Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Күһүҥҥү иэйии

25.11.2012 04:20 0

Амтана бэйэтин күһүҥҥү сэбирдэх курдук сананан кэнэҕэс кэлиэхтээх эрэл эстэн кэмсинии тириир кэмигэр санаатынан тиийэ сатыыр.

Күһүҥҥү иэйии
Сир бөһүйдэ. Хотугу байҕал кырыалаах-дьыбардаах чэҥ тыынын уораанын күһүҥҥү тыалга ындыыстаан ыытара быыһа-арыта ыпсан барда. Сыгынньах салаа лабааларга аҕыйах сэбирдэх ыйаммыта  аара ааһар тыалга бэринэн толугуруу мөхсөөт төлө көтөн салгын сүүрүгэр кулахачыйа сөрөнөн кыырайа көттө. Ханна тиэтэйдиҥ? Кимҥэ ыксыыгын? Буору кытары буор, быылы кытары быыл буола охсоору тулуйбакка-тэһийбэккэ дуоһуйбаты сырсаҥҥын тэлимнэһэ оонньуугун?
Амтана бэйэтин күһүҥҥү сэбирдэх курдук сананан кэнэҕэс кэлиэхтээх эрэл эстэн кэмсинии тириир кэмигэр санаатынан тиийэ сатыыр. Өйүн туймаардыбыт, сүрэҕин өрүкүппүт күһүҥҥү тапталын кый ыраах кыйдыы сатыыр даҕаны кыаҕа тиийбэт, санаата ылбат, сүрэҕэ баҕарбат.
Минньигэһиин…
– Амтана, эн хайдах эрэ буолбуккун ээ! – дьүөгэлэрэ уорбалыыллар.
– Амтана, таптаабыккын быһыылаах, хотуй, сэрэн!
– Амтана, дьоллооххун даҕаныы…
“Дьоллоохпун? Кырдьык дьоллооҕум буолуо дуо?..” – сиэркилэҕэ санньыар салгына саспыт харахтардаах дьахтартан ыйытар.
Баҕар буолуо ээ…
***
Амтана бэйэтин өйдүүр буолуоҕуттан дьон кини аатын дьиктиргиир. Аҕалаах ийэтэ сааһыран баран холбоспут дьон Айыыһыт оҕо кутун иҥэрэрин олус күүтэллэрэ. Онтон кэтэһэ сатаан баран, кэтэспэт буолбуттарын кэннэ дьэ, кини төрөөбүтэ. Онуоха аҕата үөрэн дьол амтанын биллим диэн кинини “Амтана” диэн ааттаабыта.
Тапталга төрөөбүт оҕо дьоллоох дииллэринии, кэтэһиилээх-күүтүүлээх мааны Амтана олоҕор табыллыбыта. Сааһын баттаһа үөрэх, кэргэн, оҕо-уруу, үлэ-хамнас силигин ситэрэн испитэ. Олоҕун-толкуйун булбут дьахтарынан ааҕынара, ааҕаллара даҕаны.
Онтон… оҕолор улааппыттара, туспа суолларын тэлэн  барбыттара. Төлөппүөнүнэн сураһыы, этэҥҥэ буоллахтарына үөрүү, ыксаатахтарына ыгылыйыы… Кэргэнин оҕотун курдук бэрийии… Суох, кинини таптыыр, олоҕун уларытарга хаһан да санамматаҕа, билигин да санаабат.
Барыта былаан быһыытынан сыҕарыйар олоххо, эмискэ кини киирэн кэлбитэ.
***
Ырааҕынан ыырдаах, киэҥ кэпсээннээх, көр-нар ыһыахтаах эдэр сааһын доҕоро хантан эрэ күөрэйэн кэлэн уу нуурал санаатын холоруктуу ытыйан, нус-хас нуктаабыт сүрэҕин төлүтэ эппэҥнэтэн илэ бэйэтин иирдэн кэбистэ.
Бастаан кини өйдөөбөтө, онтон уолуйбута, онтон… иккистээн имэҥирдэр иэйии  дьолун билбититтэн ис-иһиттэн сирэйдиин-харахтыын сырдаан, быһыылыын-таһаалыын тупсан дьону… соһутта.   Ардыгар, хоойго сытар холоонноох доҕоро ханнык дьаалы киирэн хотун ойоҕун кубулутан эрэрин сэрэйэ сатаан хабырынан ылар, ардыгар хайдах хал буолбакка харахпын эмиэ хатаан эрэбиний диэн бэйэтин бэйэтэ муодарҕаан ылар. Онтон сарсыныгар үлэ үөһүгэр, күннээҕи түбүккэ төбөтүн оройунан умсан, киэһээҥҥи санаата кыйданар, түүҥҥү түрүлүөнэ үрэллэр, эмиэ биир тэҥ олоҕор төннөр.
***
Оттон Амтана ыраахтан сылдьан ыҥырар-угуйар уот сылааһыгар иттэр, даҕайар-таарыйар сылаастан сүрэҕэ нүөлүйэн туймаара сылаанньыйар…
Хайгыыр хараҕы батыһыннара сырыһыннарарыттан иэнэ кычыгыланар, мүөттээх тылы төлө мөҕүһүннэрэртэн имэ тэтэрэр…
***
А.Д.

КОММЕНТАРИИ 

#1

Килбигийэ26.11.2012 10:24
Таптаатахха оло5у олох атын хара5ынан кере5ун. Только ити барыта ааьар ээ.
#2

Мэхээс26.11.2012 10:24
Эр киьи харага хаьан да кырдьыбат. Дьахтар харага эмиэ дуу?
#3

77726.11.2012 20:14
Хайгыыр хараҕы батыһыннара сырыһыннарарытт ан иэнэ кычыгыланар, мүөттээх тылы төлө мөҕүһүннэрэртэн имэ тэтэрэр… 😉 наьаа бэрт дии.
#4

Дьуегэ26.11.2012 20:15
Кырдьан баран хайдах таптыахха себуй? Оннук баар дуо, что ли?
#5

Бэдьимэ5э27.11.2012 13:19
онноогор 80 саастарыгар ыал буолбуттар. Ол 40,50,60,70 дьон ессе эдэр буоллахтара))). Дьахтарга не то что секс, легкий флирт хайаан да наада.
#6

Мин27.11.2012 13:20
Наада беге буоллага, ол кыратык эрищэн ылбыккыттан огогун, огонньоргун быраган барбаккын, просто дьахтар курдук сананарга стимул биэрэр :zzz
#7

Баабый27.11.2012 13:22
Просто эрищэн-эрищэн баран баран хаалбыттар эмиэ бааллар. Ол гынан баран теье да саастаах дьахтары девушка диэтэххэ уерэн сэгэс гыммыттарын бэйэлэрэ да билбэттэр).
#8

Мин27.11.2012 13:24
Ой, как будто дядялар комплимены себулээбэттэрин курдук. Они особенно после 50-ти становятся очень восприимчивы к комплиментам :zzz
#9

Эрэл27.11.2012 13:24
Мин комплимены себулээбэппин. Дьахтарга дылы сымыйанан хай5ата сылдьыах ба5айы 😡 .
#10

Эс!27.11.2012 13:25
Хай5абылы ким ба5арар себулуур ини до5ор. Онноо5ор куоска ласки любит дииллэр.
#11

Соргучаан30.11.2012 23:44
Хайа дьахтар кэрэхсэтэрин себулээбэтий?! Кэргэн сыьыана сойбут буолла5ына, дьахтар атын киьи бол5омтотугар хардарар. Ол баар чахчы. 🙁
#12

Маанньа03.12.2012 04:03
Главнайа ол харда аьара туьуе суохтаах за рамки дозволенного. иначе жди неприятностей.

Источник: old.aartyk.ru

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»