Курс валют
$
66.25
0.22
78.08
0.32
Курс валют
Курс валют
$
66.25
0.22
78.08
0.32
Меню
Поиск по сайту

Кыраайы үөрэтээччи Иван Танхаров 80 сааһыгар аналлаах марафон ыытыллыаҕа

21.01.2018 18:23 1
Кыраайы үөрэтээччи Иван Танхаров 80 сааһыгар аналлаах марафон ыытыллыаҕа

Ньурба улууһун Бочуоттаах олохтооҕо, ССРС култууратын туйгуна, РФ култуураҕа ситиһиилэрин иһин” бочуоттаах бэлиэ хаһаайына, СР култууратын үтүөлээх үлэһитэ Иван Яковлевич Танхаров 80 сааһыгар анаан “Үтүө үрдүк аатыгар сүгүрүйэн…” култуураҕа марафон ыытыллыаҕа.

Иван Танхаров Ньурба улууһун иһигэр эрэ буолбакка, республика кыраайы үөрэтээччилэрин эйгэтигэр киэҥник биллэр ааттаах киһи этэ. Кини төрөөбүт Мэҥэдьэгин нэһилиэгин төрүччүтүн оҥорон, кыраайы үөрэтиигэ улахан хамсааһыны таһааран, баай экспонаттаах этнографическай   түмэли тэрийбит өҥөлөөх, элбэх кинигэ автора буолбута.

Иван Яковлевич тыыннааҕа буоллар быйыл 80 сааһын уулларыахтааҕа. Үтүө дьон аата ыччакка холобур буоларын ситиһээри, быйыл Ньурбаҕа кини аатын үйэтитэр сыалтан, тохсунньуттан саҕалаан ахсынньыга диэри култуураҕа марафон тэриллиэҕэ. Бу марафон иһинэн элбэх тэрээһиннэр ыытыллыахтара, ырыаттан-тойуктан саҕалаан, ыччаты төрөөбүт дойдутун таптыырга уһуйар үгүс элбэх мероприятия былааннанар.

Соторутааҕыта мэҥэдьэктэр Ил Түмэн депутатын Иннокентий Васильевы кытары көрсөн, Иван Танхаров аатын үйэтитиигэ бииргэ үлэлэһэргэ сүбэлэстилэр.

Иннокентий Давыдович дойдутугар, Ньурбаҕа, ыытыллар мероприятиялары өрүү өйүүр, көмөлөһөр майгытынан бу да сырыыга дьоһун тэрээһиҥҥэ кыттар санаалаах. “Республикаҕа биллэр “Дьөһөгөй оҕото”культурнай-этнографическай киин саҥа дьиэтэ тутуллуон наада. Ыччаты иитиигэ култуура үлэһиттэрэ биир сүрүн иитэр-уһуйар оруолу ылаллар, онон Иван Танхаров төрүттээбит түмэлэ хайаан да суолталанан, кэлэр сылларга саҥа дьиэлэниэх-уоттаныах тустаах. Депутаттар бу өттүгэр үлэлэһиэхпитин, күүспүтүн түмүөхпүтүн наада”, — диэн кини этэр. Ону сэргэ быйыл Ньурбаҕа К.Д. Уткин аатынан ааҕыы күрэһэ, “Бичик” кинигэ кыһатын күннэрэ, И.И.Прокопьев аатын үйэтитии мероприятиялара былааннаммыттарын кэпсээтэ.

***

Aartyk.Ru

 

Обсуждение • 1

Добавить комментарий
  1. Ула5а

    Уйбаан Дьаакыбылабыс элбэх утуе дьыаланы оцорбут култуура деятелэ этэ. Итинник дьон улэтин — хамнаьын киэц эйгэ5э биллэрии, иьитиннэрии махталлаах дьыала.

Оставить комментарий