Курс валют
$
77.73
0.99
85.74
0.23
Курс валют
Курс валют
$
77.73
0.99
85.74
0.23
Меню
Поиск по сайту

Корреспондент Кукарека…

12.01.2020 18:51 9
Корреспондент Кукарека…

Аҕыйах хонуктааҕыта Михаил Кукарека диэн киһи суруналыыспын (сороҕор АГиП үлэһитэбин) диэн дьон бөҕөтүн албыннаан тутуллубутун туһунан сонун тарҕанна.

Кукарека Бэчээт дьиэтин, Правительство дьиэлэрин эргийэ сылдьан  туох да үтүмэннээх үлэ-хамнас бөҕө тэрийбит. Кими эрэ үлэҕэ киллэриэх буолан, кими эрэ кимниин эрэ билиһиннэриэх, муммут боппуруостарын ыллыктаах суолга үктэннэриэх аатыран сыр-мыр дьон малын-салын, харчытын “уларсан” баран умнан кэбиһэр идэлээх эбит. Албыннаппыт дьонтон сорохторо кэтэһэн-кэтэһэн кэтэхтэрэ кэлтэйэн сир-буор аннынан “суруналыыстарын” суруһан барбыттара, арай ханнык да эрэдээксийэ, ДП билиммэт киһитэ буолан тахсыбыт. Дьэ, онтон өйдөнөн полицияҕа үҥсэн туттарбыттар.

2016 сыллаахха Кукарека диэн сымыйа суруналыыс баарын туһунан Aartyk.ru кэпсээн турар.

Билиһиннэрэбит:

«Саха» телевидениетин көрүдьүөстэрэ

Чэппиэр, балаҕан ыйын 18, 2014  сыл, 22:49 чаас

«Саха» национальнай көрдөрөр-иһитиннэрэр хампаанньата сайдан-тупсан, олоҕу батыһан суруналыыстарыгар анаан визажист, парикмахер кыргыттары үлэҕэ ылбыт. Эдэр кыргыттар интернеттэн ураты ханнык да СМИ көрүҥүн билбэттэр да, көрбөттөр да эбит.  Сахалыы телеканалы, хаһыаты ыччат көрө да, билэ да сатаабата баар суол.

Кыргыттар үлэлэрин саҕалаабыттар. Суруналыыстар хойут турар уонна хойут утуйар дьон быһыытынан, үлэлэригэр 10 чаастан саҕалаан кэлитэлээн бараллар. Ким эфирдээх, съемкалаах дьон салоннарыгар киирэн сирэйдэрин-харахтарын оҥотторон, баттахтарын, бытыктарын лаахтатан-тарааттаран тахсаллар эбит.

Арай сарсыарда аайы биир корреспондент кэлэр да, кэлэр эбит. Лоп курдук 09.00 чаас буолла да, ааны хайа тардан нуучча киһитэ киирэн омуннаах соҕустук уҥа илиитин күөрэтэн баран курданарыгар диэри бокулуоннаан дорооболоһон тоҥхоҥнуур эбит.

— Аатым (ким эрэ — авт.) КУКАРЕ-ЕКА, — диэн киһи эрэ дьик гыныах айылаах, кырдьык да, бөтүүктүү хатан куолаһынан хахаарардыы саҥаран сырыы аайы аатын ааттыыр.

Кыргыттартан визажистара КУКАРЕКА хатааллаах сирэйин, корреспондена көрбөтүнэн мырдыччы тутта-тутта кыраасканан сыбыыр, парикмахера  баттаҕын «Евгений ПРОКОПЬЕВ курдук» оҥорор-тарыыр.

Ол тухары КУКАРЕКА «Жизнь прекрасна» биэриигэ анал корреспонденынан үлэлиирин, ханна кими-тугу устубутун, уста барыахтааҕын туһунан айаҕа хам буолбакка кэпсээн кэҕийэр. Кыргыттар хаһан да суруналыыстары кытары алтыспатах дьон, дьиктиргээтэллэр да «бу эйгэ айымныьылаах дьоно бары да манныктара буолуо» диэн ис санааларын бэйэлэригэр кыбыта сылдьыбыттар.

Дьэ кыргыттар КУКАРЕКАЛАРЫН хас күн аайы сарсыарда 09-тан сууйан-тараан, кырааскалаан-самааскалаан, бэрийэн-тэрийэн ыйы быһа илдьэ сылдьыбыттар. Ээр-сэмээр «дьикти корреспондент» туһунан атын нвкалартан сураһа сатаатахтарына – анарааҥҥылара санныларын ыгдаҥнатан баран бэйэлэрин дьыалаларынан сүүрэн элэстэнэн хаалаллар.

Онтон дьэ кэмниэ-кэнэҕэс нвкалар визажистарын, парикмахердарын хоһугар телевизор ыйаабыттар. Кыргыттар саха телевидениетын көрөр буолбуттар, ханна, ханнык биэриигэ кимнээх үлэлииллэрин сыыйа-баайа ыйдаҥардан, быһаарсан барбыттар. Ол тухары кинилэргэ сарсыарда аайы сылдьар корреспондент КУКАРЕКАЛАРА экраҥҥа көстүбэт.

Онтон арай биир үтүө күн бастайааннай клиеннэрэ эмискэ сүтэн хаалар. Ууга тааһы бырахпыттыы. Кыргыттар суруналыыстартан КУКАРЕКАҔЫТ ханна барда диэн ыйыталлар — ким да билбэт! “Кимий ол?”…

Онтон иккис үтүө күн «Жизнь прекрасна» диэн биэрии редакциятыгар Пушкин аатынан библиотека үлэһиттэрэ «корреспондент КУКАРЕКАНЫ» ирдээн тураллар. «Биһиги мааҕыын 3 чаастан быһа кэтэһэн олоробут, хаһан биһигини телевизорга устаҕыт? Корреспондент КУКАРЕКА сарсыарда киирэн эбиэт кэннэ эһигини уста кэлиэхпит диэн сэрэтэн барбыта. Чаас ыраатта хаһан кэлэҕит?» — диэн.

Дьэ, онтон саҕалаан ирдиир үлэ ыытыллан биллибитэ, ол «КУКАРЕКА корреспондент» котоку Котенко балыыһатын пациена эмтэн-томтон сынньана тахса сылдьан «НВКаҕа корреспонденнаабыт» буолан тахсыбыт.

Ситигирдик НВКаҕа «Жизнь прекрасна!» буолан турардаах.
Телевидение дьиэтин хас да бүк харабыл маныыр, ону ол КУКАРЕКА хайдах төлө көтөн киирэрин билигин да сөҕөллөр. Сороҕу оттон аһардалларыгар анаалыс эрэ көрдөөбөттөр дии…

Егор ПОПОВ.
«Аартык.ру» хаһыакка анаан”.

***

Халлаан сылаанньыйыыта араас кукарекалар дьэ кими-кими отоойкоҕо олордоллор. Аахтахха-суоттаатахха “корреспондент Кукарека” быйыл алтыс сылын үлэлиир эбит. Ол тухары тутуллубакка да, уорбаламмакка да сылдьыбыта сөхтөрөр.

***

Aartyk.Ru

 

 

Обсуждение • 9

Добавить комментарий
  1. Һэ һэ

    2014 с-ха эhиги Андаатаргыт үлэлиир бириэмэтэ этэ. Кини кадрыгар майгынныыр хайдах эрэ….

    • Хаабысап

      Дьэ билинни былааска оруобуна сеп тубэьэр киьи сылдьар эбит. Санч — ЯПРНД, Куранка-ЯПРНД)))

  2. Мимошел

    Да, как раз кадр для Айса👍🏻

  3. Умора!!

    🤣🤣🤣

  4. Айс отдел кадров тойоно

    Степанида кадра ини. Барыта эҥин араас дьону мунньар дьахтар эбит.

  5. Кадры айса

    Ни одного нормального кадра! Один похлеще другого. Неужто специально так делают кадровики айса. Более менее кадры все уволились или принудили уволиться.

  6. Айс_УХОДИ

    Видимо лучшие кадры специально истребляют , а сами власти делают оптимизацию для себя чтобы тратить их в Москве на майбахе, авиаперелеты VIP, технопарки , на широкую ногу собрался Айс тратить миллиарды рублей для себя любимого и жены своей советника #АЙСУХОДИ

  7. Дьэ диэ

    Болуодьа Суэдэрэп быраатын Миисэни Москуба5а иккис урдук уэрэ5эр илдьэ барыан сеп эбит. Бэйэтин таьымыгар таьаарда5ына табыллар.

  8. НЕРЮНГРИ

    Ити баар комускэьэр НВК-ларгыт.Улэ5э халы мааргы сыьыаннара.Биьиэхэ ЯКУТИЯ24 хас да каналга костор диэбиттэрин кэннэ РОССИЯ24, ОТР — 9 канал олох да суттэ костубэт.Каналлар тугу да кордорботтор.Нет сигнала-диэн баар.Ким араарда эбэтэр сатаан холбообокко олороллор дуу.

Оставить комментарий