Дьааҥылар ас-үөл дьаарбаҥкатын тэрийдилэр

Дьааны улууһун Дулгалаах нэһилиэгэр covid-19 пандемиятын уһун кэмнээх карантинын кэнниттэн, улууска бастакы тыа хаһаайыстыбатын дьаарбаҥкатын ыыттылар.

Нэсилиэк түөлбэлэрэ, ыаллара, хаһаайыстыбалара дьаарбаҥкаҕа көхтөөхтүк кытыннылар. Маннык аһаҕас тэрээһин нэһилиэккэ дьаҥтан вакцинация киэҥник барбытын түмүгэр көҥүллэннэ. Дьаарбанка күн олохтоох култуура киинэ (директор Г. И. Старостина) эҕэрдэ концерт бэлэмнээтэ, олохтоох библиотека (З. Н. Турнина) тыа хаһаайыстыбатыгар сыһыаннаах кинигэ экспозициятын бэлэмнээтилэр.

Дьаарбаҥка түмүгүнэн олохтоох дьаһалта анал номинацияларга бастыҥнары быһсаарда.

Быыстапка-дьаарбаҥка кыайыылаахтара:
“Бастыҥ үүт ас”-Мигалкина Г.М.
“Бастыҥ эт ас”-Слепцова С.В.
“Бултан бастыҥ ас”-Горохова В.М.
“Бастыҥ бурдук ас”-Самиева Т.Г.
“Бастыҥ оригинальнай бүлүүдэ”-Слепцова С.В.
“Бастыҥ торт”-Горохова В.М.
“Улахан собо”-Аммосова О.В.
“Улахан дьарҕаа”-Горохова В.М.
“Халыҥ хаһа”-Рожина С.Е.

Көхтөөх кыттыылаахтарга – Другина Е.Г., Слепцова А.В., Чукрова А.Л. сыаналаах бириистэринэн наҕараадаланнылар.
Тыа хаһаайыстыбатыгар үлэлиир дьоҥҥо барыларыгар оройуон тыа хаһаайыстыбатын салалтатын грамоталара, нэһилиэк баһылыгын махтал суруктара туттарылыннылар.

Маннык ааттар иҥэрилиннилэр:
Бастыҥ сылгыһыт-Старостин В.В.
Бастыҥ үүт туттарааччы-Самиева Т.Г.
Элбэх ынах сүөһүнү иитэр (18 төбө)-Старостин М.К.
Элбэх сылгыны иитэр (74 төбө)-Старостин Н.Н.
Бастыҥ оҕуруоччут-Старостина О.Н.
Нэһилиэк 19 оҕото окко үлэлээбиттэрин иһин уонна Горохова Айыллаана үүт тутар пууҥҥа үлэлээбитин иһин наҕараада туттулар.

Дьаарбаҥканы нэһилиэк дьаһалтата (баһылык Д. Д. Колесов, тыа хаһаайыстыбатын управлениетын үлэһитэ А. Л. Чукров) тэрийдилэр. Сотору кэминэн ахсынньы ыйга улуустаагы тыа хаһаайыстыбатын дьаарбаҥката Баатаҕай бөһүөлэгэр тэриллэрэ былааннаанар.

***

В. В. КРИВОШАПКИН,

Дьааҥы улууһун мунньаҕын депутата

Автор хаартыскаҕа түһэрдэ