Хаппаргар хатаа
“Хаппаргар хатаа” диэн улахан суолталааҕы умнубаттык өйгөр тута сырыт диэн этэллэр.
Алта өттүк симэхтэриттэн биирдэстэрэ “хаппар” дэнэр. Оһуора бичик, ол аата сурук, ону “оһуор-бичик” диибит.
17- с үйэттэн ылата Үрүҥ итэҕэл бобуллан, өйдөбүллэрэ сүтэн, итэҕэлэ суох норуот курдук санананбыт. Оннук иитиини ааспыппыт. Итэҕэли – билии курдук ылыммаппыт. Үөрэҕэ суох өбүгэбитин туох да билиилэрэ суох этилэр дииллэрин итэҕэйэ сылдьабыт.
Итэҕэл бобуллубута 400- чэкэ сыл буолан эрэр. Өйдөбүллэрэ барыта умнуллубут. Иччи, абааһы, уоту аһатыы эрэ өттө иҥнэн хаалбыт. Ол иһин итэҕэлэ суох “язычниктар” аатыра сырыттахпыт.
Өбүгэбит суруга суох этэ дииллэрин итэҕэйэбит. Былыр Евразияны баһылыы сылдьыбыппыт диири, туох ааттаах улуутумсуйан хааллылар диэн айдаараллар.
Латыын суругун знактарынан 30- с сылларга оҥорбут алпабыыттарын саха былыргы суруга диэн итэҕэйии бөҕөҕүт.
Түҥ былыргы, сах саҕанааҕы историябыт сабыылаах. Руна битиги көс омуктар суруктара дииллэр. Сатаан ааҕыллыбат гына умнуллубут үһү.
Саха төрүт оһуордара руна знактарыттан таҥыллыбыт буолан ис өйдөбүллэрэ ааҕыллар диэн быһааран, өйдөтөн СилиС РОО кэпсээбитэ 9 сыл буолла.
Хаппар оһуор-бичигэ – кода алдьаммакка ордон кэлбит оһуордартан биирдэстэрэ.
Руна знактарыттан таҥыллыбыт буолан ис өйдөбүлэ ааҕыллар.
ТӨ/Дуо руна знага. Өйдөбүлэ Айыы суола, духовнай өйгө тахсыы таһыма.
Хаппар оһуоругар бу знагы уларыппакка киллэрэннэр түөрт хайысханы ыйдарбыттар.
Хаппар оһуор-бичигэ. Ортотугар 4 ТӨ/Дуо руна знага түөрт хайысханы ыйаллар.
Уҥа өттүттэн түһэр хара хаймыы алларанан түөрт арочнай ойуулары оҥортоон, хаҥас өртүнэн өрө тахсан барар.
Ол иһинээҕи хонуу сырдык, Л курдуктарынан күрүөлэммитин «ураһа ойуу» дии сылдьабыт, олор аллараанан эмиэ түөрт арочнай ойуулары оҥорбуттар.
Муннуктар аайы П курдуктар бааллар, олор истэриттэн ох саа курдук символлар быкпыттар.
Бу быһаарыыларынан оһуор ис өйдөбүлүн куолулуубут.
8 арочнай ойуулар 8 Айыылар халлааннара. Айыыларбыт халлааннара духовнай өй сайдыытын таһымнара.
Л, ураһа ойуу – ДьАҺА руна знага. Дьаһа Күнтэн-Аар Айыы Тойонтон эрэ кэлэр.
П курдук символ – ДьӨ руна знага. Дьөһөгөй Айыы, орто дойду символа.
Ох саа курдук символ – ЭННЬЭ руна.
Стрелка символ – ОХ руна знага, духовнай сайдыы символа.
Аар Айыы Тойонтон энньэ буолан бэриллибит Үрүҥ итэҕэли орто дойду түөрт хайысхатыгар үҥүү-сүктүү күүһүнэн тарҕатыҥ, һиэр иитин кэҥэтиҥ, Күҥ өйүн (духовность) ыһыҥ.
Хаппаргар хатаа.
Саха буолуу – духовнай өй таһыма.
Сахалар орто дойдуга миссиялара Үрүҥ итэҕэли, духовнай өйү тарҕатыы.
Маны умнубаттык өйгүтүгэр хатаааҥ диэбиттэр.
Мэҥэ Кү таҥара ӨҤ.
***
Батай Көстөкүүн,
“Аартыкка” анаан
Обсуждение • 11
Добавить комментарийОставить комментарий
Шиномонтаж Левша
Cтоматология 32
Энин араас дьон элбээн. Олох атын, туох буолар ессе. Ким билиэй. Сэрии тыына билиннэ. Дойдубутун кемускуургэ ити Батай курдуктар наадалара суох ини
Өбүгэбит кистэлэҥ бэлиэлэрин билэн истэхпит. Константин Ивановичка махтанабын, тийимтиэтик быһааран биэрэрэргэр, билиигин үллэстэргэр.
“Силис” ООО” олох наадалаах саха дьонугар.Кинилэртэн олус элбэххэ үөрэнэбит,билэбит.
Константин Ивановичка улахан махтал!
Саха төрдүн,хантан үөскээбитин,саха суругун бичигин мандарын,саха итэҕэлин билэн дьоҥҥо сэргэҕэ тарҕатан,саха туһунан улахан омук буоларын онон киэҥ тутта сананарыгар,билиитэ көрүүтэ хаҥыырыгар,саха буолан эрэллээх буоларыгар улахан суолталаах сүҥкэн кылааты биэрэр.Ол туохха да кэмнэммэт билии баай.Инникитин даҕаны Константин Иванович дириҥ билиитин олохтоохтук,ылынымтыа гына быһааран үллэстэ туруо диэн эрэнэбит.
Манкурт диэн кимий?
Манкурт диэн -тугу да билбэт,сатаабат эрээри сымыйанан юлэлээбитэ буола сылдьар ,тойотторго- хотуттарга эрэ ючюгэй,абааhы кёрбют киhитин араа hынайдаан ёгэр – хараардар,сордуур кыймангнаабыт саха дьахтарын ааттыыллар…..
Манкурт диэн муҥ айах.
Манкурт диэн аhыыр эрэ айдааннаах материальнай эрэ еттугэр охтубут киьи. Хантан теруттээ5ин билбэт, билиитэ кыара5ас, ей санаа еттунэн сайдыбатах киьини ааттыыллар, наар баай эрэ туьугар олох олорор.
Саха киhитэ 9 уйэ5э дылы тердун билиэхтээх ийэтин а5атын еттунэн.
Оннук билэр киьи баара биллибэт.Бары да манкурт буолан олоробут быhыылаах.
Киинэ баар этэ ону кердеххутунэ ейдуеххут.
Манныгы билэрбит олус туҺалаах, кимтэн кииннээххин, хантан хааннааххын диэн мээнэҕэ этиллибэтэх буолара өйдөнөр. Саха буолан сандаар, КиҺи буолан килбэй!🤗😍
Манкурт диэн төрүттэрин умнубут, бэйэтэ кимин билиммэт,муммут киһи. Былыр оннук төрдүн,кимин умуннун диэн төбөтүн баайан кэбистэхтэринэ толкуйдаабакка бирикээһи эрэ толорор киһи буолар эбит.
Чингиз Айтматов айымньытыгар баар
“Силис” РОО” олох наадалаах саха дьонугар.Кинилэртэн олус элбэххэ үөрэнэбит,билэбит. Константин Ивановичка улахан махтал! Саха төрдүн,хантан үөскээбитин,саха суругун бичигин мандарын,саха итэҕэлин билэн дьоҥҥо сэргэҕэ тарҕатан,саха туһунан улахан омук буоларын онон киэҥ тутта сананарыгар,билиитэ көрүүтэ хаҥыырыгар,саха буолан эрэллээх буоларыгар улахан суолталаах сүҥкэн кылааты биэрэр.Ол туохха да кэмнэммэт билии баай.Инникитин даҕаны Константин Иванович дириҥ билиитин олохтоохтук,ылынымтыа гына быһааран үллэстэ туруо диэн эрэнэбит .
Умнуллубуту сергутэн , билиини кэнэтэр
Дьоммутуттан уерэниэххэ, билиэххэ.
Куус-кеме буолуохха . Махтал ,Аар Айыыларбыт уерэхтэрин тэнитэр билиилээх дьоммутугар.