Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Филипп ПЕСТРЯКОВ “Сахабэчээт” саҥа салайааччытын туһунан

27.05.2020 21:17 23
Филипп ПЕСТРЯКОВ “Сахабэчээт” саҥа салайааччытын туһунан

Филипп Петрович ПЕСТРЯКОВ  “Сахабэчээккэ” саҥа салайааччы анаммытын туох дии саныыр эбит диэн ыйыта сырыттыбыт. Кини буоллаҕа – биэс сыл “Сахабэчээти” салайбыт, саҥа таһымҥа таһаарбыт, уопсай саха бэчээтин ис-тас биэтэһин ааҕа билэр киһи. Онон төрөппүт тэрилтэтэ ким-туох салайааччыланарыгар хаан интэриэстээх.

– Филипп Петрович, дорообо! Кэмэ суох дьиэҕэ олоруу?

– Сайын кэлбитинэн! Аан дойдуну атыйахтыы аймаабыт хоруонаттан харыстанан кэргэмминээн иккиэйэҕин сайылыкпытыгар саспыппыт ый буолла.

-Хата. Ааспыкка “Аартыкка” дуоһунаскыттан бараары олорон биэрбит интервьюгар, дьэ сөптөөх киһини аныылларыгар саарбахтаабаппын диэн эрэнэн бөҕө буолбутуҥ. Хайдаҕый?

– Санаабын этиэ суох буолбутум да, сэттэ ый анараа өттүгэр айахтаппыппар баайыстыҥ, сокуоҥҥа хаайдыҥ. Хоруйдуурбар тиийэбин.

Мин солобуттан тохтообутум сыл аҥарыттан орто, солбукпун аныылларын кэтэһэрбиттэн, кырдьыга, сылайбытым. Тоҕо диэн токкоолоһуоҥ?

-Булгуччу.

-Хоруйдуубун – түөрт аҥар сыл ССКП Амма оройуонунааҕы кэмитиэтин тэрийэр отделын сэбиэдиссэйинэн үлэлээбитим. 400 тахса номенклатураҕа турар дуоһунастаах этибит. Холобурдаан эттэххэ, Соморсун орто оскуолатын дириэктэринэн ким буолуон сөптөөҕүн райком бюротунан бигэргэтэр этибит. Хас да киһини. Ол аата киһи солотуттан босхолонно да, тута ол дуоһунаска киһи ананара. Бу сырыыга наһаа уһаата.

-Тоҕо эбитэ буолла?

-Дьэ, ол ыйытыгы тойон Сэмэнэп министиэристибэтигэр биэрэн көр.

-Но.

– “Саарбахтаабаппын” диэбитим да, улаханнык сыыстарбыт эбиппин. Килиэп астааччы “Сахабэчээт” САТ гендириэктэрэ диэ… Сайылыкка дьаҥтан саһан олорор киһи мастыйбыт өйүм хоппото ээ.

“Һуу-һаа” буолбакка, ырытан көрүөххэ.

Ньургуйаана Стручкова анаммыт. Омос көрдөххө, киһи тутуһара суох курдук. Идэтийбит суруналыыс. Кыһыл дипломнаах эбит. Син, онно-манна үлэлээбит. Интервьютуттан көрдөххө, “диджитал”, “таргетолог” диэн орто сайдыылаах киһи өйдөөбөт тылларын туттар, аныгы үйэ ирдэбилигэр сөп түбэһэр быһыылаах. Ол “диджиталбыт” диэн тылбааһа баара -суоҕа “цифровой маркетинг” диэн.

Салгыы барыахха.

Олус ытыктыыр салайааччым Вячеслав Штыров биир интервьютугар эппитэ: “До назначения руководителем, человек должен руководить хотя бы двумя курицами”, -диэн.

Өрөспүүбүлүкэ суолталаах улахан тэрилтэ салайааччытынан анаммыт табаарыс Стручкова биир да күн икки да үлэһиттээх тэрилтэни салайбатах. Көтө-дайа сылдьан хас да тэрилтэҕэ пресс-суруксуттаабыт. Тойон тугу диэбитин сурукка тиспит үтүөлээх. Ол диэн…

– Оттон Үөһээ Бүлүү улууһун хаһыатыгар редактор солбуйааччытынан үлэлээбьит диэн баара дии. 

-2006-2007 сылга диэн. Биир сыл. Толору эрэ, быһаҕас эрэ… “Художник Якутии”  диэн сурунаалы ким билэрий?

-Сах билэр.

– “Сахабэчээт” туһугар ис сүрэхпиттэн ыалдьабын. Урукку миниистир Александр Борисов барахсан өйөөһүнүнэн “Сахабэчээккэ” улуустар эрэдээксийэлэрэ холбоммута. Бастакы түһүмэҕин мин ыыппытым, иккис түһүмэҕин солбуйааччым Сыромятиков Владимир Иннокентьевич түмүктээбитэ. Туох баар хара үлэтэ үмүрүтүлүннэ. Ньургуйаана бааттаах эбит – халлаан күөҕэ хаймыылаах бүлүүһэни илиитигэр ыллаҕа. Дьылҕа бэлэҕэ…

Бэйэбин улуутуппаппын. Бэчээт эйгэтигэр үйэ чиэппэрэ үлэлээтим. Син элбэх ээ. Министиэристибэ (таб. Сэмэнэп) улахан тэрилтэ салайааччытын солотун, сымнатан эттэххэ, муоста билиинтииһин аллараатын ааһа түһэрдэ. Дьиҥэр, Сыромятников Владимир Иннокентьевиһы 2019 сыл алтынньы 23 күнүгэр анаан кэбиһиэххэ баар этэ. Өрөспүүбүлүкэ ТВ, араадьыйатыгар, улуус хаһыатыгар, 5 сыл “Сахабэчээккэ” үлэлээбитэ, сааһа баара-суоҕа 50. Идэтийбит суруналыыс, салайааччы.

Сураҕа “Бэстирикиэп” киһитэ дииллэр үһү. Киһи да күлэр.

Генеральнай дириэктэр, бастатан туран, ыбылы хаһаайыстыбанньык буолуохтаах. ” Сахабэчээккэ” 33 улуус, 6 өрөспүүбүлүкэ суолталаах хаһыаттар, сурунааллар киирэллэр. Улахан тэрилтэ. Ананар ананнаҕа. Бырастыы гыныҥ, сөптөөх киһи анаммата. Тылбын төттөрү ылабын…

Ньургуйаана Стручкова (Макарова), хомноомо. Күһэйии күүһүнэн санаабын эттим. Наадалааҕынан аахтаххына телефоннаар…

-Сөп, доҕор. Махтал, олуйсан да туран санааҕын саҥардыбыппытыгар.  

Ити курдук тылынан, суругунан сэлэһии түмүгэ бу буолла. Филипп Петрович хоруйун сороҕун бассаабынан ыытан баран “Сайылыкка хаайтаран олорор 65+ саастаах Ф. Пестряков” диэн илии баттаабыт.

***
Туйаара НУТЧИНА,

Aartyk.Ru

 

Обсуждение • 23

Добавить комментарий
  1. Кугдаров

    Саха сирэ сайдыбат дьыл5абыт, улуустаьыы обургу ыбылы ыла сылдьар. Били, елбут ууттээх ынахпыт, БЕА барахсан ЧК буолбут тэргэн суолуттан туоруур аат диэн суох – ким да буоллун – кылаабынайа УеБ К эрэ буоллун.

  2. ,

    Барбах 18 миллиардка кулууп туттуохпут турда5а ессе

  3. Убайаан

    Филипп Петрович, серу-сепке аhа5астык санаа5ын эппиккин!

  4. Знающий

    Не в бровь, а в глаз! Министр-«единорог» тут ни причём. Даже он понимал, что здесь нужен опытный управленец-менеджер. Решение принималось на самом верху, где с ним особо не советуются. Близкие к отрасли люди уже не шепчутся, а в открытую сомневаются в адекватности обитателей четвёртого этажа дп-1.

  5. Нуу

    Тетя, сөбүлэһэр, баҕалаах буоллаҕына, үлэлээн көрдүн ээ. Все имеют право работать, проявлять себя в этой жизни:)

  6. Дьэ диэ

    Пестряков эдэр киһини наһаа сэниир туоннаах саҥарара истэргэ сүөргү. Тойону үлэтиттэн тохтоппуттарыттан хом санаатын тута сылдьара Харахха тута быраҕыллар. Урукку Тойон бардаҕа, саҥа дьон кэллэҕэ. Былаас уонна бэлиитикэ сокуона оннук. Ону уларыппаккын. Били улуу Шекспир эппитинии: “Нет ничего вечного под луной…”. Онон кини ыйар киһитин ылбаттара сөп.

  7. диэн

    Филипп Петрович хаЬан да буоларын курдук хайдах баарынан хоруйдаспыт. Мин итиннэ толору кыттыЬабын. Хантан эрэ ойутан а5алан, баара суо5а пресс-секретарь киьини анаабыттар. Баара эрэ утуэтэ – УэЬээ Булуу эбит.

  8. АГИП быьаарбыт

    ДП 1 хонтуоратыгар урукку Ханалас тойон хотойо Баладьымаров диэн киьи быьаардага бадага, урут Ханаласка тойоннуу олорон өйөөн таһаарсыбыт НХК уолаттара, Стручкованы өйөө диэн көрдөспүттэр быһыыта, ону Афанасий Семенович өр толкуйдаабатах ээ быһыыта)))

  9. Николай Седалищев

    Филипп Петрович улаханнык убаастыыр киһитэ Штыров В.А. “салайааччы буоларга киһи сатаҕа 2 куруссаны салайыахтаах” диэн этиини өрө туппута сыыһа. ШВА ити тыла ыччат дьону сэниирэ көстөр, кини ол иһин Саха сирин айылҕатын ресурсатын бас билиитин омук дойдуларын компанияларыгар, криминалларга атыылаан турар. Сахабэчээккэ коррупцияны утарар, быыбарга сокуону кэһии түбэлтэлэрин, тыа хаһаайыстыбатыгар үлэ хамнас хайдах тэриллэн иһэрин сырдатыы сөптөөх этэ диир кыах суох. Былаас салайааччыларын арбааһын элбэх этэ. Аһаҕас, ыраас критика үлэ хамнас тэриллитигэр көмө буолбатаҕа. Онон
    баҕар эдэр киһи үлэтин саҥалыы тэрийдэр диэн баҕа санаабын этэбин.

    • Байбал

      Тойон диэн отунан-маьынан оноьуллубат буолуохтаах этэ. Билинни тойон-хотун туохтан оноьуллубуттара буолла. Сыыстан-буортан быьыылаах. Ньукулай санаан итинник эбитэ дуу, эбэтэр тус кыьыыгын таьаарарын эбитэ дуу.

    • Чуупчаап

      Ыстыырап уонна Бэрииһэп ити газпромнары эҥин киллэртээн Саха сиригэр тугу да төлөөбөттөр. Бэрт салайааччылар диэбэппин.

  10. Мда

    Какой поп – таков и приход. Удивляться уже смысла нет.

  11. Ээ, ити БЕА киЬитэ буо

    БЕА аймага дии ити Силип.
    БЕА-лар бэйэлэрин киЬилэрин анньа сатаан баран ыт атагын тутан хаалбыттарыттан наардара холлон, хотуолуу олороллор эбит дуу?
    КыЬыыларыттан-абаларыттан ити мээнэ-мээнэ тыллаЬа олороллор эбит дии?
    Силип сагана этэ дии – дьэ оройуоннар хаЬыаттара уонна салайан олорбут республика сурунааллара дьэ кэхтиилэрэ кэлбитэ дии.
    Уонна барытын ыЬан-тогон баран бу кыайбыт-хоппут курдук туттан ньаамыргыы сылдьара суергу буотах да?

  12. Сещон

    Урут Чурапчылар этэ, билигин Вербиллэр. Атын оройуоннар 7 да уерэхтэнин, тарбачыhыман, син биир анаабаттар. Ити икки куурусса туhунан урукку Башкирия дуу , Татарстан дуу главата Медведевка этэн улэтиттэн ууратыллыбыта быhылаага. Дьининэн олох профессионал ананыахтаах этэ. Эн мин дэспэккэ. Тем более эр киhи. Дьахтар аа а дьахтар.

  13. Дьэ

    Чванство и высокомерие были присущи прежнему руководству, чем и сквозит данное интервью. Родственные и земляческие связи тогда были в почете. Персоналии не будем перечислять, они итак известны.

  14. Дьэ дьикти

    С каких пор народ стал для чиновников, а наоборот чиновники должны были служить народу. А на самом деле госслужбу превратили в частную компанию. Никто не думает об общем деле, о процветании Якутии – лишь бы оказаться в чьей-то группе и служить верно как собака своему хозяину.

  15. Разум

    Силип сепке этэр, билигин или клоун буолуохтаах, или Уеhээ Булуу буолуохтаах диэн политика барар. Айсман убайа Бээ уерэттэ5э дии

  16. Аата сурун

    Пестряков куьаганнык да тылласпыт. Саастаах да киьи быьтан инник санарыа суохтаах этэ. Таьыма оннук буоллага эрэ диэн санаа киирдэ.

    • Оннук быЬыылаах

      Ычата кырата таайан, ыраагы санаабат, уЬуну толкуйдаабат, кэскиллээги сэнээрбэт буолан, дьаЬайан олорбут улуустар хаЬыаттара бу маннык кэгиннэхтэрэ дии.

  17. Vbif

    Силип да холоон,кини БЕА айма5а буолан улэлээбитэ.Улаханы то5о кеппутэ суох. Олордун саhан олорор сиригэр.!

  18. Па!

    Старпёр! Кини да тойон буолан улаханы көтүрү тардыбыта суох, 70-н туолан баран нэһиилэ тэскилээбитэ, куруук чалбараҥҥа сылдьарын сөбүлүүр. Инник уһуннук олорон, коррупцияҕа тиийэллэр. Уаровтаах курдук. Оттон кэлбит чүөчэ киниттэн таһыма өссө мөлтөх бьх, едростар анаатахтарына оннук буолар

  19. Ааҕааччы

    Үөһээ Бүлүүгэ Стручковтар диэн бааллар эбит дуу.Ийэтинэн ҮБ буолуо.А так аҕата атын улуус ини.Фамилиятынан көрдөххө.ҮБ буолла да тоҕо тыллара иҥнэрий?Клуустаһыыны күөдьүтэ олороллор.

  20. Билбит

    Ньургуйаана Стручкова Үөһээ Бүлүүгэ туох да сыһыана суох, ол кэргэнин кытта баран Үөһээ Бүлүүгэ сыл курдук эрэ олоро сылдьыбыт буолуохтаах.
    Дойдута дьиҥнээх уонна төрүт уус Мэҥэ Хаҥалас.

Оставить комментарий