Курс валют
$
57.51
0.06
67.89
0.04
Курс валют
Меню
Поиск по сайту

Нам улууһун олохтоохторо депутаттарын өйөөн ыҥырыы таһаарбыттар

13.10.2017 (2 недели назад) 09:41 5
Нам улууһун олохтоохторо депутаттарын өйөөн ыҥырыы таһаарбыттар

Ил Түмэн депутата Николай Румянцев, бу күһүн суол быһылааныгар түбэһэн турар. Дьокуускайтан Намҥа тахсан иһэн Сыырдаах аттыгар үс киһини дэҥнээбитэ. Ким буруйдааҕын ырыта барбаппыт, киһи аата киһи.

Киһини алҕас дэҥнээн суорума суоллааһын, сахалыы да санаатахха, тустаахха ыарахан. Кыл мүччү иэдээҥҥэ түбэспиттэри  барыларын аһынаҕын. Айыы-аньыы диэни бары өйдүүбүт.

Румянцев киһи быһыытынан көнө, чиэһинэй диэн кинини билэр дьон бары этэллэр. Ол иһин да буолуо, Николай ити быһылаантан олус аймаммытын, харастаабытын туһунан кэпсииллэр: «Таҥаһа барыта ыйана сылдьар, дьүдьэйбит, ыараханнык ылыммыт».

…Олоххо араас буолар. Инникигин тымтыктанан көрбүт суох. Өскөтүн бу быһылааҥҥа аата-суола суох, көннөрү киһи түбэспитэ буоллар, бу алдьархай элбэх киһи болҕомтотун олус тардыа суоҕа этэ.

Николай Румянцев депутатын мандатыттан аккаастанна, эмсэҕээлэбиттэргэ кыаҕа тиийэринэн көмөлөстө, көмөлөһөр да санаалааҕын анараа дьон эмиэ бигэргэтэллэр. Румянцев буруйтан куотуммата — ол кини киһилии сиэрдээҕин туоһулуур. Атын быһылааннары өйдүүбүт ээ, сорохтор тиһэҕэр диэри араастаан  «мүлүрүтүнэ» сатаабыттарын. Киһи киһиттэн арааһа ыарахан кэмҥэ көстөр. Ааты ыыппакка, дьоһуннук уустугу туоруур ол буоллаҕа — тургутуу.

Маннык уустук түгэҥҥэ төрөөбүт улууһун дьоно, Николай Румянцевка үтүө сыһыаннарынан өйөбүл буоларга быһаарыммыттарын туһунан Нам улууһун «Эҥсиэли» хаһыата суруйар.

«Ытыктабыллаах Нам улууһун олохтоохторо!

НАМНАР, УОЛБУТУН ӨЙҮӨҔҮҤ!

 Балаҕан ыйын 7 күнүгэр Ил Түмэҥҥэ депутаппыт Николай Иннокентьевич Румянцев Тулагы таһыгар ардахтаах-силбиктээх күн киһи өлүүлээх суол быһылаанын таһааран бары да соһуйдубут, хомойдубут.

Биһиги Н.И. Румянцев бу быһылааҥҥа буруйун толору билиммитин, онтун улаханнык кэмсинэрин, быһылааҥҥа эмсэҕэлээбит дьоҥҥо көмөлөһөргө бэлэмин бэлиэтээн туран, эһиги болҕомтоҕутун кэккэ түгэннэргэ туһаайыа этибит. Николай Иннокентьевич элбэх оҕолоох дьиэ кэргэҥҥэ улааппыт буолан, олох эрэйин-кыһалҕатын этинэн-хаанынан билбитэ, кини кэлин улахан үлэһит буолан баран дьоҥҥо-сэргэҕэ мэлдьи көмөлөһөрүн бары да билэ-көрө сылдьабыт.

2003 сылга Ил Түмэҥҥэ депутатынан талыллан баран быыбардааччыларын накаастарын толорон улууспутугар Нам-Дьокуускай маршрутунан уонна нэһилиэктэргэ автобус рейстэрин олохтоон улахан социальнай өҥөнү оҥорбута. Бу кэмҥэ автовокзал дьиэтэ умайан тус бэйэтин уонна төрүттээбит «КОЛМИ» ХЭТ үбүнэн, манна дьон-сэргэ марафоҥҥа кыттан саҥа, аныгылыы автовокзал дьиэтин туттаран күн бүгүнүгэр диэри норуокка туһалыы турар. Н.И. Румянцев улуус элбэх тэрилтэлэрэ транспорынан хааччыллыыларыгар, араас тэрээһиннэри ыытыыга, биирдиилээн дьон кыһалҕаларыгар үбүнэн үгүстүк көмөлөспүтэ. Бүгүн киниэхэ, улахан кыһалҕалаах, кэмигэр, саха норуотун сиэринэн «үтүө үтүөнэн толуйуллар» дэнэринии өйөбүл-тирэх буолуохпутун наада. Ким даҕаны маннык эрэйгэ, кыһалҕаҕа түбэһиэм суоҕа диэн мэктиэлэнэр кыаҕа суох.

Онон дьыала суукка көрүллэр кэмигэр биһиги, намнар, уолбутун өйүүр тылбытын-өспүтүн суут састаабыгар тиэрдэммит, итэҕэтиилээхтик көрдөһөммүт накаастыыр миэрэни ылынарыгар Николай Иннокентьевичка көҥүлүн быспакка, условнай болдьоҕу уурарыгар мэктиэ суруктарга илии баттыыргытыгар ыҥырабыт!

И.С. Гаврильев аат. Нам 1 №-дээх орто оскуолатын коллективын аатыттан директор Габышева Е.П.

Нам 2 №-дээх орто оскуолатын коллективын аатыттан директор Никонова Н.П.

«Айан-Транс» ХЭТ коллективын аатыттан директор Афанасьев В.П.

Н.М. Рыкунов аат. Намнааҕы киин библиотека коллективын аатыттан директор Софронова М.Р.

«Эҥсиэли» хаһыат редакциятын коллективын аатыттан редактор-директор Касьянов В.Г.,

о.д.а. 

***

«Эҥсиэли» хаһ., 67№, балаҕан ыйын 28 күнэ, 2017 с.. 

Обсуждение • 5

Добавить комментарий
  1. дед

    кэм буолуо, намнары кутурук быьааччылар диэн сепке ааттаабытар

  2. Одьэ

    Сепке гыммыттар. Ессе биир саха киьитин хаайыыга олордон абыранаары гвнагын дуо? Улэлии сылдьан ордук кемелеьуе буо оголорго.

  3. Светлана

    Наманар сахалыы ойдоох Дьоннор эбит, биьиги эьиги этиигитин эмиэ ойуубут. Кырдьык Николай Иннокентьевич, дьиннээх-дьоьуннаах киьи. Ханнык ба5ара киьини кытта итинник куьа5ан буолуон соп. Ити» дед » орус унуор киьитэ быьылаах, биьиги сахалар хаьан ойдонор омукпут буолуой или олох эстэр омукпут дуу.

  4. Восток

    Сокуон биир.Тугу эрэ уорбут киьи 7-8 сылга барар.Итирик сылдьан дьону олорбут таах дьиэ5э олоруо дуо? Хата кини эмсэ5элэммит киьи буолан хаалбыт дии.

Оставить комментарий    

!