Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

“Тайна вилюйского водохранилища “ документальнай киинэ туһунан санааларым

28.09.2021 18:19 2
“Тайна вилюйского водохранилища “ документальнай киинэ туһунан санааларым

Бастатан туран, саха киһитэ сахалыы ылынарыгар төрөөбүт тылынан оңоһуллубут.

Иккиһинэн, бу тыытылла, улаханнык кэпсэнэ илик ыарахан тема. Экология айгырааһына, иһэр уу, өрүс киртийиитэ, дьону төрөөбүт дойдута, төрүт дьарыга суох хаалларыы, – бу сиртэн хостонор баайдаах Сахабыт сирин биир кэпсэниллибэт өрүтэ. Бу туһунан кэпсиир, теманы арыйар – туспа кутталлардаах, то5о эрэ биһиги, кыра норуот улаханнык саңара, айдаара барбаппыт. Бары бэккэ диэн көрө-истэ, билэ сылдьабыт эрээри, туруулаһан туран биир сомо5о буолан киирсибэппит, бэйэбит интириэспитин көмүскээбэппит…

Бу киинэ Туой Хайа сэлиэнньэтин алдьархайын кэпсиир: олохтоох дьону кыстык са5ана көһөрөн, дьиэтэ-уота, дойдута суох хаалларан, улахан чинчийэр үлэлэри ыыппакка, алмаастаах Мирнэй үлэтин кэңэтэргэ Бүлүүтээ5и ГЭС тутуутун өйүүллэр, сыалай дэриэбинэни уу анныгар тимирдэллэр… Ол кэннэ, Бүлүү өрүс киртийиитэ, дьон айманыыта барыта сир аннынан курдук сибигинэйэн кэпсэтиллэр.

Онтон бу киинэ эмискэ этиң эппитинии лүһүгүрүү биэрдэ, ириңэлээх кутургуйа то5о барбытыныы өр сылларга кистэнэ сыппыт бааһы арыйда.

Маны барыбытын хаарыйар ыарахан тыыннаах кэпсээни эдэркээн кыргыттар устан киэң эйгэ5э сырдаттылар…
Автор, режиссер, сценарист Анастасия Борисова-Сардаңа. Кырдьык, күн сардаңата былыт быыһыттан сандаарыйа тыкпытыныы, хараңа, күлүк, кистэлэң сирдэри сырдаппытыныы, республика күнүгэр бар дьонугар киэң эйгэ5э көрдөрдө.

Бу кэпсээн туһунан сиһилии сторизка сырдатыам. Нууччалыы тылынан эмиэ таһаарыам.

Үксүгүт билэргит курдук, мин ордук культура, тыл эйгэтигэр общественник быһыытынан үлэлэһэбин. Төһөннөн дириңник хаһан, чинчийэн истэ5им аайы биһиги тылбыт, төрүт идэбит, дьарыкпыт айыл5аны кытта ситимнээ5ин, ону ааһан, сиртэн хостонор баай онно сабыдыалын өйдөөн иһэбин.

Хомойуох иһин, со5отох Саха сиригэр эбээн тылын тутан хаалбыт Сэбээн күөл олохтоохторо, эбээн төрүт тыла, дьарыга бу Туой хайа историятын хатылыыр кутталлаах.. Ити Сэбээн күөл диэн бэйэм эппинэн билбит, көрбүт холобурум. Оннук Саха сиригэр холобур элбэх… Манна туох толкуйдар баалларый? Утары туруу буолбакка, барытын иһиттэн чинчийэн, тула үөрэтэн, олохтоох дьоңңо о5устарыыта суох буоларыгар үлэлэһии, сир баайын хостуур тэрилтэлэр ону учуоттаан, инники көлүөнэ сайдарыгар кылааттарын уураллара буоллар дии саныыбын…

Олус күүстээх, хорсун санаалаах киинэ төрүттээччилэригэр, үлэлэспит дьоңңо Махталбын тиэрдэбин🙏🏼 бу курдук хатыламматын туһугар туора турбакка, төрөөбүт дойдубут кыһал5аларын, сайдыытын туһугар санаабытын этинэргэ, бииргэ үлэлэһэргэ, бэйэбит “соучастнай» буоларга үөрэниэххэ.

Киинэни сотору кэминэн ютубка “OYDUO” каналга көрүөхпүт, тахса илик.

***

Сардана СЫРОМЯТНИКОВА

 

Обсуждение • 2

Добавить комментарий
  1. Коннору

    НВК тахсар дуо?

  2. Куотааччы

    Бүлүү алдьархайыттан сылтаан нэһилиэнньэ олоҕо сатарыйда. Дьон бу улуустартан Дьокуускайга уонна киин улуустарга куотар.

Оставить комментарий