“Дьон үтүөтэ үтүөнэн эргийдин!”

Аҕыйах хонуктааҕыта Дьокуускайга тыа дьоно сөбүлээн сылдьар  “Руслан” маҕаһыынын ыскылаата уокка былдьанан улахан хоромньуну аҕалла.

От үлэтэ саҕаламмытын, тыа киһитин саамай былдьаһыктаах күннэрэ үүммүтүн кэннэ саамай наадалаах маҕаһыыннарын ыскылаата  баһаарга былдьаммыта, биллэн турар, элбэх киһини ыксатта.

Ойуурдаах куобах охтубат дииллэринии, алдьархай тахсыбытыгар тустаахтарга дьон-сэргэ көмө-тирэх буолбутугар ИП Федотов Р.Е. коллективын үлэһиттэрэ махталларын тиэрдэллэр:

– Бэс ыйын 6 күнүгэр, киэһэ, Дьокуускай куоракка баар “Руслан” ма5аһыыммыт улахан икки этээстээх ыскылаата уонна ол таһыгар сыста турар контейнердар уокка былдьаннылар. Улахан хоромньу та5ыста.
Ол эрээри “ким до5ордоох – ол дьоллоох” диэн өс хоһоонугар этиллэринии, бу ыарахан куннэрбитигэр бэйэлэрин ба5аларынан биһиэхэ күүс-көмө буолбут тэрилтэлэрбитигэр, чуолаан ГБУ РС(Я) “Государственная противопожарная служба”, “СахаСпецТранс”, “Промстрой”,  “Алмас” хааччахтаммыт эпииэтинэстээх тэрилтэлэр,  “Якутскэнерго”,  ЛК “Туймаада-Лизинг” акционернай обществолар, “Кундул” Амматтан сылдьар устудьуоннар түмсүүлэригэр, Дьокуускай куорат дьаһалтатыгар, СӨ Тыатын хаьаайыстыбатын уонна ас-үөл политикатын министиэристибэтигэр, онтон да атыттарга муҥура суох барҕа махталбытын тириэрдэбит!

Эһиги оҥорбут көмөҕүт бэйэ5итигэр сүүс төгүл үтүөнэн эргийэн кэллин, дьиэ- кэргэҥҥитигэр дьоллоох оло5у, чөл доруобуйаны, үлэ5ит-хамнаскыт таһаарыылаах, үтүө түмүктээх буоллун!

Билигин уопсай күүһүнэн ыскылаат тутуллан бүтэн эрэр. Бу күннэргэ үлэ5э киириэҕэ. Россия уонна Белоруссия собуоттара  техниканы, саппаас чаастары тиэйэн са5алаатылар. Барыта этэҥҥэ буолуоҕа!”.

***

Aartyk.Ru