүмэн үйэлэр түгэхтэригэр түһэн сака-скифтэр көмүс оҥоһуктарыгар тиийдибит уонна бу “звериный стиль” диэн ааттыыр көмүс оҥоһууларын таабырыннарын таайдыбыт.
Саха өйө, толкуйа, көс омук менталитета, саха тыла, руна битик, итэҕэл өйдөбүллэрэ барыта холбоһон сака-скифтэр таабырыннарын аһан биэрдилэр.
Өбүгэлэрбит да, үөһэлэр да көҥүллээннэр бу билии аһыллар. Өбүгэбит ууран хаалларбыт билиитин туһанныннар диэн аһар. Манна кистэлэҥ, бобуулаах суох. Руна – үрүҥ магия, саха итэҕэлэ Үрүҥ итэҕэл, Айыы суолун тутуһан, үс дойдуну кытта иллээх буолары ирдиир.
Билигин судургутук быһаарыыга киирэбин.
Саха таҥаһа, оһуора үс дойдуга арахсар диэн өйдөбүл күн бүгүнҥэ диэри тиийэн кэлбит.
Дьабака – үөһээ дойду.
Сон – орто дойду.
Этэрбэс – аллараа дойду.
Курданаргыттан аллараа – аллараа дойду.
Курданаргыттан санныгар дылы – орто дойду.
Санныгыттан үөһэ – үөһээ дойду.
Туох баар символ, бэлиэ, оһуор барыта бу өйдөбүлү тутуһар.
Сах саҕаттан кэлбит өйдөбүл сака-скифтэр көмүс оҥоһуктарыгар тириэрдэр.
Төбө – үөһээ дойду.
Илин атах, ис – орто дойду.
Кэлин атах – аллараа дойду.
Таба – олень, атын өйдөбүлэ правильно.
Сытар – сыт, көстүбэт эйгэ сытынан баарын биллэрэр. Бу сытар табанан көстүбэт эйгэни кэпсээтибит диэн эппиттэр. Саха толкуйа эрэ маннык оҥорор.
Таба муоһа – сыл аайы түһэр, хаттаан үүнэригэр биир салаа эбиллэр. Маны хоту олохтоохтор эрэ кэтээн көрөллөр. Гипербореецтар.
Таба муоһунан Айыылар халлааннарын, киһи өйө сайдан тахсан иһиэхтээх таһымнарын көрдөрбүттэр.
Үс дойду, үс кут, аҕыс иилээх-саҕалаах Аан ийэ дойду тутула барыта бу сытар табаҕа кэпсэммит.
Саха толкуйа, тыла, итэҕэлин өйдөбүлэ, түҥ былыр олорбут сирдэрэ, Аан дойдуну анаарбыт билиилэрэ бу символга барыта угулла сылдьар.
Балык хараҕа – үөскэх, чөл үс куттаах удьуору ууһатыы.
Итинник төһө баҕарар кэпсии туруохха сөп.
***
Батай Көстөкүүн
15.05.23 с.
Обсуждение • 4
Добавить комментарийОставить комментарий
Шиномонтаж Левша
Cтоматология 32
Үөһээ-аллараа, орто Дойду диэн киһи бэйэтигэр үөскэтинэр эйгэтэ: мөкүнү эбэтэр үтүөнү мунньунан эбэтэр ортотунан толкуйдаан олорор Орто Дойду олоҕо.
Тыын, Сырдык, Сылаас диэн эйгэлэр, ону киһи СИРГЭ ҮЛЭлээн толорон иһиэхтээх. Билии диэн таһым. Ол таһымҥа киһини Алаас сыһыыга оттоон эргийбитиҥ таһаарар.
Хас биирдии тыынар тыыннаах бэйэтэ СЫРДЫКтаах, СЫЛААСтаах. Ол СЫРДЫК сүттэҕинэ хараҥа эйгэ үөскүүр.
Соҕуруу дьон иҥсэҕэ ылларан хараҥа эйгэ үөскээбит. Ол эбэтэр дьон иҥсэҕэ-обокко, сүрэҕэ суохха, көргө ыллардаҕына, толкуйа тулуннаҕына, бэлэмҥэ мэччийдэҕинэ сырдыга сүтэр. Элбэх киһи сырдыга сүтэн хараҥа буолан алдьархай буолар. Сырдык диэни аныгы дьон Күн сардаҥатын, лаампа уотун эрэ ылынар. Искусственнай, электричество, эрэ диэнинэн сырдатынар дьон СЫРДЫК диэн өйдөбүлү кыайан ылыммат буолбут.
Тыыннаах диэн өйдөбүлэ туура туллубут. Киһи бэйэтэ туох тыыннаах да туларыырын оннук өлөр эбэтэр чэлгийэр тыынныыр. Ол эбэтэр бүгүҥҥү саха эр дьонун курдук акаарыта бэргээн Айыыны кытта алтыһар сирин сэриилээн, дьолу туойуохтаах көтөрдөрү дьахтара ыттаран ылан таҥара күннээн буһаран сиэн баран, бэйэтэ күн аайы Айыыны ырыта сатаахтыырын үлэ оҥостор. Бэйэтин тоҕо ырытаахтаабата буолла? Аныгы киһи туһунан тугу суруй, саҥар барыта инник эрэ тахсар. Онтун ааҕа-ааҕа куһаҕаны суруйар дьахтар диэн өһүргэннэҕэ буолан ыыстаан ыытыа да буоллар, дьиҥэр махтанаахтаан көннөрүнүө этэ.
Бэйэтин да анаарар кыаҕа суох бүгүҥҥү эр дьон кыаҕа туга кэлээхтиэй? Саҥатыттан иһиттэххэ Орто Дойду олоҕо эргийэр киинэ кини курдук туттар, сананар, Аан Дойду омуктарыттан, атын дьонтон ордуктара кини үһү.
Айыыга киһилии саҥаран алгыс этиннэ, Уокка ас кутта да Айыытын кытта алтыспыт, сиэри-туому тутуһан сиэн-аһаан абыраабыт үһү, онто ол иһин кини баҕатын толорор дуу, толоруохтаах дуу курдук саныыр. Массовый психоз, секта.
Тайах, таба, атын да көтөр-сүүрэр дьиҥэр Төрүт Итэҕэллээх Саха Киһитигэр СЫРДЫК, ТЫЫН, СЫЛААС эйгэ сороҕото. Ол ону элбэтиэн, харыстыан оннугар акаарытынан салаллар, салайар Айылҕа “харыстабылын”, “культуратын министерстволарын өр сыллаах үөрэҕинэн, угуйуутунан кырган сиэн бүтэрдэ, ол кэннэ сайын аайы ыһыах ыстан Айыыны дьаһайар саҕа саныыр. Бэйэтин тотуттан ураты ҮТҮӨ баара көстүбэт.
Ол эрээри көтөрү-сүүрэри кэтэһэн олорор сирин чөкөччү хомунан чуумпурбут, Айылҕа УҺУКТАР ТЫЫНыттан дуоһуйар, астынар, ылынар, үөрэнэр, БИЛИИгэ тардыһар, дьулуһар дьон элбээн эрэр диэн искэр эрэл кыымын саҕар үтүө сүүрээн ханан эрэ кылам гынан ааһан үөрдэр. Ити үчүгэй.
Билии хайа таһымҥа турарыттан, хантан, хайа өттүттэн ким көрөрүттэн дьон тугу барытын уратытык көрөр, ылынар.
Холобур, миэхэ көтөр-сүүрэр, от-мас, Уу, Хара Тыа, Алаас-сыһыы чуумпута, тыына,ырааһа, сырдыга, сылааһа, толорута, ситимэ оҕолорбун, сиэннэрбин олордон хаалларар, ХАРЫСТЫЫР, көмүскүүр, кыһаллар Эйгэм. Ол Сир өссө да өр кэмҥэ букатын кэм кэрдии кээмэйинэн кэмнээн да диэн муҥура торумнаммат, киэҥэ биллибэт Куйаар эргииригэр сөп түбэһэн, бэйэтигэр бэриллибит кэрдиис кэмигэр дьонунан ХАРЫСТАНАН дьоллоох, чөл туруктаах, бүтэй бүрүөһүннээх, ыраас, үлэ, олох айар-тутар көлөһүнүнэн, иэйиитинэн сууланан устуһа туруохтааҕар итэҕэйиэхтээҕим -САХА ОМУК ТӨРҮТ ИТЭҔЭЛЭ.
Сорохторго сиир, алдьатар, атыылыыр эйгэ, ордук Сиргэ төҥкөйөн үлэлиири билбэт дьоҥҥо. Ол иһин киһи билиитин таһымын уларытар хара үлэ. Онто суох ЭТИНЭР КЫАХТААХ БИЛИИ (наука) суоҕун бүгүн дьэ билэн аҕай олордохпут, атомнай дэлби тэбиилэр анныларыгар, ыра санаабыт элбэх койкалаах онкобалыыһа эрэ бүгүн буолан буолбатах.
Ол биһиги Билиибит таһыма уратытыттан таҥыллар, көстөр, өйдөнөр, ылыныллар.
….Куйаар Улуу Эргииригэр…
Олус сөп.