Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Олоҥхо ыһыаҕар Үөһээ Дьааҥыттан 18 киһилээх дэлэгээссийэ кытынна

24.06.2022 08:05 0
Олоҥхо ыһыаҕар Үөһээ Дьааҥыттан 18 киһилээх дэлэгээссийэ кытынна

Олоңхо ыhыа5ар Дьааҥы улууhуттан  уопсайа 18 киhилээх дэлэгээссийэ баран ситиhиилээхтик кытынна, диэн улуус баһылыга Гаврил ЧИРИКОВ телеграм-каналыгар суруйар.

Дьааҥы дэлэгээссийэтин Тамалакаан нэһилиэгэ көрсөн аhатта, хонукпутун  Үөдүгэй нэһилиэгэ тэрийдэ, – “Сардаңа” оҕо уһуйааныгар түһэрдэ.

Онон ыраах хоту улуустан айаннаан кэлбит дьону бэркэ көрсұбұттэриттэн улаханнык астынныбыт уонна  Ұөhээ Бұлұұ улуус салалтатыгар, СӨ Олоңхо Ыhыа5ын тэрийэр Кэмитиэтигэр, Олоңхо ассоциациятыгар Ытык Дьааҥы улууhун муниципальнай тэриллиитин дьаhалтатын аатыттан махтанабыт!

Олоңхо Ыhыа5ын тұhұлгэтигэр Дьааҥы дэлэгээссийэтэ ситиһиилээхтик кытынна.

СӨ XV төгұлұн ыытыллыбыт Олоңхо ыhыа5ын “Чаҕылхайдык да чуопчаарар чаабы-чыыбы чабырҕах” күрэҕэр Саргылана Баишева Гаврил Слепцов- Хаһаах оҕонньор чабырҕаҕын аа5ан 3  миэстэлээх үрдэл хаhаайынынан ааттанан 30 000 харчылаах сертификатынан на5араадаланна.

“Өрөөбүт уоту өһүлэн, хоммут уоһу хоҥнорон” оҕолорго олоҥхону толорууга Бурцева Снежана
“Күн түспэтэх көмүс хайатын үрдүгэр көҥүлүнэн күөлэһийэн үөскээбит, Ый түспэтэх алтан хайатын үрдүгэр дьаалытынан тараадыйан үөскээбит Күн Күөһэҥсэ бухатыыр” диэн Дария Томская- Чаайка олонхотуттан быһа тардан толорон,  күрэх 2-с миэстэ үрдэлин ылан 30 000 харчылаах сертификатынан на5араадаланна. Снежана олоңхону толорооччуларга Дьааҥы сирэ бигэ кэскиллээ5ин туоһулаата.

“Тах курдук таҥнан, ох курдук оҥостон, сир симэҕинии симэнэн” сахалыы таҥас күрэҕэр ” Өбүгэ таҥаһа”  хайысхаҕа Дьааҥы куоратыттан Майя Жиркова 1 миэстэ хаhаайына буолан 45 000 харчылаах сертификатынан на5араадаланна

“Сүллэр сөмүйэ сүллэрдээбит, дьаарай тарбах такайбыт, эриэккэс илии тикпит” илиинэн уус-уран оҥоһук быыстапкатыгар Дьааҥы улууhун култууратын салалтатын сұрұннұұр специалиhа Дария Васильева ( Мастер народно-художественных промыслов РС(Я)) кыттыыны салайда.

Раиса Другина ( СӨ норуотун маастара) “Кыл-сиэл оңоhук” кұрэххэ  уонна “Кыбытыктаах тигии” кұрэ5эр Анал аат хаhаайыннарынан ааттанна.

“Сыахай ” ( сымна5ас оонньуулар, куукула оҥоһуктарыгар) ” Сатабыл ” түмсүү салайааччыта Ольга Соловьева Анал аат ылла.

Улахан дьоҥҥо Олоҥхону толорууга Прасковья Антонова Махтал суругунан биhирэннэ.
Ону таhынан тута хоһуйуу күрэҕэр Прасковья Анал аат ылла.

” Түөлбэ күөлэ холобурдаах түһүлгэни тэрийиэх, тэйдэр тэбэ көтүөх!” диэн оҕо, ыччат, улахан дьон оһуохайга күрэҕэр  Изабелла Аммосова кытынна махтал суругунан биһирэннэ.

Саха АССР төрұттэммитэ 100 сылыгар аналлаах П.А.Ойуунускай
” Дьурулуйар Ньургун Боотур” олоҥхотун уһун тыыннаах ааҕыыга” Надежда Саввинова кытынна.

” Хохуоралах тыллаах, хоҥкунас тыастаах, холобура суох хоһоонноох, хомус барахсан хомус кұрэ5эр Илья Слепцов, Айсен Павлов кыттыннылар.

Хотун Бұлұұ туонатыгар ыытыллыбыт Саха АССР төрұттэммитэ 100 сылыгар аналлаах XV төгұлұн ыытыллыбыт Олоңхо Ыhыа5ар Дьааҥы улууhун ааттаппыт дьоммутугар, төрұт ұгэhи сал5ааччыларбытыгар, спортсменнарга, салайааччыларга Ытык Дьааҥыбыт бар дьонун ааттыттан э5эрдэлээн туран истиң-иhирэх махталбытын тиэрдэбит! Өбұгэбит төрұт ұгэстэрин көлұөнэттэн көлұөнэ5э тиэрдэ туруң! Тус олоххутугар дьолу-соргуну, айымньылаах ұлэни ба5арабын!

Г . И. Чириков
СӨ “Дьааҥы оройуона” МТ дьаhалтатын баhылыга.

Оставить комментарий