Курс валют
$
71.68
0.52
87.33
0.48
Курс валют
Курс валют
$
71.68
0.52
87.33
0.48
Меню
Поиск по сайту

Сунтаар улууһугар «Үтүө дьыала» хамсааһын хардыыта кэҥиир

11.02.2021 10:14 0
Сунтаар улууһугар «Үтүө дьыала» хамсааһын хардыыта кэҥиир

Сунтаар улууһугар биллэриллибит Үтүө дьыаланы оҥорооччу сылын чэрчитинэн улуустааҕы үөрэх салаата, оскуолалар араас аахсыйалары, тэрээһиннэри ыыталлар.


Холобур, Бордоҥ орто оскуолата «90 үтүө дьыала» аахсыйаны тэрийбитин туһунан улуустааҕы үөрэх үлэһиттэрин идэлээх сойуустарын бэрэссэдээтэлэ Анатолий Новиков «Сунтаар сонуннара» хаһыакка билиһиннэрдэ.

Ол курдук, номнуо 6 үтүө дьыала оҥоһулунна, диир Анатолий Новиков. Бу соторутааҕыта оскуола эр дьоно мустан тыыл бэтэрээнэ Мария Матросоваҕа, оскуола бэтэрээн үлэһиттэригэр Валерий Федоровка, Илья Спировка, Дмитрий Федоровка, Ульяна Михайловаҕа, үлэ бэтэрээннэригэр Галина, Олег Андреевтарга оттук мастарын хайыттылар.

Оттон Дьаархан оскуолатын кэлэктиибэ СӨ үөрэҕириитин туйгуна, 44 сыл алын кылаас оҕолорун билиигэ, сырдыкка-кэрэҕэ үөрэппит бэтэрээн учууталга, учууталлар учууталларыгар Александра Петровна Васильеваҕа оттук маһын хайытан, туруоран кэбистилэр.

«Таһырдьа төһө да тымныы буоллар кэлэктиип бэрт көхтөөхтүк үлэлээтибит, бэйэбит оҕо сааспытын санаатыбыт, ол кэмнээҕи тимуровскай үлэҕэ сылдьар курдук сананныбыт», – диэн кэпсиир нэһилиэккэ успуорт инструктордыыр, ону таһынан оскуола биир тутаах үлэһитэ Павел Кырелов.

***

«Сунтаар сонуннара»

Оставить комментарий    

Россельхозбанк
АЯМ