Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“Сааскы сирэйдэр”- 2017

05.04.2017 11:35 0
“Сааскы сирэйдэр”- 2017

Төхтүр сиригэр-уотугар “Сааскы сирэйдэр” көр-күлүү фестивала үбүлүөйнэй 10-с төгүлүн ыытылынна. Бу фестивалы көр-күлүү “мэтра”, СР култууратын үтүөлээх үлэһитэ, мэҥэ-хаҥаластар киэн туттар киһибит, оҕо-аймах сөбүлүүр артыыстара Аркадий Михайлович Новиков көҕүлээн тэрийбитэ. Онон бу тэрээһин “Көөчөөн көрө” мини народнай театр “төрөппүт оҕото” буолар. 10 сыл эттэххэ дөбөҥ да, бу сыллар усталарыгар көр-күлүү түһүлгэтигэр тыһыынчанан киһи араас улуустан кыттан ааста. Бу тэрээһин “Көөчөөн көрө” театр историятын биир чаҕылхай страницатынан буолар.

Бу икки күннээх фестиваль дьүүллүүр сүбэтин салайааччытынан СР суруйааччыларын союһун чилиэнэ Е.В.Слепцова-Куорсуннаах, киниэхэ көмөлөстүлэр А.Е.Кулаковскай аатынан норуоттар доҕордоһууларын дьиэтин сүрүннүүр специалиһа СР культуратын үтүөлээх үлэһитэ С.С.Адамова, улуустаҕы культура уонна духуобунай сайдыы салаатын специалиһа Э.М.Павлова, “Көөчөөн көрө” театр артыыстара Е.А.Никитина, В.В.Егорова, А.В.Стручков. Бу фестивальга Үөһээ Бүлүүттэн 2, Намтан, Хаҥаластан 3-түү бөлөх, Таатта Чымнаайытыттан, Эдьигээнтэн, Горнай Дьиикимдэтиттэн, Чурапчы Мындаҕаайытыттан, биһиги улуустан Дойдуттан, Тиэлигиттэн, Төхтүртэн икки бөлөх, Павловскайтан, Хаптаҕайтан, Томтортон барыта 26 коллектив 80-тан тахса нүөмэри 130-ча киһи көрдөрдө.

Олох-дьаһах күннээҕи түбүгүттэн сынньатар, араас интэриэһинэй, киһини сороҕор сонньутар да, ол быыһыгар толкуйдатар да нүөмэрдэри утуу-субуу, үөрдэр-көтүтэр ураты дьоҕурдаах, талааннаах  көрү-күлүүнү көҕүлүттэн туппут дьону көрөн  сэргэхсийдибит.

Икки күннээх фестиваль түмүгэ маннык буолла:

Гран при – Үөһээ Бүлүү Хоро нэһилиэгин „Хоросо“ бөлөҕө (сал.Иван Касьянов)

Аркадий Новиков оҕолорун ааттарыттан анал бирииһи, А.М.Новиков кыыһа Т.А.Новикова-Васильева„Сааскы сирэйдэр“10 сылынан, күн бүгүн айа-тута үлэлии-хамсыы сылдьар „Көөчөөн көрө“ театр коллективыгар Аркадий Новиков статуэткатын кытары ноутбугу үөрүүлээх быһыыга-майгыга туттарда.

Аркадий Новиков анал бирииһин Нам Көбөкөнүтэн Февронья Романова монологу ааҕан тутта.

1 степеннээх лауреат – Нөөрүктээйин нэһилиэгин „Ньаамылыскай“ бөлөх (сал. Виктория Николаева)

2 степеннээх лауреат – Горнай улууһун „Дьиикимдэ дьээбэлэрэ“ бөлөх (сал. Владимир Егоров)

3 степеннээх лауреат – Хаҥалас улууһун Өктөмнөөҕү народнай театр (сал. Зоя Егорова)

1 степеннээх дипломант – Эдьигээн улууһун „Чолигда“ бөлөх (сал. Туяра Егорова )

2 степеннээх дипломант  – Таатта Чымнаайы нэһилиэгин „Сайдар“ бөлөх (сал. Соломон Николаев)

3 степеннээх дипломант –  Хаптаҕай нэһилиэгин „Айуу-чэ “ бөлөх (сал. Изабелла Алексеева)

Көрөөччүлэр биһирэбиллэрин Намнааҕы народнай театр коллектива „Салют “ сценкатынанылла.  „Бастыҥ дьахтар оруола“ ааты Павловскайтан Виктория Николаева, „Бастыҥ эр киһи оруола“  ааты Хаҥалас Өктөмүттэн Александр Готовцев сүктүлэр. Маны таһынан 8 анал ааттар иҥэрилиннилэр.

Театральнай деятель, СР культуратын үтүөлээх үлэһитэ С.С.Адамова, суруйааччы, саха эстрадатын бастакы профессиональнай артыыстарыттан биирдэстэрэ Е.В.Слепцова-Куорсуннаах маастар-кылааска коллективтар салайааччыларыгар баар итэҕэстэри туоратыыга, репертуары талыыга, айымньыны толорууга, маастарыстыбаны үрдэтиигэ, сценическэй көстүүмнэр дьүөрэлэһиилэригэр сөптөөх  үлэни ыыталларыгар сүбэ-ама биэрдилэр

Ити курдук сүрдээх үчүгэй тэрээһнн, сааскы ылааҥы күн „Сааскы сирэйдэр“ үрдүк таһымнаахтык ыытылынна. Кэлбит ыалдыттар бары илии тутуурдаах, өттүк харалаах тарҕастылар. Сүрүн тэрийээччилэргэ анаан кыттааччылар инникитин да көр күлүү күнэ ыытылла турарыгар, маннык түһүлгэ баай историяланан, саҥа талааннары арыйан кэҥии турарыргар баҕа санааларын тириэртилэр.

***

Эмма ПАВЛОВА

Мэҥэ-Хаҥаластан “Аартыкка” анаан.

 

 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»