Өлөрүөхсүттэр көҥүлгэ сылдьар кэмнэрэ кэллэ дуо?!
Aartyk.Ru редакциятын почтатыгар Бүлүү улууһуттан сүтүктээх төрөппүттэр ааттарыттан Аһагас сурук кэллэ. Сүрдээх ыар быһылааҥҥа оҕолорун сүтэрбит дьон суруйаллар. Суругу уларыппакка бэчээттиибит.
“Бу суругу убаастабыллаах Аартык.ру редакция аатыгар Бүлүү оройуонун Хаҕын нэһилиэгин олохтоохторо икки ийэ суруйан эрэбит. Суруйар биричиинэбит диэн кэпсээн саҕалаатахха былырыын, ол эбэтэр 2019 сыл бэс ыйын 11 күнэ түүн биһиги таптыыр оҕолорбут уолаттарбыт бу күн сириттэн нэһилиэкпит олохтооҕун сидьиҥ быһыытыттан, кини илиититтэн сырдык тыыннара быстыбыта. Ийэ киһиэхэ, төрөппүккэ ыарахан, оҕотун харайар диэнтэн ыар суох бу сиргэ. Ити күнү саныы-саныы санааҕа, кутурҕаҥҥа баттатан наар дууһа ыарыыта, кыланыыта, сүрэх бааһа буолар, бэйэбит даҕаны эдэрэ суох дьон ити быһылаан кэнниттэн доруобуйабыт айгыраан күнтэн күн олорор даҕаны, сылдьар даҕаны ыарахаттардаах буолан иһэр. Көмүс чыычаахтарбытын сидьиҥ санаалаах киһийдэх суорума суоллаан, биһигини харахпыт уутугар сууннарда, олохпутун огдолутта. Биһиги оҕолорбут барахсаттары сидьиҥ киһи илиититтэн маннык дьылҕаланыахтара диэн күн сирин көрдөрбүт үһүбүт дуо? Оо, абатыын…
Ол курдук, 2019 сыл бэс ыйын 11 күнэ түүн нэһилиэкпит олохтооҕо – син аҕам саастаах киһи бэйэтин күтүөтүттэн сурах быһыытынан истэн, ол күтүөт уол бэйэтэ тус санаатын эппититтэн сылтах оҥостон, туспа бэйэлэрин доҕотторун кытары сылдьар уолаттары дьиэтигэр төлөпүөн нөҥүө ыҥыран ылан, эрдэ кэлиэхтэрин иннинэ докумуона, илдьэ сылдьар бырааба суох, кини бас билиитигэр баар биэстэ эстэр аптамаат сааны ылан ботуруонунан толору иитэн дьиэ иһигэр олорон кэтэспит. Син балачча кэм ааһаатын кытары, дьиэ иһигэр кэтэһэ олорон олбуор таһыгар массыына кэлбит тыаһын истээт, утары сүүрэн тахсан уулуссаҕа сылдьар уолаттары олбуорун иһиттэн быган туран ыттыы ытыалаан сидьиҥ быһыыны оҥорбута. Ол Петров ытыалаабытын түмүгэр икки уол миэстэтигэр өлөн, икки уолга суһал көмө оҥоһуллан тыыннаах хааланнар, хас да ыарахан эпэрээссийэ ааһаннар билиҥҥи кэмҥэ диэри эмтэнэ сылдьаллар.
Өлөрүөхсүт суукка кэлэн ытыалаабытын туһунан эттэ, ол да буоллар буруйун билиммэтэ. Билиниэ баара дуо, ону ааһан өссө суукка туран: “Булчут буоллаҕым дии, Бөтүрүөп хаһан даҕаны отут миэтэрэлээх сиртэн сыыспат, сыыспыппын биллэхтэринэ күлүү гыныахтара дии” – диэн киһи кыһыйыах, кэлэйиэх тылластаҕа абатын. Сүтүктээх дууһабыт айманан ытыы-соҥуу сылдьар ийэлэргэ – биһиэхэ бу маны истэр хайдахтаах ыарын, кытаанагын тустаах эрэ өйдөөн эрдэҕэ… Ону истэн олорон, били аатырбыт присяжнайдарбыт, үрдүк үөрэхтээх дьон өлөрүөхсүтү таһаараннар “буруйа суох” диэннэр суут саалатыттан босхолоотулар, маннык быһыылара киһи өйүгэр баппат. Хайдах итинник буолуон сөбүн билиҥҥээҥҥэ диэри өйдөөбөппүт. Икки эдэркээн киһини өлөрөн, икки киһини ыар эт-хаан эчэйиитин оҥорон баран, хайдах буруйа суох аатырбыта, олох өйдөммөт!
Уопсайынан. Бөтүрүөп урукку кэмнэргэ дьону кырбаан, хаста даҕаны сааланан, дэриэбинэ иһигэр ытыалаан дьону эчэтэн, дьон төбөтүн хайыта сынньан, маҕаһыыҥҥа арыгы көрдөөн продавец дьахтары уонна атыылаһа кэлбит дьахталлар уоскутаары гыммыттарын эмиэ охсон-тэбэн турардааҕын, биир олохтоох кырдьаҕас дьахтары дьиэтигэр хаайа сытан илиитин быһаҕынан быһа сотон ааспыттааҕын ким даҕаны (олохтоох дьаһалта да өттуттэн) болҕомтоҕо ылбатаҕа олох өйдөммөт. Бу киьийдэх өссө эдэр сылдьан биир дойдулааҕын саанан эмиэ дэҥнээн турардаах. Биһиги дэриэбинэбит кырата бэрт буолан туох барыта хайдах буолбута иһиллэ турар. Тоҕото эбитэ буоллар, кинини хас сырыы аайы ким даҕаны үҥсүбэтэҕэ маннык ыар содулга тириэртэ диэн бука сэрэйиэххэ эрэ сөп.
Бу присяжнайдар туох толкуйтан маннык быһаарыныыга кэлбиттэрэ эбитэ буолла, сууппут даҕаны дьүүллэнээччини быыһыыр буруйа суоҕунан ааҕар бириигэбэр таһаарбыта.
Билигин Сахабыт сирин телевидениетын каналларыгар, Россия да каналларыгар дьэ олохпут олох тубуста, сурдээх үчүгэйдик олоробут диэн күнү супту кэпсээн тахсаллар, онтубут үс киһи көрөн турдаҕына дьону ытыалаабыт киһини сатаан сууттаабат, тустаах накаастабыл миэрэтин биэрбэт туруктаах эбиппит. Оо дьэ, кэлэйии диэн итиннэ сыттаҕа, киһи хайдах да буолуон билбэт.
Түмүккэ эттэххэ, бу ылыллыбыт бириигэбэр көтүрүллэн өлөрүөхсүт тустаах накаастабылы ылыа дуо, өлөрүөхсүттэр көҥүл босхо сылдьар кэмнэрэ кэллэ дуо диэн Сахабыт сирин Арассыыйа тойотторуттан ыйытыах тустаахпыт.
Сидьин киһи илиититтэн сырдык тыыннара быстыбыт эдэркээн оҕоло ийэлэрэ.
Обсуждение • 14
Добавить комментарийОставить комментарий
Шиномонтаж Левша
Cтоматология 32
Ол присяжнайдар быЬаарбыьтарыгар аны Путин уонна Ил Дарханы буруйдуу сатааЬын наЬаалааЬын буолбатах дуо?
Ессе ООН дуу, ЮНЕСКО дуу буруйдаахтар диэхтэрин ситэри?
Присяжнайдар сууту быЬа барытын истэ, кере, толкуйдуу олорон, буруйа суох эбит диэбиттэрэ буолуо дии?
Ол того ол киЬиэхэ кэллилэр?
Кырбаары, елерееру дуу?
Ол иЬин эрдэттэн бэлэмнэнэн керустэгэ дии, самооборона буолуо дии?
Ол ытыалаабыт киЬи тылын-еЬун эмиэ истиэххэ баара.
Туораттан бу биЬиги дьыала ис дьинин хантан билиэхпитий?
Өйдөөн аах эрэ! Дьиэтигэр бэйэтэ ыҥырбыт уонна кэтэһэн олорбут диэбиттэр дии
Дьыала иьэ хараца. Ол 4-5 эдэр ыччат, тууннэри, то5о кырдьа5ас киьи дьиэтигэр мэцийэн тиийдилэр? Присяжнайдар да мээнэ итинник тумук оцорботох буолуохтаахтар.Ханнык ба5арар ийэ5э тереппут о5ото, тем более суох буолбут о5ото аанньал буолла5а, манна киьи баайсара, ейдеебете суох.
Сепке этэгин
Уруккуттан баппат, куһаҕан киһи эбит
Билигин иһэр наркоман дьон саастах пенсионердары халыыллара элбэх.Иһэр киһини дьиэтигэр притон оҥороллор.Тыаҕа саамай харчылаах баай пенсионер.Дьонун аймаҕын иитэн олорор.Соҕотох киһи иһээччилэргэ аргы ылан биэриэхтээҕин курдук саныыллар.Ол сылдьан этиһии охсуһуу элбэх.Очередной разборка.Эдэр дьон түүн утуйбакка тугу хатааһылыы ыалы кэрийэ сырыттылар.Син биир иһээччилэр икки өттүттэн буруйдаахтар.Саастах киһи Ол кинилэр однокл. үһү дуо.Онно тиэстэр.
Арыгыны айан суола суох диэн ытыыллар да дьэ аҕалан атыылыллар. Адм. глава бары билэллэр.Бэйэҕитин билиниҥ эбэҥки дьиикэй дьоно.Бу мантан үөрэх ылан арыгыны бобуҥ.Ону туруорсуҥ.Үлэҕэ үөрэххэ ыытыҥ.
Былырыын Хаҥалас Булгунньахтаҕар эмиэ дойдутугар олоро кэлбит пенс.оҕонньору кыыртан аргыга харчы биэрбэт дьиэтигэр киллэрбэт диэн бэйэлэрэ өлтөрө киһини кыыллаан өлбүтэ саастах киһи.Улахан дьон соҕотох дьону сэнээн абааһы көрөн саҥараллар ону оҕо истэ улаатар эмиэ өстөөҕүн курдук ылынар.Кини дьонун бэлэмэр олорор ыалын атаҕастыыр.Итинник көстүү куоракка да баар. Соҕотох киһи аргыһыт наркоман дьахтар простутка кинилэр үөҕэллэринэн.Өйдөрүн арыгы сиэбит дьоно бэйэлэрин көрүммэттэр.Оҕолоргут сиэннэргит кэлин бэйэҕитин эмиэ итинник кыныахтара.
Иэдээн. Итак нас мало. Вот так друг другу все мы враги, друг друга зарежем, перестреляем… Скорее всего, решение присяжных было продиктовано тем, что трагедия произошла во дворе обвиняемого. Мой дом – моя крепость, они Находились на частной территории. Тем не менее жаль молодых людей, особенно родителей.
Хайдаҕын да иһин сиэргэ баппат, киһи өйүгэр киирбэт быһаарыы. Кыратык да иһэр, баппат буоллаххына таах сакаастаан кэбиһиэхтэрин сөбүн бу күннэргэ эмиэ көрдүбүт. “Илиитин-атаҕын тоһутан биэриҥ!”,- диэн соруйан, харчы төлөөбүт кыахтаах дьокутааты эмиэ таах хааллардылар.Сакаас диэн биир эрэ өйдөбүллээх, илиитин тоһуппакка өлөрбүттэригэр туох да араастаһыы суох.Руслан Федотовы этэбин.
Ол кырдьагас тыа сирин пенсионера присяжнайдары сакаастаан, атыылаЬан куоппут уЬу дуо?!
Атыыласпыт буолан тахсар
Син биир буруйданыахтаах – киhини елерен баран, кемускэнэн да буолла5ына, сэбиэскэй кэм са5ана ытылларга ууруохтара этэ. Ха5ыннар хайдах буолтарай? Петров диэн хайаларай? К
Тыын тыынна харбас буолла5а. Или или.
Билигин итинник дьон оҕолоро соҕотоҕун олорор пенс. картатыттан харчы албынннаан уораллар,дьиэтин суруналлар,соруйан аргылатан өлөрөллөр бу эрэ Маскваҕа киинэ артист киһини оннук гынан өлөртөр.Кв. аймахтара былдьаһаллар.Криминал элбэх улуссаҕа кырдьаҕас киһини кырбыыр уорар оҕолор бөлөхтөрө баар.