Курс валют
$
70.38
0.34
76.73
Курс валют
Курс валют
$
70.38
0.34
76.73
Меню
Поиск по сайту

Поэт өлбөт

28.11.2022 14:13 0
Поэт өлбөт

Дьааҥы улууһуттан төрүттээх поэт Василий Рожин Украинаттан буор кута эрэ эргилиннэ. Көмүс уҥуоҕа төрөөбүт Дьааҥытыгар тиийдэ, кистэннэ. Одуруннаах оҥоһуулаах Орто дойду олоҕо икки атахтааҕы туохха эмит үөрэтэр. Бу буола турар балаһыанньааҕа эр дьоммут, эдэр ыччаттарбыт толук буолбуттара араас санааны үөскэтэр.

Василий Рожин бэйэтин быһаарыытынан Украинаҕа баран сэриилэспит буойун-поэт. Кини кэриэһигэр биир дойдулаахтара,  доҕотторо хаартыска ыыппыттарын таһаарабыт.

Дьааҥы Хотойугар

Таас Дьааҥы очуоһа соҥуоран,
Эдэркээн хотойун сүтэрэн,
Санааҕа баттатан ытаата,
Ынчыктаан, хаардарын хамсатта.

Хотойо көппүтэ бу мантан
Кытааппыт кынатын даллатан.
Хоһооҥҥо тапталын хоһуйа,
Хорсуннар суолларын тутуһа.

Көппүтэ дойдутун көмүскүү,
Бар дьонун дьоллорун төлкөлүү,
Хотойдуу үрдүккэ талаһа,
Хоһоонун тылларын ситэрэ.

Таас Дьааҥы очуоһа, ытаама,
Хаардаргын аллараа ыытыма…
Эн дьиҥнээх хотойу ииппиккин.
…Хорсуннар суолларын билэҕин…

Николай Дьуур.

**

Бэйээт өлбөт,
Өрүү тыыннаах,
Өлбөөдүйбэт
Үрүҥ күннээх,
Кини Улуу,
Умнуллубат,
Үйэлэргэ
Баар кини.

Эппит тыла
Суруллан,
Сайа көтөн
Саргылаах,
Кыргыһыыга,
Сэриигэ,
Хотторботох
Хоһуун бэйээт.

Албан аата
Аатырдын,
Ийэ тыла сүппэтин,
Орто дойду сүгүрүйдүн,
Элгэс сирэ, Киһилээх
Өрүү өйдүү сылдьыаҕа,
Бэйээт тыыннаах,
Сырдык куттаах.

Александр Стручков.

***

Aartyk.Ru

Оставить комментарий