Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Саха дьоно исламҥа тоҕо баралларый?

08.02.2021 09:01 5
Саха дьоно исламҥа тоҕо баралларый?

Соторутааҕыта маҕаһыыҥҥа сырыттахпына ким эрэ арай ааппынан ыҥырар. Тула көрүннүм – абына-табына дьон ааһар, кытыы соҕус хара таҥастаах дьахталлар бааллар, оҕолооохтор, утары прилавокка дьон уочараттаан турар. Ким да миигин билиэх, ыҥырыах киһи баарын таба булан көрбөтүм. Салгыы барыах курдук буолан истэхпинэ, хараҕым кырыытынынан көрдөхпүнэ арай хара таҥастаах дьахталлартан биирдэрэ устан кэлэн сиэхпиттэн тарта. Хайыстым уонна соһуйан олордьу кэлэн түһэ сыстым. Хаһан эрэ кыыспын кытары бииргэ устудьуоннаабыт дьүөгэтэ мытырыллан турар эбит. Миигин көрөн уоһа ыпсыбат. Сөхпүт харахпын көрөн баран: “Мин ээ, Динабын… Билбэтиҥ даа?” – диэтэ.

Дина төбөтүн оройуттан атаҕын тумсугар диэри хара таҥастаах, арааһа хиджаб диэн таҥастара буолуо. Биир сүүмэх баттах көстүбэт, бүтүннүү сирэйин тула ньылаччы былаат икки капюшон икки курдук баттаҕын барытын кистээн, онто үргүлдьү уһун сиэхтээх, атаҕын тумса эрэ көстөр былааччыйа курдук сундьулуйан түспүт. Бииргэ сылдьар дьахталларын көрбүтүм үүт-үкчу эмиэ оннук таҥастаахтар уонна тэҥ саастаах үөр оҕолоохтор.

Дина ханнык эрэ тутааччы омук киһитин кытары олорорун, онтон кыыстаммытын истэр этим. Өссө ол кэнниттэн элэс хаста да куоракка көрсөн ааспытын. Уруккутуттан улаханнык уларыйбатах этэ эрээри, былааччыйата, дьууппата уһаабытын бэлиэтии көрбүтүм. Ол гынан баран маннык тосту уларыйыа диэн түһээн да баттаппатах. дьыалам буоллаҕа.

-Бу… – туох диэхпин булбакка мух-мах буолан таҥаһын диэки ытыспын нэлэттим.

-Оннук. Исламы ылынным.

-һм..

-Намаз эҥин ааҕабын. Барыта серьезно.

-Ээ,  оттон… бэйэҥ быһаарыныыҥ буоллаҕа.

-Кууруһунан көрсөллөр быһыыта.

-Ээ, суох, мин оннукка эҥин сылдьыбаппын.  Уонна оттон өйдүөхтэрэ суоҕа, сэмэ-сии бөҕө буолуохтара.

Чэ, ситинник кэпсэтэн баран араҕыстахпыт.

Тоҕо? Туохтан? Биир күн уһуктаат атын омук итэҕэлин ылынан, өйдүүн-санаалыын, таҥастыын-саптыын  тосту уларыйан турбат буоллаҕыҥ.

***

Бассаабынан “Үс саха ойохтоох Насрулла” диэн ыстатыйа тарҕанна. “Үс” буолуо үһү, “саха” буолуо үһү. Ол Насруллабыт баай да буолбатах, боростуой гастарбайтер. Ойохторун килэйбит-халайбыт да дьиэҕэ олордор кыаҕа суох, таҥастарын-саптарын да дьаһайар кыаҕа суох. Ол эрээри ол саха кыргыттара (өссө биирэ үөрэхтээх, дьүһүнүнэн талыы-талба эбит) ону аахсыбакка – туга да суох омукка – одьулуун ойох буоларга сөбүлэммиттэр, өссө оҕо төрөөн биэрбиттэр.

Ыстатыйа суруллубута ырааппыт, уонча сыл ааспыт. Ол гынан баран таарыллыбыт тиэмэтэ сүрдээх уустук, кэм-кэрдии аастаҕын аайы өссө да сытыырхайара сэрэйиллэр. Омук быһыытынан баар буолабыт дуу, кэлбит-барбыт омукка суураллан бүтэбит дуу?

***

Прасковья НИКАНОРОВА,

“Аартыкка” анаан. 

 

 

Обсуждение • 5

Добавить комментарий
  1. Так

    Ити Насрулла 3 ойохторун кытта билигин хайдах олороллоро буолуой ? Мин санаабар ыhыллыбыт буолуохтаахтар . Сонумсуйан энин , эдэр , олоххо опытыра иликтэригэр ессе буолуон сеп . Саха дьахтарын хайдах да хаайан олорбоккун .

    • Мда

      Ерунда. Чудеса жизни диэн ханна барыай. Саха кыргыттара массово хасан да исламна баран хиджаб кэтиэхтэрэ суога. Куускэ эмансипация да былыргыттан Саха хааныгар инпит хоту дьахтар конул майгыта да. Всякие отклонения это тоже норма.

  2. хаалыма

    ээ,бу да дьоннор,бөлүһүөктээ бөлүһүөктээмэ- ханнык баҕарар дьахтар омугуттан тутулуга суох сонумсах,итии дойдуга барар баҕа санаалара муҥура суох.Ити дьахталлар айылҕалара,ол иһин киһи аймах быстыбакка үөскээн Аан Ийэ Дойдуну үлтү тэпсэн эрдэҕэ.

  3. Сми

    Оттон ити саҥа мэрбит , масква үөрэнэ сылдьан ислам үөрэҕэр эмиэ үөрэниэн баҕар эбит дииллэр этэ.
    Онон буоллаҕына алыптаах итэҕэл быһылаах.
    Үс ойохтонуу эҥин диэн..

  4. ХАХХАН

    Минобрнауки детсад школа улэтэ.Тороппуттэр эмиэ.О5ону иити суох.Бары кыыл бардылар.Уорэх улэ диэни баардылаабат сурэ5э суох дьон.А5ыйах ахсааннах омук араас Ассосиация мин-ва баар да5аны эмиэ туьа суох.Иити уорэтии молтох.Суут сокуон олохтоох дьоццо таьаарыц.Бэйэ бодотун тардынан сылдьыыга.Омуктарга бэйэлэрин сууттара сокуоннара элбэх дии.Барацын дьэ итирик далбайдан эрэ баскын быьыахтара.

Оставить комментарий