Курс валют
$
59.63
0.36
70.36
0.34
Курс валют
Курс валют
$
59.63
0.36
70.36
0.34
Меню
Поиск по сайту

Николай РУМЯНЦЕВ силиэстийэ кэмигэр дьиэ аарыһыттан босхолонно

02.10.2017 22:56 3
Николай РУМЯНЦЕВ силиэстийэ кэмигэр дьиэ аарыһыттан босхолонно

Алтынньы 2 күнүгэр, СӨ Үрдүкү суутун быһаарыытынан,  Ил Түмэн депутата, “Колми” хампаанньа генеральнай дириэктэрэ Николай РУМЯНЦЕВ дьиэ аарыһыттан босхолонно. Бу иннинэ РУМЯНЦЕВ силиэстийэ кэмигэр дьиэтиттэн тахсар бырааба суох тутуллан олорбута.

Үрдүкү суут РУМЯНЦЕВЫ 1,5 мөл. солкуобайга солуоктаан дьиэ аарыһыттан босхолоото. Ол гынан баран, РУМЯНЦЕВ анал көҥүлэ суох силиэстийэ кэмигэр Дьокуускайтан ыраатыа, барыа-кэлиэ суохтаах.

Дьиэ аарыһыттан босхолуур туһунан көрдөһүүнү суукка депутат адвоката биэрбит. Ону суол быһылааныгар эмсэҕэлээбит дьон бэрэстэбиитэллэрэ өйөөбүттэр. Үс оҕолоох огдообо хаалбыт эдэр дьахтар уонна икки эмсэҕэлээбит эр дьон бэрэстэбиитэллэрэ РУМЯНЦЕВТАР көмөлөһөллөрүн, эмп-томп сыанатын толору уйуммуттарын туһунан суукка эппиттэр.  Ити судьуйа быһаарыы ыларыгар сүрүн оруолламмыт.

Санатар эбит буоллахха, балаҕан ыйын 7-гэр, киэһэ, Нам трассатынан Ил Түмэн депутата Николай РУМЯНЦЕВ массыынанан айаннаан иһэн, Сыырдаах аттыгар үс киһини түҥнэри көтөн турар.  Биирэ оһолтон тута тыына быстыбыт, иккиһэ атаҕын тоһуппут, үсүһэ кыра эчэйиини ылбыт.  Хайдах-туох балаһыанньаҕа алдьархай тахсыбытын ырытан, билигин силиэстийэ барар турар.

Бу быһылаан кэнниттэн, РУМЯНЦЕВ, Ил Түмэн депутатын мандатыттан аккаастанан сайабылыанньа биэрбитэ. Онтун, депутаттар алтынньытааҕы парламент сессиятыгар көрүөхтээхтэр.

***

Aartyk.Ru

 

Обсуждение • 3

Добавить комментарий
  1. Егор

    Арыаһыттан диэтэххэ сөп ини.аарыһыттан диэн аккаары да тыла тахсан эппэт ини.

  2. Г

    Тозо дьиэзэ хаайыыттан буолбаттый?

  3. Лара

    не судите да не судимы будете… жалко того и тех.

Оставить комментарий