Мин итэҕэлгэ сыһыаным

Мин хаарчахтыылларын, күрүөҕэ-далга хаайалларын олох сөбүлээбэппин. Киһи – көҥүл буолуохтаах, ис көҥүллээх. Киһи барытын бэйэтин баҕа өттүнэн оҥоруохтаах, тутуохтаах, айыахтаах – оччоҕо эрэ үлэ да, үөрэх да, олох да биирдэ ситиһиилээх, үйэлээх буолар, дуоһуйууну аҕалар. 

Ол итэҕэлгэ эмиэ сыһыаннаах. «Оннук гын, маннык гын, оннук буолуохтаах, ити сыыһа, бу сөп» диэн итэҕэлгэ сыһыаннаах дьон дьаһайан, үтүрүйэн, өссө куттаан, мөҕөн-этэн киирэн бардахтарына олох ылыммаппын. Киһи бэйэтэ өйүн-сүрэҕин үлэлэтэн, буһаран-хоторон итэҕэл өйдөбүлүгэр кэлиэхтээх. Бэлэм биэрбиттэрин ыйыстыбакка, бэйэҥ булан-талан,  буһаран, илдьиритэн, ыстаан ылыннаххына эрэ дьиҥнээхтик итэҕэйэҕин. Надо дать удочку, а не рыбу дииллэрин курдук. 

Света [Иннокентьева] итэҕэлгэ сыһыана, көрүүтэ киһини хаарчахтаабат, ас кээһэр, толкуйдатар – көҥүлгүн быспат. Ол мин санаам иһинэн. Ол иһин мин кини философиятын ылынабын. Кэпсээн киирэн бардаҕына, кырдьык даҕаны диэн толкуйдаан, буһаран бараҕын. Кини киһи ис күүһүгэр итэҕэйэр. Саамай сүрүнэ диэн – сүрэххин иһит, сүрэх хаһан да албыннаабат диирин ылынабын. Эдэр баҕайы эрээри олоххо көрүүтэ олус дириҥ, иногда бывает такое ощущение, то что она говорит ты всегда это знала, просто забыла. Вот так откликается ее мировоозрение в душе человека.

***
Источник – @Туйаара НУТЧИНА

Подписаться