Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Владимир ПОСКАЧИН: “Егор Афанасьевич Борисов дьиҥ саха салайааччыта”

31.05.2018 00:36 13
Владимир ПОСКАЧИН: “Егор Афанасьевич Борисов дьиҥ саха салайааччыта”

Владимир ПОСКАЧИН, Үөһээ Бүлүү улууһун баһылыга Егор БОРИСОВ туһунан санаата:

“Егор Афанасьевич Борисов кэмигэр улуус баһылыгын быһыытынан үлэлээбит буоламмын, кинини салайааччы быһыытынан билэбин.

Хайдах бөһүөлэк баһылыгынан талыллыахпыттан, ол аата 2005 сыллаахтан кини бастаан бырабыыталыстыба бэрэссэдээтэлэ онтон Президент, онтон Ил Дархан быһыытынан өрөспүүбүлүкэни салайарын, кини салалтатын быһаччы дьайыытынан үлэлээбит буоламмын, сүрдээх мындырдык, демократичнайдык, киһилии, дьиҥ сахалыы салайбыта диэхпин баҕарабын. Ол иһигэр бары олохтоох бэйэни салайыныы баһылыктарын кытта дьиҥнээх аҕа табаарыстыы курдук сыһыаннаһан, кими да аһара өрө туппакка, кими да аһара аллараа баттыы сатаабакка тэҥҥэ тутан, тэҥҥэ сыһыаннаһан кэлбитэ.

Мин куруук этэбин, сахалар салайааччыларбытыгар сүрдээҕин табыллыбыт дьоммут, сэбиэскэй былаас саҕаттан. Ама ким Аммосовы, Ойуунускайы, Бараахабы мөлтөх салайааччылар этэ диэҕэй? Аҕыйах соччото суох дьон баар буола сылдьыбыттарын ахтыбакка аҥаардас Илья Винокуровы, Семен Борисовы, Гаврил Чиряевы, Юрий Прокопьевы да ааттаатахха бары бэйэлэрин кэмнэригэр саамай сөптөөх үлэни ыыппыт саха саарыннара этэ эрэ диир кыахтаахпыт.

Онтон саҥа кэм үс Президенэ эмиэ хас биирдиилэрэ оччотооҕу историческай кэм, экэномическэй быһыы-майгы, федеральнай киин ыытар политикатын ирдэбиллэригэр толору эппиэттэһэр дьоһуннаах дьон дьоһуннаахтык үлэлээбиттэрэ, үлэлээтилэр. Киһиэхэ барытыгар бэрт буолар кыах суох, хаһан баҕарар астыммат, сөбүлээбэт, абааһы көрөр дьон баар буолалларын да үрдүнэн, объективнайдык хас биирдиилэрин үлэлээбит кэмнэрэ – туспа историческай кэрдиис буолар.

Ол курдук Николаев Михаил Ефимович эпохата олох туһунан улуу история, Вячеслав Анатольевич Штыров киэнэ эмиэ туспа туһунан сайдыы, үлэ-хамнас кэмэ, Егор Афанасьевич Борисов киэнэ эмиэ оннук бэйэтин уратытынан биһиги өйбүтүгэр-санаабытыгар хаалыаҕа. Бу сылларга кини, уонна кини командата, бастатан туран, Галина Данчикова сүҥкэн үлэни үлэлээн, санныларыгар сүгэн кэллилэр. Кини аата мин санаабар тыа сиригэр элбэх тутуу барбытын кытта, чааһынай дьоҥҥо дьиэ тутталларыгар субсидия, эдэр ыалларга субсидия, үүт харчыта улаатааһына, саҥа таас оскуолалары, спортивнай, социальнай, промышленнай объектары тутууну кытта уонна Дьокуускай куоракка баараҕай спортивнай, культурнай объектары кытта сибээстээх буолуо дии саныыбын.

Кини быһаччы көҕүлээһининэн уонна тэрийиитинэн спортивнай оонньуулары ыытыы улуус таһымыгар сүҥкэн тутуулары кытта быһаччы сибээстээх. Итинник улахан объектары тутуу, мин өйдүүрбүнэн Штыров-Акимов саҕана Сунтаарга буолбут спортивнай оонньуулартан саҕаламмыта. Егор Афанасьевич оччолорго бырабыыталыстыба бэрэссэдээтэлэ буолан олорон ол тутуулар үптэрин-харчыларын көрөөһүнү быһаччы дьаһайбыта мөккүөрэ суох. Онтон ыла хас спортивнай оонньуу аайы сабыс-саҥа аныгылыы тупсаҕай стадионнар, спортзаллар улуус-улуус аайы тутуллан килбэйэн тураллара дьону-сэргэни куруук үөрдэ-көтүтэ, чөл олоххо, спортка ыҥыра-угуйа туруохтара.

Ити эрэ буолуо дуо, мин санаабар кини биир улуу дьыалата – уонна инники Президеннэртэн уратыта диэн – олохтоох бэйэни салайыныы дьиҥнээхтик саха менталитетыгар сөп түбэһэрин бигэтик өйдөөн, сүрэҕинэн-быарынан ылынан кинини, олохтоох бэйэни салайыныыны, систиэмэ, былаас биир туспа институтун курдук көрөн бигэтик атаҕар туруорбута буолар.

Бу сылларга баһылыктарга, депутаттарга аналлаах элбэх семинар, баһылыктар уонна бырабыыталыстыба бииргэ мунньахтыыр Бэйэни салайыныы сүбэтин үгэһирбит мунньахтара, уопсай политика оҥоруута, нэһилиэктэр, улуустар баһылыктарын съезтэрэ үрдүк тэрээһиннээхтик, өрө күүрүүлээхтик ыытыллан кэллилэр, дьону-норуоту күүскэ сомоҕолоотулар, инникигэ эрэли сахтылар, баһылыктарга күүстээх өйөбүл буоллулар диэххэ наада.

Кыра уонна орто бизнес сайдарыгар эмиэ дьоһуннаах хардыылар оҥоһуллубуттара, ол курдук элбэх улууска “бизнес-инкубатордар” тутуллубуттара. Элбэх үп-харчы урбаан фондатын нөҥүө чэпчэтиилээх кредит быһыытынан бэриллэн, улуус-улуус аайы саҥа бизнес үөскүүрүн күүскэ көҕүлээтэ. Аҥардас Үөһээ Бүлүүгэ ол кредиттэринэн ресторан, гостиница, пекарня, тутуу материалын оҥорор дьоҕус собуоттар тигинэччи үлэлии тураллар.

Бу сылларга ити курдук элбэх үлэ үлэлэннэ, барытын биир ахтыыга киһи сатаан ахтар кыаҕа суох. Ол иһин былырыыҥҥы ХХ үбүлүөйдээх Манчаары оонньуутун  Үөһээ Бүлүүгэ ыыттарар быһаарыныы ылынан уонна күүскэ өйөөн, билиҥҥи Үөһээ Бүлүү тупсубутун, киэркэйбитин сылдьыбыт эрэ барыта сөҕөр-махтайар буолбутуттан, уонна өрөспүүбүлүкэни салайан олорор кэмигэр биһиги улууска өрүү күүс-көмө буолан олорбутун иһин Егор Афанасьевичка бары Үөһээ Бүлүү улууһун олохтоохторун ааттарыттан дириҥ ытыктабылбытын, убаастабылбытын уонна махталбытын тиэрдэбин!

Доруобай буол, этэҥҥэ буол, дьоллоох буол!

Эн, бэйэҥ оннугар хаалларбыт саха биир дьоһун уола Айсен Николаев быыбары эрэллээхтик кыайыа уонна бары кини иннинээҕи өрөспүүбүлүкэбит бастакы сирэй салайааччыларын курдук уонна эн курдук олоҕун дьонун-норуотун, тапталлаах Сахатын Сирин туһугар аныа диэн эрэнэрбин биллэрэбин!

Туругурдун Улуу Россия!
Туругурдун Саха Өрөспүүбүлүкэтэ!
Туругурдун Саха Омуга!

***
Үөһээ Бүлүү улууһун баһылыга Владимир Поскачин.

Обсуждение • 13

Добавить комментарий
  1. Төрүт саха

    Вот Володя красавчик! Самые важные слова – вовремя сказанные слова. ( Сенека)

  2. Саастаах саха

    Дьоьуннаах,, дьин сахалыы ейдеех-тейдеех суруйуу. Барбыты уе5уу-сэтэрээьин, кэлбити былдьаьа-былдьаьа уруйдааьын-айхаллааьын, хаьан сахалар бэйэ-бэйэбитигэр сиэрдээхтик сыьыаннаьарга, улэлэммити септеехтук сыаналыырга уерэнэр бит буолла? Поскачин маладьыас.

  3. Минсаха

    Галина Данчикова то5о тугу да санарбат? Николаев, Штыров, Тумусов, Максимов, Березкин уо. д. а. санардылар.

    • Ейденер буо

      Ити Чемоданчикова бэйэтин уолун Ил Дархан оноро сатаан сордоммута дии – ханна барытыгар ол туЬунан суруйбуттара
      Абатыттан молчит
      Но скоро син-биир ньыланнаан барыа

  4. Хомолотолоох

    Егор Борисов то5о Ньурбаны гаастаабата, аэропуорт туттарбата?
    То5о Ньурба экология алдьархайыттан туhаныахтаах харчытын РИКка салайда? То5о Вервилы уонна Ньурбаны сайдыытын араарда?
    То5о Сунтаарга бол5омто уурбата?

  5. Ааҕааччы

    Үөһээ Бүлүүһэлэр махтаныах тустаахтар өстөөхтөрө Ньырба кыыһа кинилэр главаларын арбыырыгар, а они не благодарные. Я ффсе снайу!

  6. hынтаар

    ОТТОНН МИЭХЭ, БИhиэхэ туох да суох дии…Чурапчыны туругурта. Оттон hунтары hуох. 220 кв уоппут да газпыт да ыраас да уубут сох.
    hайдыыбыт 90с сылларга хаалла. Транспорт куhа5ан. Якутскайга диэри 15 тыс. самолетынан айанныыбыт. Поликлиникабыт эргэ, стационар ситэ илик 2 очереда, интернет а5алабыт диэн hиикэйдээтилэр.

  7. ННН

    Ньурбаҕа Петрова Варвара өҥөтүнэн, Штыровтаах Борисов өйөөннөр сыл аайы 300 мөлүйүөн харчы сверх положенного бюджета туспа улуустааҕы инвестбюджет курдук харчы 2003 сыллаахтан баччааҥҥа дылы түһэ турар. 15 лет умножаем на триста получаем – 4 миллиарда 500 миллионов рублей. Итинник иирээки элбэх харчылаах олорон ол дьадаҥы Вервилы кытта тэҥнэһэ олороҕут дуо, сирэйгит сааппакка? Ол харчыны улуус бэйэтэ салайан кэллэ ээ, баччааҥҥа диэри. Причем тут Егор Афанасьевич? Наоборот өссө онно эбии республика инвестбюджетыттан, федераллартан эмиэ тутуу бөҕө ыла олороҕут буотта. Сымыйаннан ытанымаҥ?

    • олохтоох

      “сверх положенного бюджета” хаһан да буолбатаҕа. Ол туһуттан туспа внебюджетнай фонд тэринээри дьаһаммыттарын, өйдөөх уол Попов “Туспа кубышка оҥостон улуус харчытын күрэтээри тэринэн эрэллэр!”,- диэн, быыбар эрэ иннинэ листовка тарҕатан быыбары кыайбыта. Баһылык буолан баран оннук кубышка тэринээри оҥостубутун АЛРОСАлар чугаһаппатахтара. Онон Ньурбалар туох да бюджеттан ордук туттар үптэрэ суох. Кыһыыта баар, өрөспүүбүлүкэҕэ итинник ымсыыра санааччы наһаа элбэх.

    • Аноним

      Ннн, ыстааннар толору саахтаан баран хоhулаа, холобурдаа. Республика инвестбюджетыттан ньурбаларга туох да суох. Марха yрэххэ Удачнай ГОК кирэ-хо2о тyhэр, Накыын экологияны алдьатар, Булуугэ Малай Ботуобуйанан алмазниктар кирдэрэ ккиирэр.
      Ол накааhыгар ити yп бэриллэр. Харчыны НЬУРБА ТААХ ЫЛБАТ ПОДХАЛИМ!

  8. ННН диэн сымыйаччыга

    Булуу киртийбит уутун киллиргэччи ыймахтаа. Оччо5о толкуй эйиэхэ киириэ.

  9. ННН

    Дьэ үчүгэйдик өһүргэммиттэр дии. Правда глаза колет диэн итини этэн эрдэхтэрэ. Онтон мин СЭРНУ туһунан этэбин дии, өссө ханнык эрэ сыллааҕы ылыахтаах харчыгытын бэйэҕит же мошенниктаргыт Москваҕа күрэппиттэрин туһунан кэпсээн элбэх этэ дии, хас эрэ мөлүйүөн ЕВРО диэн баара. Ол оннугар биир сыллааҕы 300 мҕлүйүөҥҥүт ол иэһи сабарга барбыт диэн буолта. Били Прокопьев баһылыктаан олордоҕуна. Ол баҕас бэйэҕит сыыһа туттуугут, 600 мөлүйүөн улуустан сүппүтэ. Ол гынан баран 3 млрд 900 мөл. диэн эмиэ ботуччу үп ээ доҕор.

  10. Дьаархан эмээхсин сиэнэ

    Ннн, эн олус куhа5аннын.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»