Курс валют
$
53.32
0.03
55.96
0.02
Курс валют
Курс валют
$
53.32
0.03
55.96
0.02
Меню
Поиск по сайту

БААТАГАЙ ЫhЫА5А- 2022

15.06.2022 (2 недели назад) 00:50 0
БААТАГАЙ ЫhЫА5А- 2022

Тоҕус томороон ый кыыдааннаах тымныы айыл5алаах Саха сирин уһук хотугу киинигэр, Тунах ыйа сатыылаан хаамыыта, бэс ыйын 12 кұнұгэр, Баай Баата5ай киэң туонатыгар – Саха АССР автономията төрұттэммитэ 100 сыллаах Юбилейыгар анаммыт Үрүң Тунах Ыhыах бэрт тэрээhиннээхтик,  көтө5ұллэн ыытылынна.

Маанылаах илбирдээх кұө5ұнэн симэммит тұhұлгэ5э кэрэтик киэркэйэн, ырыа-тойук до5уhуолланан, олоңхо кытта туойуллан, оhуохайдаан дэгэhитэн, өбұгэлэр са5аттан кэлбит ұгэстэринэн сиэттэрэн, илии-атах саха төрұт оонньуулара кө5ұлұттэн тутулунна, ұөрұұ-көтұұ арыалланан, алгыс тыла ананан, элбэх э5эрдэ этиллэн Ыhыах соргулаахтык тұмұктэннэ.

Быыппаста5ас былчыңнаахтар, кұұстээхтэр, быhыйдар, кимиилээх санаалаахтар, тулуурдаах туруулаhыылаахтар, илин-кэлин тұсұhұұлээхтэр тунах ыhыах тұhұлгэтин биир бастың көстұұтұнэн буоллулар.

” Маанылаах Ыhыахпыт биир киэргэлинэн илии-атах оонньууларыгар, саха төрұт көрұңнэригэр спорт баара5ай тұhұлгэтигэр элбэх араас кұөн-кұрэс оонньуулара ситиhиилээхтик тұмұктэннилэр:

Аан маннайгыннан спорт тұhұлгэтигэр ыытыллыбыт – атах оонньуутугар кұрэхтэhии тұмұгұнэн Ұс төгұл ұскэ – муҥур кыайыылаах аатын 27 м 54 см тұhэн муҥур кыайыылаах аатын – Стручков Николай Адыаччы ыччата ылла, 2 миэстэ5э – Слепцов Александр Борулаах ыччата арыый кыраннан хаалан 27 м 44 см тұhэн иккис көрдөрұұлэннэ. 3 миэстэ5э 27 м 20 см көрдөрұұлээх, эмиэ Борулаах ыччата, Стручков Пана  3-hұ эрэллээхтик ылла.

Ону тэнэ бу кұрэхпитигэр салгыы сэттэ кыталык кыыс 100 м сұұрұұгэ күрэстэhэн, илин-кэлин тұhұстұлэр. Манна быhый атахтаа5ынан Потапова Дарияна биэтэккэ урут кэлэн 1 миэстэни сурунна, 2 миэстэ5э, арыый хаалан, Березницкая Настя та5ыста, уонна 3 миэстэни – Будуранова Алина ылла.

Ол кэннэ кыра саастаах о5олорго 40 киилэ5э диэри Хапса5айга кұрэх ыытыллыбытыгар, муҥур кыайыылаах аатын ылары ситистэ – Ощепков Дамир, 2 миэстэни – Слепцов Радомир ылла, 3 миэстэ5э – Егоров Айсен та5ыста.

Кұрэхтэhиибит салгыы Хапсагайга эр дьонно 70 кг диэри абсолютнай кұрэххэ уопсайа 12 хапса5айдьыт тустубутуттан, муҥур кыайыылаах аатын ылары ситистэ – кылбар быра5ыылардаах Борисов Валентин Борулаах ыччата, 2 миэстэни эмиэ Борулаах ыччата Рожин Айаал ылла, 3 миэстэ5э эдэркээн кэскиллээх хапса5айдьыт – Бережнев Василий Боронук таҕыста.

70 киилэттэн ұөhээ ыйааһыннаах эр дьоңңо 8 хапса5айдьыт тустубутуттан, муңур кыайыылаах аатын сүктэ – Попов Дьулус, Табалаах ыччата, кини бу көрұңңэ спорт маастара. 2-с миэстэни ылла – Семенов Илья, полиция эппиэтинэстээх ұлэhитэ. 3-с миэстэ5э Остуолба ыччата Иванов Иван та5ыста.

Салгыы мас тардыhыытыгар кұрэхпит эмиэ икки ыйааhыңңа хайдан са5аланна. Ол курдук 80 киилэ5э диэри ыйааһыннаах мадьыныларга мунур кыайыылаах аатын ылла – Старостин Денис, Сартаҥ ыччата, “Авиалесоохрана” ұлэhитэ. 2-с миэстэ5э – Слепцов Геннадий Борулаах ыччата, “Россгвардия” эппиэтинэстээх ұлэhитэ. 3 миэстэни – Чириков Иван Адыаччы ыччата ылала.

80-тан ұөhээ ыйааһыннаах мадьыныларга муҥур кыайыылаа5ынан – Клименок Владимир, Баатаҕай аэронавигация эппиэтинэстээх ұлэhитэ та5ыста. 2-с миэстэни – Слепцов Иннокентий, Боронук ГУП ЖКХ ұлэhитэ ылла, 3-с миэстэ5э – Потапов Николай, “Дороги Арктики” “ұлэhитэ та5ыста.

Уонна дьэ, ыhыахпыт биир киэргэлинэн

“Баатагай Баатыра – 2022” аатын сұгэр иhин элбэх көрұңңэ- многоборье5а кұрэхпитигэр уопсайа 8 боотур сыраларын- сылбаларын биэрэн туран, илин-кэлин тұhұстұлэр.

Балаhыанньа быhыытынан, кұрэххэ 6 көрұң киирбитэ. Ол курдук “Ұс төгұл Ұс атах оонньуута” , “Тутум эргиирэ”, “Хапса5ай”, “Мас тардыhыыта” , “Сұұрұұ” уонна “Ыараханы көтө5ұұ”.

Уопсай тұмұккэ сындааhыннаах эриирдээх-мускуурдаах кұрэхпит тұмугұнэн – 6 көрүң көрдөрұұтұнэн муңур кыайыылаах аатын ылары ситистэ- иккис төгұлұн уопсай тұмұккэ 10 очколаах – Слепцов Афанасий, Баатагай аэронавигация ұлэhитэ уонна 75 тыhынчалаах

“МР – 155″ саа сертификатын ылары ситистэ. 2-с миэстэ5э, уопсайа 18 очколаах Адыаччы ыччата Стручков Николай та5ыста уонна 55 тыhынчалаах саа сертификатын бэлэх тутта. 3 – с бочуоттаах миэстэ5э 22 очколаах – Старостин Денис Сартаҥ ыччата ылары ситистэ уонна кыhыңңы сылаас палатка бириистэннэ.

Ити курдук ұөрұұлээх быhыыга – майгыга Добун сыана5а боотурдарбытыгар сыаналаах бэлэхтэр туттарыллыннылар, кыайыылаахтарга уруй-айхал этиллинэ.

Өрөгөйдөөх тұhұлгэбит туоната соргуланна, тунах ыйбыт Ыhыа5а сарыалынан сыдьаайда, киирбэт кұннээх Дьааңыбыт Ыhыах кұнұн урууйдаата”, – диэн иhитиннэрдэ Гаврил Слепцов, Улуу тунах Ыhыа5ын кұрэхтэрин Дьуұллұұр сұбэтин председателэ, спортивнай комментатор, Дьааңы оройуонун ұөрэ5ириитин салалтатын сұрұн специалиhа.

Урукку өттұгэр промышленность сайдыбыт, баар кэмигэр Баата5ай нэhилиэгэр баччаларга “Сайыны көрсұұ”, диэн ыытыллар этэ, 1988 сылтан ыhыах ұгэс быhыытынан ыытыллыа5ыттан саха спорда тэтимнээхтик сайынна.

“Баата5ай бөhұөлэгэ” муниципальнай тэриллии дьаhалтата ыытар тэрээhинэ – Ыhыах ұрдұк таhымнаахтык ааспытынан дьон-киhи, улуус салалтата махтаннылар.

***

СӨ “Дьааҥы оройуона”  МТ Дьаhалтатын пресс-сулууспата.

Оставить комментарий