Курс валют
$
64.61
0.12
72.32
0.48
Курс валют
Курс валют
$
64.61
0.12
72.32
0.48
Меню
Поиск по сайту

Ньурба аннынан өрүс уутун таһыма түстэ

14.05.2019 22:46 0
Ньурба аннынан өрүс уутун таһыма түстэ

Ньурбаттан Геннадий Антонов биллэрбитинэн, 20.00 чааска Ньурба куорат аннынан уу таһыма 859 см. буолбут. «Балаһыанньа намыраан эрэр», — диэн суруйар.

Күнүс Бүлүү уутун таһыма үрдээн ыксата сылдьыбыт. Бэл, Речниктар уулуссаларыттан ыаллары аймахтарыгар көһөрбүттэр.

«Ньурба куорат аннынан уу таһыма 16 см. түстэ. Күнүс 16 чааска уу муҥутаан эбиллэн 875 см. тиийэ сырытта. Көспүт дьон дьиэтин көрөргө-истэргэ полиция үлэһиттэрэ дьуһуурустуба олохтоотулар», — диэн суруналыыс «УлусМедиа» сайтка биллэрэр.

«Ньурба аннынан эбэ уута билигин да түһэ турар. Муус халҕаһалыы түргэнник устар. Күнүс Ньурбаттан 60 км. ыраах сытар Сата арыытын таһынан иккитэ муус хара сырытта эрээри, хата, наһаа уһаабакка төлөрүйдэ», — диир.

Уу ылар куттала уҕараабытынан сибээстээн, сарсын куорат дьаһалтата тиэхиньикэ биэрэн, көспүт дьону төттөрү дьиэлэригэр аҕалтыахтаах.

***

Aartyk.Ru

Оставить комментарий