Курс валют
$
66.42
0.08
75.22
0.4
Курс валют
Курс валют
$
66.42
0.08
75.22
0.4
Меню
Поиск по сайту

Саха Өрөспүүбүлүкэтин Ил Түмэнэ эһигини Саха Өрөспүүбүлүкэтин Судаарыстыбаннаһын күнүнэн эҕэрдэлиир!

27.09.2018 11:19 0
Саха Өрөспүүбүлүкэтин Ил Түмэнэ эһигини Саха Өрөспүүбүлүкэтин Судаарыстыбаннаһын күнүнэн эҕэрдэлиир!

Ытыктабыллаах Саха сирин олохтоохторо!

1990 сыл балаҕан ыйын 27 күнүгэр биһиги өрөспүүбүлүкэбитигэр судаарыстыбаннай суверенитет туһунан Декларация ылыныллыбыта. Декларация өрөспүүбүлүкэбит Россия Федерациятын тэҥ бырааптаах субъега буоларын биллэрбитэ. Саха сирэ бэйэтин социальнай-экономическай сайдыытын, нэһилиэнньэ олоҕун-дьаһаҕын тупсарыы сүрүн хайысхаларын быһаарынар кыахтаммыта.

Бу күн өрөспүүбүлүкэбит судаарыстыбаннаһын олохтонуутугар суолу тэлбит, олук уурбут дьоммут – Алексей Кулаковскай-Өксөкүлээх Өлөксөй, Василий Никифоров-Күлүмнүүр, Максим Аммосов, Платон Ойуунускай, Исидор Барахов, Степан Аржаков, Степан Васильев уонна да атыттар ааттарын махталлаахтык ааттыыбыт.

2018 сыл балаҕан ыйын 9 күнүгэр буолбут Саха Өрөспүүбүлүкэтин Ил Дарханын быыбарыгар Айсен Сергеевич Николаев итэҕэтиилээхтик кыайда. Ил Түмэн VI ыҥырыылаах мунньаҕын саҥа састааба талыллан өрөспүүбүлүкэ салгыы сайдарын, чэчириирин туһугар үлэлииргэ бэлэм. Түгэнинэн туһанан, өрөспүүбүлүкэ дьонугар-сэргэтигэр быыбарга көхтөөх кыттыыгыт иһин махтанабыт.

Ил Түмэн иннигэр олохтоох нэһилиэнньэ интэриэһин сокуонунан хааччыйыы чопчу соруга турар. Парламентаризм тутулун бөҕөргөтүү, былаас бары салаалара дьон олоҕун таһымын үрдэтиигэ биир сомоҕо буолан түмсүүлээхтик үлэлээһиннэрэ Саха сирэ инники кирбиигэ тахсарыгар олук буолуоҕа.

Күндү Саха сирин дьоно-сэргэтэ! Эһиэхэ кытаанах доруобуйаны, уйгулаах олоҕу, төрөөбүт дойдубут сайдарын туһугар таһаарыылаах үлэни, ситиһиилээх үөрэҕи баҕарабыт!

***

Саха Өрөспүүбүлүкэтин Ил Түмэнэ

Оставить комментарий    

!
АЯМ
Новостройки якт ру
Сахатранснефтегаз
Стоматология 32