Бүгүҥҥү туругунан (балаҕан ыйын 8 күнэ) быыбарга түөрт кандидат кыттыаҕа. Онуоха бастакынан Анатолий Анатольевич Алексеевы кандидат быһыытынан регистрациялыыр быһаарыы Саха Республикатын Үрдүкү суутун уурааҕар олоҕуран балаҕан ыйын 3 күнүгэр көтүрүллүбүтэ. Иккиһинэн Евгений Васильевич Павлов быыбарга кыттартан аккаастанар сайабылыанньатыгар олоҕуран, кинини кандидат быһыытынан регистрациялыыр быһаарыы балаҕан ыйын 5 күнүгэр көтүрүллүбүтэ, оттон үсүһүнэн бүгүн, балаҕан ыйын 8 күнүгэр, Николай Иванович Аржаков («Новые люди» политическай партия туруоруутунан быыбарга кыттарга регистрацияламмыт) эмиэ бэйэтин баҕатынан быыбарга кыттартан аккаастанар сайабылыанньаны киллэрэн, Уус Алданнааҕы ТИК кинини кандидат быһыытынан регистрациялыыр быһаарыытын көтүрэр быһаарыы таҕыста.
Онон билиҥҥитэ улуус баһылыгын талар быыбарга кандидат быһыытынан Алексеев Василий Петрович, Аммосов Василий Иванович, Калининскай Роман Гаврильевич уонна Максимов Владимир Юрьевич кытталлар.
***
Уус Алдан пресс-сулууспата
Оставить комментарий