Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Сатабыллаах урбаанньыт, эргитиилээх эргиэмсик

19.04.2019 20:08 0
Сатабыллаах урбаанньыт, эргитиилээх эргиэмсик

Муус устар 19 күнүгэр, Кузьма Гаврилов аатынан Дьокуускайдааҕы эргиэн-экономика колледжыгар  «Саха сирин оҥоһуга – 2019» урбааҥҥа сыһыаннаах сонун санаа Чемпионата саҕаланна. Чемпионат сүрүн соруга – анал идэҕэ үөрэтэр үөрэх кыһаларын устудьуоннарын урбааҥҥа көҕүлээһин уонна орто, дьоҕус урбаан табаарын батарарга ананар.  Тэрийээччилэр – Урбаан, эргиэн уонна туризм министиэристибэтэ, Эргиэн-промышленнай Палатата,  Үөрэх уонна наука министиэристибэтэ, ону сэргэ Дьокуускайдааҕы эргиэн-экономика колледжа.

Чемпионат аһыллыытыгар  СӨ урбааҥҥа, эргиэҥҥэ уонна туризмҥа солбуйар миниистирдэрэ Ирина Гаргач уонна Ирина Коба, «Сахасертификация» генеральнай дириэктэрэ Лена  Стручкова, Дьокуускайдааҕы эргиэн-экономика колледжын дириэктэрэ Валентина  Кривошапкина аан тыл эттилэр.

Күрэхтэһии икки түһүмэҕинэн барыаҕа диэн колледж пресс-сулууспата иһитиннэрэр. Бастакыта – Хакатон, онно ребрединг бырайыагын оҥоруу, олохтоох тэрилтэлэр табаардарын батарыыга куоталаһыахтара.  Иккис түһүмэх – клиеннаргэ туһуланар, ол тэрээһин “Лена” кинотеатрга ыытыллыаҕа.

Чемпионакка  «Саха сирин оҥоһуга» диэн анал реестргэ киирбит тэрилтэлэр кыттыһаллар. Ол курдук, «Мохсоҕоллооҕу килиэп собуота», «Сладкие мечты» минньигэс астаах бэкээринэ,  «Саха чай» эргиэн маарката,  «Армада» ХЭТ, Сунтаартан «Тирэх», Ленскэйтэн урбаанньыт  Сотников Андрей Ильич,  «Якутия» ФАПК, Намтан урбаанньыт Солдатова Лариса Ивановна,  «Эрэл» СПК.

Дьүүллүүр сүбэҕэ – былаас, бизнес, наука, тэрилтэ салайааччылара, преподавателлэр үлэлиэхтэрэ, диэн журнаоист Мариита НАЗАРОВА биллэрэр.

***
Aartyk.ru

Оставить комментарий