Мэҥэ Хаҥалас ыччата коронавируһунан ыалдьыбыт оҕолорго комолоһор

Мэҥэ Хаҥалас улууһугар Ыччат нэдиэлэтин чэрчитинэн «Коробка храбрости» диэн үтүө санаа аахсыйата саҕаланна.

Сэтинньи 24-30 күннэригэр ким баҕалаах Мэҥэ Хаҥалас улууһун дьаһалтатыгар аахсыйа анал дьааһыгар оҕолорго анаан оонньуурдары, кинигэлэри, үөрэнэр, дьарыктанар тээбириннэри аҕалан угуохтарын сөп. Хомуллубут бэлэхтэр сэтинньи 30 күнүн кэнниттэн коронавирус инфекциятынан ыалдьан, дьиэҕэ хааллан олорор оҕолорго түҥэтиллиэхтэрэ.

Хантаактар ахсааннарын аччатар сыалтан бэриллибит маллар анал дьааһыкка угуллаллар, волонтердар дезинфекция оҥороллор, наардыыллар итиэннэ ахсынньыттан оҕолорго түҥэтэн саҕалыыллар.

Мэҥэ Хаҥалас улууһун олохтоохторун ыччат уонна дьиэ кэргэн управлениета, оройуон бастыҥ ыччата көҕүлүүр үтүө санаа аахсыйатыгар көхтөөхтүк кытталларыгар ыҥырабыт.

***

Источник: “Эркээйи” хаһыат