Курс валют
$
57.41
1.04
55.41
0.32
Курс валют
Курс валют
$
57.41
1.04
55.41
0.32
Меню
Поиск по сайту

Дьокуускайга булчут ыттар уонна булка аналлаах саха быһаҕын күрэхтэһиитэ тэрилиннэ

10.04.2022 09:59 2
Дьокуускайга булчут ыттар уонна булка аналлаах саха быһаҕын күрэхтэһиитэ тэрилиннэ

Субуота күн, муус устар 9 күнүгэр, Дьокуускайга Комсомол болуоссатыгар сарсыардаттан ыт ньаргыара саҕаланна.
Булчут боруода ыт быыстапката “Байанай” сурунаал 20 сылыгар уонна Булчут күнүгэр ананна.

Сурунаал сүрүн редактора Юрий БОРИСОВ этэринэн, түөрт боруода ыттар быыстапкалара буолла.

“Хас боруода аайы саастарынан – кыра, орто, улахан бөлөххө арахсан (тыһы/атыыр) күрэхтэстилэр. Онон барыта 42 ыт бириис ылла”, – диэн Юрий Петрович кэпсиир.

Илиҥҥи-сибиир, арҕаа-сибиир, нуучча-европейскай уонна саха булчут лайкалара кыттыбыттар. Ыттары Москваттан Горохов Олег Николаевич диэн 2-с категориялаах эксперт-кинолог кэлэн судьуйалаата. Быыстапканы  Якутохотрыболовсоюз, “Байанай” кулуур,  Булт департамена тэрийдилэр.

Ыт быыстапкатын тэҥэ саха быһагын быыстапката эмиэ буолла.  Атыы-эргиэн син барда, дьиҥэ эрдэ биллэрбит буоллар элбэх уус кыттыаҕа хаалбыт.

“Аны “Бастыҥ булчут Саха быһаҕа” диэн күрэҕи сырдатар эбит буоллахха, бу күрэх уратылаах күрэх буолла. Тыаҕа бултуу сылдьан хас биирдии булчут итинник туһанар диэнтэн сиэттэрэн тургутууга убаһа атаҕын уонна кутуругун астааһыны киллэрдибит. Ону сэргэ тиит халыҥ хаппыт хаптаһыны үүттэттибит уонна ортотунан быстардыбыт. Тургутуулар олус сэргэхтик аастылар.  Ол курдук сорохтор атаҕы астаан баран кутуругу сэлээһиҥҥэ кэлэн туораатылар, сорохтор туох баалларынан киирсэ сатаатылар, түһүмэхтэри барытын туораатылар эрээри, хаһыаты быһыыга туораатылар. Кыайыылааҕынан 3 миэстэ түҥэтилиннэ уонна “Кыымаан” булчут кулуубуттан уһун сиэхтээх футболканы Таатта Баайаҕатыттан төрүттээх Данилов Александр – Хаҥыл Уус кыһатыгар уһуйуллубут Пахомов Степан, 2 миэстэни Бүлүү Чочу диэн нэһилиэгиттэн Томский Семен ылла уонна Саха сирин айылҕатын харыстабылын министиэристибэтэ туоруорбут бирииһин оҥочону тутта уонна бастакы миэстэни ылла Бүлүүттэн – Федоров Егор. Кыайыылаахха ону таһынан Акимов Николай уонна Иовлев Игорь кыттыһан туруорбут бириистэрин 30 000 ₽ уу харчы ылла”, – диэн тэрийээччилэр сонуннарын кэпсээтилэр.

Ыт быыстапкатыгар кыайбыттартан салгыы Россия булчут ыттарын быыстапкатыгар кытта барыахтаахтар.

***

Семен АРГЫЛОВ,

Aartyk.Ru анаан. 

Обсуждение • 2

Добавить комментарий
  1. Тимир

    Кэм буолуо. Тэрийии куруук буоллун хааллын диэн. Дьон буппутун кэннэ билэр. Кыттар да киьи билбэккэ хаалар.Барыта таах. Хааллын буттун эрэ диэн курдук. Дьон туьа диэн атыылан харчыны киллэрдиннэр атыыластыннар туьанныннар диэн туох.

  2. Киргил

    Таах сытан эрэ кириитикэлиир быдан чэпчэки буолла5а, Тимир бэйэн тэрийиэххин учугэйдик.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»