Курс валют
$
76.47
0.61
90.41
0.94
Курс валют
Курс валют
$
76.47
0.61
90.41
0.94
Меню
Поиск по сайту

Бэйэтэ эмтиэкэлэр

02.10.2020 14:25 3
Бэйэтэ эмтиэкэлэр

Балыыһалар, поликлиникалар  сүгүн-саҕын үлэлээбэккэ үгүс дьон «норуот эмчиттэригэр», «ойууттарга-удаҕаттарга» эмтэнэ барар буоллулар. Онтон 100-тэн биирэ дьиҥнээх эмчиккэ түбэстэххинэ байанайыҥ буолуо. Таба тайанара быраапсай.

«Эмчиттиир», «ойууннуур-удаҕанныыр» бизнес буолан турар. Син биир өҥөнү атыылааһын, оҥорооһун — чааһынай предпринимательство. Ким эрэ килиэп атыылыа, ким эрэ баттах кырыйыа, оттон ким эрэ «көрбүөччүлүө», «эмтиэ-томтуо».

Саамай мөкүтэ диэн, оннук сорох саарбах эмчиттэр, ыараханнык ыалдьыбыт дьону буулаан, олору супту уулаан харчыланан, байан-тайан олороллоро.

«Чараас эйгэҕэ сылдьар информацияны көрөр, хабар киһи олус элбэх. Итиннэ туох да уһулуччу суох. Ким баҕарар дьарыктанан итинник дьоҕурун сайыннарыан сөп. Чараас эйгэттэн информацияны ылыы — биир. Оттон ону сөпкө ырытан, илдьиритэн, туһалааҕы сүүйэн, сүһүйэн ылар киһи ахсааннаах, өссө ону ылан киһини эмтиир, көннөрөр киһи букатын да сэдэх», — диэн хаһан эрэ коллегабыт, общественница, дьиктини-дьиибэни таҥан таһаарар хаһыат-сурунаал редактора  этэн аһарбыттаах.

Кырдьыга да оннук, олох да ону туһулуур.

Соторутааҕыта федеральнай СМИгэ норуот эмчитэ Ньурбаҕа кэлэн 27 киһини коронавируһунан сутуйан барбыт диэн суруйдулар.

«В одном из крупнейших городов Якутии Нюрбе минимум 27 местных жителей заразились коронавирусом после посещения народного целителя, который оказался носителем COVID-19. Об этом пишет «Московский комсомолец».

Издание уточняет, что резкий скачок заболеваемости в районе зафиксировали 30 сентября.

Как уточнила заместитель председателя правительства Якутии Ольга Балабкина в эфире регионального телеканала «Саха», запись которого опубликована на YouTube, случаи коронавируса после визита целителя, который на какое-то время приезжал в город и принимал «большое количество граждан», подтвердились. Все его контактные лица изолировали. Знал ли целитель о своем диагнозе, Балабкина не уточнила», диэн Лента.ру суруйар.

Киһи тыыннааҕын тухары ыарыыта-дьарҕата элбэх. Былыр да, аны да. Коронавирус дьаҥа ааҥнаабыта республика доруобуйатын харыстабылын систиэмэтин улаханнык айгыраппытын илэ көрөбүт. Ыалдьыбыт киһи быраас ыҥыраары балыыһаҕа эрийэрэ, бырааһы кэтэһэрэ, анаалыс туттарара, аны онтун күүтэрэ — баһаам бириэмэни ирдиир. Коронавирус таһынан атын ыарыы суох буолбутун курдук. Ким эрэ сүрэхтээх, ноордоох, сүһүөхтээх, ким эрэ дьыл уларыйыытыгар булгуччу эмп-томп, систиэмэ, укуол ылыахтаах, ким эрэ тугу эрэ өрүү ыалдьар — баһаам буоллаҕа ону көрөр-истэр иллэҥ быраас суох. Биллэн турар, бу барыта тэрийээһинтэн, тэрийээчититтэн быһаччы тутулуктаах. Доруобуйа харыстабылын миниистирэ да, социальнай эйгэни хонтуруоллуур чиновниктар да тэрийэр үлэҕэ талааннара, дьоҕурдара да суох буолан биэрдилэр. Хомойуох иһин. Ол — дьон доруобуйатыгар улаханнык оҕуста.

Боростой дьону сэмэлиир, күлүү гынар дөбөҥ — тоҕо шарлатаннарга сылдьаҕыт диэн. Кыһалҕаттан! Биир да балыыһа кыайан үлэлээбэт туруктаах турдаҕына дьон уонна ханна барыай?! Эмчиттэргэ, отоһуттарга, бассаабынан тарҕанар саарбах биллэриилэргэ,  ырыссыаптарга.

Ити биир кыһалҕа. Атына — арыый бэлиитикэлээх: «удаҕаннара арыгыһыттар» — гран-при киинэ бэстибээлэ, «эмчиттэрэ дьону сутуйаллар» — «крупнейший город» Ньурба холобура. Уонна кэлэн сатыы Москубаҕа аттанар, ыраахтааҕыга ураҕастанар ойууттардаах дьон-норуот диэн көрдөрүү, быһыыта.

***

Прасковья НИКАНОРОВА,

«Аартыкка» анаан. 

Обсуждение • 3

Добавить комментарий
  1. 4543

    Дьон барар кэлэр сирэ ба5ана уутэ буолан, ыксаан норуот эмчиттэригэр тиийэллэр. Тыа сирин балыыhалара олоччу сабылларга бардылар. Ол кэмнэ улахан тойотторбут халлааны таhыйаллар, букатын атын эйгэ5э олороллор. Эргиччи сокращение сабыллыы

  2. Кугдаров

    Дьоццо кемелеье сатыы сылдьар киьини буруйдаабакка, быьаччы, тыа балыыьаларын сарбыйааччылары буруйдуохха наада, ол кимнэрэ да биллибэт дьоннору буруйдуур эшафотка таьаартыахха, аьа5астык. Олору, норуот аа5а билэр.

  3. Мда

    Пугало диэн ити этэр эмтиэкэ дьахтаргыт тусунан киинэнэн кинофестивальга бастаатыбыт, аар саарга аатырдыбыт диэн сахсаннасыы бого буолбуппут дии, бу агыйах хонуктаагыта

Оставить комментарий