Мэҥэ бэлиэлэр тустарынан

Батай Көстөкүүн, СилиС РОО биир салайааччыта, Орхон-Енисей руналара, сака-скифтэр көмүс оҥоһуктара, саха оһуор-бичигэ, ювелирнаай оҥоһуктара улахан кистэлэҥ билиини саһыара сылдьар диэн этэр:

-Геродот ааттаабыт сака-скифтэрэ  б.э.и. 9-2 үйэлэргэ олорбуттара уонна сүтэн хаалбыттара диэн суруйбут.

Кинилэр ыраахтааҕыларын көмпүт курганнара Евразияны тилэри бааллар.

Олору скифская триада холбуур дииллэр: ат тэрилэ, ох саа, көмүс оҥоһуктар.

Көмүс оҥоһуктарын 1000 сыллар тухары наар биирдик оҥоро сылдьыбыттар. Уларыппакка эрэ наар биири оҥоруу – информацияны хаалларыы. Бу оҥоһуктар ис өйдөбүллэрин таайа иликтэр. СилиС РОО санаатынан, Үрүҥ итэҕэл Аан дойду таҥыллар өһүн билиитин укпуттар.

Биир көмүс оҥоһугу холобурдаан кэпсиэм.

Хахай сылгыны умса баттаан эрийэ туппутун быһаарыам.

Хахай сылгыны умса баттаан эрийэ туппут.

Оҕо эрдэхтэн остуоруйалартан билэбит, түөрт атахтаах кыыллар ыраахтааҕылара хахай.

Сахаларга Күн ыраахтааҕы диэн өйдөбүл баар.

Бу тэҥнэбиллэри Үрүҥ итэҕэл билиитигэр аҕалан киллэрдэхпитинэ, хахай уобараһа Күн буолар.

Сылгы Үрүҥ итэҕэлгэ орто дойду символа.

Тугу барытын үс гынан көрөр саха, сылгы эрийэ тутуллубут кэлин атахтарын аллараа дойду гына көрөр. Зеркальнайдык таҥнары көрдөрөн көстүбэт эйгэни кэпсээбитин этэр.

Хахай – Күн, үөһээ дойду.

Умса баттамммыт сылгы илин өттө орто дойду.

Эрийэ тутуллубут сылгы кэлин өттө – аллараа дойду.

Эрийэ тутуллубут сылгы хамсааһына S знак курдук.

Хахай атаҕар, сылгы кэлин атаҕар баар символлар толору оҥоһуллубуттар, сылгы илин атаҕар баар знак итэҕэс.

Хахай сылгыны умса баттаан тобуктаппыт.

Бу быһаарыыларынан, көмүс оҥоһук ис өйдөбүлүн ааҕабыт:

S знак руникаҕа икки хоһулуһуннары руналар.

СүБа .

СҮ руна – аллараа дойду эниэргийэтэ.

БА руна үөһээ дойду эниэргийэтэ.

Ааҕыллыыта СҮБЭ.

Үөһээ дойду – мега мир, аллараа дойду микромир бүтүн оҥоһуулаахтарын атахтарга баар символлар  этэллэр.

Сылгы илин атаҕар баар символ итэҕэс оҥоһуулааҕа, орто дойдуну үөһээ, аллараа дойдулар айа-таҥа туралларын көрдөрөр.

Үрүҥ итэҕэл билиитигэр Күн – Аар Айыы Тойон.

Орто дойдуну тобуктатан СҮБЭбитин иһит диэн ДьАҺАйар.

Үрүҥ итэҕэл сакральнай өйдөбүлэ көстөн кэлэр.

1000 сыллар тухары наар биирдик оҥороннор үс дойду тутуллар ӨҺҮН умнумаҥ диэбиттэр.

***

Батай Көстөкүүн