Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“БӨРТӨЛӨР” КЫСТЫККА ЭТЭҤҤЭ КИИРДИЛЭР

10.10.2021 22:29 1
“БӨРТӨЛӨР” КЫСТЫККА ЭТЭҤҤЭ КИИРДИЛЭР

“Бөртө” сылгы собуота” хааччахтаммыт эппиэтинэстээх тэрилтэ “Туймаада Агрохолдинг” АУо биир улахан элбэх сүөһүлээх, сылгылаах хаһаайыстыбата. Быйыл сайын төһө да уустуктар баалларын үрдүнэн 2500 т от, 700 т сиилэс бэлэмнээн кыстыкка этэҥҥэ киирдилэр.

Бу ый саҕаланыыта хаһаайыстыба үлэһиттэрэ дьылы баттаһа үс сайылыктан бары сүөһүлэрин кыстык хотонноругар көһөрөн аҕаллылар. Быйыл түөрт хотонунан 671 сүөһүнү туруорар былааннаахтар. Ол иһиттэн 319 ыанар ынах уонна 310 эдэр сүөһү. Итини таһынан хаһаайыстыба Коми республикатыгар баар холмогор боруода сүөһүнү иитэр хаһаайыстыбаттан 42 сүөһү атыыласпыта. Билиҥҥи туругунан 20 уулаах тыһаҕаһы аҕалбыттар. Сороҕо бу күннэргэ кэлэрин кэтэһэн олороллор. Ааспыт ый бүтүүтэ “Бөртө” сылгы собуота” племенной хаһаайыстыба быһыытынан Чкалов кооперативка 30 уулаах тыһаҕаһы атыылаабыттар.

Хаһаайыстыба үрдүнэн бүгүҥҥү күннээҕи туругунан барыта 668142 киилэ үүт ыаммыт. Ол аата биирдии ынахтан тоҕус ый түмүгүнэн 2400 киилэ ыабыттар. Сыл бүтүөр диэри өссө да бириэмэ баар. Онон бу сыыппара уларыйара буолуо.

Бу күннэргэ хаһаайыстыбаҕа АГАТУ студеннара практикаҕа кэлэн күүс-көмө буола сылдьаллар.

Дьэ ити курдук тыа хаһаайыстыбатын үлэтэ хаһан да тохтообокко дьыл кэмиттэн тутулуга суох салҕанан бара турар. Билигин сыл өссө биир ордук түбүктээх, эппиэтинэстээх кэрдиис кэмигэр үктэнэн үлэ тэтимэ түспэт.

***
Прокопий ХАБАРОВ 

Обсуждение • 1

Добавить комментарий
  1. Кугдаров

    Еребулэ суох улэлиир тыа хаьаайыстыбатын улэьиттэрин куннэринэн итии-истиц э5эрдэ, ыархан улэ5ит урдук ситиьиилээх буоллун!

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»