Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Киһи олоҕунан оонньооһун…

23.09.2018 13:03 21
Киһи олоҕунан оонньооһун…

Хаһан эрэ биир хаһыакка  биллэр политиктан интервью ылбыттарыгар,  киһи аймах олоҕо хаһан эмэ киһилии сиэринэн салаллыан сөбө дуу диэн ыйытан тураллар. Онуоха  ол киһи  “көмүс миллиард” уйгу-быйаҥ, баай-талым олоҕуттан аккаастаннаҕына, бэйэтэ бэйэтин дьиэтин-уотун, таҥаһын-иһитин суунар, бэринэр, аһын астанар, олоҕун көрүнэр буоллаҕына, биирдэ эрэ киһилии олох бары дьоҥҥо кэлиэн сөп, ол ону “көмүс  миллиард” баҕарыа дуо диэн төттөрү ыйытан сонньуйбуттаах. “Аан дойду 6,5 миллиард киһитэ 1 “көмүс миллиард” байарын туһугар күнүстэри-түүннэри көлөһүнүн тоҕор”.

Икки атахтаах туохха да хараҕа туолбат. Иҥсэ-обот ириҥэ мэйиилээҕи, инчэҕэй эттээҕи эмэн сиэн тобоҕолуур күнүгэр туох санаалаах анараа дойдуга аттаныахпыт буолла… Бу дойдуга туга да суох кэлэбит, ол дойдуга туга да суох барабыт. Мутугунан быраҕар муҥур үйэҕэ ону өйдүүр киһи ахсааннаах буолла быһыылаах…

Тыһыынчанан сыллар устатын тухары чэҥ муус кыаһаан дойдуга, хойуу омук дьаара биллибэт чиэски сиригэр, араллааннаах аартыктартан тэйиччи туттан, бэйэбит испитинээҕи ыырбытыгар хорҕойон олорбут кэммит бүттэ. Соҕуруу дойду үбүн-аһын үрүмэтэ чарааһаан, иҥсэ-обот уодаһыннаахтар, үктэтиилээх оҥоһуулаахтар уоттаах харахтарын биһиги диэки хатаатылар. Хаспытын хаһаас гыналлар, хаспытын билигин итигэстээн сииллэр – биллибэт. Хаһан да урут хатыйыылаах санааны кытары ыалласпатах, араас албастары амсайбатах кыра омук угаайыга  киирэн биэрэрэ элбээн иһэр. Кими эрэ хачыгырас хамнаһынан албынныыллар, кими эрэ үрдүк солонон баайаллар, кими эрэ көрдөрүнньүк оҥостон илдьи тэпсэн ааһаллар.

Элбэх киһи, бу соторутааҕыта туох баар сууту-сокуону кэһэн, сирэйэ-хараҕа суох, инньэ атын сиргэ – Иркуускай түрүмэтигэр илдьэн умса анньыллыбыт Николай Местников дьылҕатыттан улаханнык харааһынна. Туох аанньалаах дьыалаҕа эрийэ сатыыр буолан атын сир хаайыытыгар тутан илдьэ барыахтара эбитэ буолуой?! Бу уһун кэм устата улахан дуоһунаска үлэлээбит киһибитин, биир күн иһинэн аатын-суолун ааһан, бэйэтин киһи быһыытынан илдьи тэпсэн, ойоҕун, оҕолорун, сиэннэрин үнтү куттаан, айбардаан кэбилээбиттэрэ  хайдахтаах ыар охсуу буолбутун сэрэйиэххэ эрэ сөп.  Эһигинньиктэри маннык да тэпсэр көҥүллэнэр диэтилэр дуу?.. Күрүлүүр күнүс, суут-сокуон диэни тоҕо солуур,  талбыттарынан айбардыыр “бырааптара” эчикийэ тоҕо сүрүкэтэй?! Бас-көс дьоммутун итинник тутар-хабар буоллахтарына, кыраны-кыамматы салгыннара да үлтү солууһу…

Бу айдааҥҥа бэйэбит дьоммут сорохторо көмө, былаастаах өттүлэрэ ньимиликээн буолбуттара да кыра омук быһах биитинэн хаамар дьылҕалааҕын ырылхайдык көрдөрдө. Ким көмүскүөй?! Биир итэҕэллээхпит диэхпитин бэйэбит да испитигэр билинэр биир итэҕэлэ даҕаны, илэ даҕаны суохпут, кыахтаах дьоммут быыһыахтара диэхпитин хайабыт да кыаҕа муҥур. Сити курдук салҕанан бардаҕына, силиилээх соҕустарбытын итигэстээн ылыахтара. Били хаҥалас хахайдара Бокуруоп  таҥара  күн кырыктаахтык кыргыллыбыттарын кэннэ, уу-ньамаан, амтана суохтара хаалбыттара дииллэрин курдук, саха инники күөҥҥэ сылдьыбыт дьонун ылҕаатахтарына “ньамааннарбытын” кытары, ээҕи кытары үтүрүллэ сылдьар үүрбэ сүөһүгэ, кэриэһэ суох өтөхтөргө кубулуйуохпут.

Николай Местников пуорду салайыаҕыттан хаһан да сахалыы саҥа сыстыбатах сирэ – Дьокуускай аэропуорда сахалыы тыыннанан испитэ.  Ыраах айантан кэлбит киһиэхэ төрөөбүт тыл сүрэх ортотунан минньийэн иһиллэрин ама ким мэлдьэһиэй. Дьиҥинэн, ол – бу бас-баттах айбардааһыҥҥа туох да сыһыана суох буоллар даҕаны, син биир абалаах.

Местников тутулларыгар саамай сүрүн оруолу ылбыт киһийдэх туһунан урут да араас сурах баара. Тырааныспары бас билэр буолан наркотик таһыытыгар кыттыгастааҕын иһин  үлэтиттэн үүрүллэ сыспыта, онтон “түүлэх баппаҕай” көмөтүнэн дуоһунаһыгар хаалбыта кэпсэнэрэ. Местников пуорт салайааччытынан ананан кэлэн баран итини кытаанахтык бохсубутун, наркотрафик сөмөлүөтүнэн суола кылгаабытын туһунан ээр-сэмээр сэрэнэн хайгыыр этилэрэ. Ол гынан баран, ити иэстэбиллээх буолуохтааҕын ытырыктаталлара ханна барыай. Оннук да буолла.

Биллэн турар, сүлүһүннээх дьаатынан эргинии туох да саха санаабатын курдук үтүмэн харчыны эргитэр. Бу улахан харчы хамсыыра бохсуллубутун кэннэ, Местниковка таала кырыыланааччы элбээбитин сэрэйиэххэ сөп. Бу айдаан иннинэ аҕай кини ол киһилиин охсуспута биллэр. Ол кэнниттэн анарааҥҥыта улаханнык сааммытын, булгуччу ситиһиэм диэн андаҕайбытын кэпсииллэр. Тылын дуораана сүтэ илигинэ итинник таҕыста…

Бу дьыаланы билэр дьон этэллэринэн,  эр дьон охсуһуута дьиҥнээх интэриэстээх дьоҥҥо куомуннаһар төрүөт буолбут.  Холобур, Местниковы “бэрик ылбыта” диэн үҥсүбүт үс урбаанньыт дьахтар бары биир киһини кытары сибээстээхтэр эбит. Ол киһи аата ханна да суруллубат эрээри, бастакы урбаанньыты – кини урукку кэргэнэ эбит, иккис үҥсээччини – билиҥҥи ойоҕо, оттон үһүс үҥсээччи – ойоҕун кыыһа. Бэйэтэ буоллаҕына, криминаллары кытары сибээстээх диэн этэллэр. Өскөтүн “наркотик” диэн этилиннэ да, криминал баара чуолкай.

Местниковы тутуу туох да өлөрүөхсүтү дуу, террориһы дуу тутуу курдук кырыктаахтык ыытыллыбыт. Үлэ чааһын кэнниттэн массыынанан пуорт территориятыттан тахсан истэҕинэ, суолу бүөлүү массыына кэлэн хорос гынаат да, аптамааттаах дьон ыһыллан тоҕу барбыттар. Массыынаҕа олорор дьону барыларын соһон таһаартаан сиргэ илдьи быраҕаттаат дьэҥдьийбиттэр, эбиитин наручник кэтэрдитэлээн баран саалаҕа киллэрэн илиилэриттэн өрө ыйаан турбуттар… Аны пуортан таһааралларыгар,  дьон-сэргэ көрдүн диэн буолуо, саала ортотунан  илиилэрин кэдирги таһааран өрө тутаттаан баран хас да сүүс миэтэрэни хаамтарбыттар… Ама да буолбутун иһин, киһини хайдах итинник сэниэххэ сөбө буолла?! Иэдээн буолбат дуо?!

Уопуттаах юристар бары этэллэр, буруй ханна оҥоһуллубут сиригэр дьүүллэниэхтээх диэн. Суох, тоҕо эрэ Местниковы олох да атын сиргэ – Иркутскайга илдьэ бараллар. Аны ол кэмҥэ дьиэтигэр дьэҥдьиир оҥороллор. Күлүү-элэк, быдьар тыл, түүн 2 чааска диэри кыраны кыра да диэбэккэ, ыалдьа сылдьар быыкаай оҕону дьиэтигэр ыыппакка ытаһыы-соҥоһуу…  Ол тухары тугу булбуттара эмиэ биллибэт, иһиллибэт.

Иркутскай түрмэтэ инньэ ыраахтааҕы саҕаттан саамай ыар усулуобуйалаах хаайыынан биллэр. Манчаары уҥуоҕар диэри быһа киирбит хандалыта, Ойуунускайы икки хараҕын тэһэн кэбилээбит ыар кэмнэрэ саха норуотун историятыгар хаанынан суруллар.

Үс түүн киһи утуйбатаҕына иирэр дииллэр. Утуппакка, олордубакка ыйы быһа мөрөйдөөһүн кэмигэр, 14 уголовник быдьар майгытын, кырыктаах доппуруостар тохтоло суох субулларын быыһыгар биһиги киһибит сордоох туохха-туохха илии баттаабыта биллээхтээбэт…

…Дьиҥнээх төрүөт – аэропорт реконструкциятын кэнниттэн мөлүйүөнүнэн туонналаах  таһаҕас таһыытын былдьаһыы диэн этэллэригэр сөбүлэһиэххэ сөп. Местниковы “бар!” диэбиттэрэ буоллар, ханна барыай, уурайыах этэ. Оччотугар тоҕо итинник сиэрэ суох дьаабыланнылар? Хаһаайын кими баҕарар,  хайдах баҕарар тутуон-хабыан, илдьи тэпсиэн сөп диэн көрүнньүк оҥордулар дуо? Арҕас сууллара, сүр тосторо диэн бэтэрээ буолуо дуо?!

***

Прасковья НИКАНОРОВА,

“Аартыкка” анаан.

Обсуждение • 21

Добавить комментарий
  1. Немец

    Поздравляю Аартык со вступлением в новую оппозицию!!! Жизнь меняется

  2. Тууйа

    Иэдээн…

  3. Марина

    Тоскаа ди((

  4. Марина

    Сиэрэ суох быһыы салҕанара кыһыы. Хаһан суут сокуон КИҺИэхэ эргиллэр?

  5. Мэхээлэ

    Хаарыан уолбутун сиэрэ сох кэбилээтилэр

  6. саха

    Аьара барымац диэн баар, норуоккут умнаьыт буолуор диэри ейдеммеккут! Куммут куерэйдэ диигит дуо, былааска тахсыы тургутуу, онтон айылҕа ыйытар тугу гыммыккытын! Бары ейдеец, уруккулар аныгылар дэспэккэ!

  7. сардаҥар

    Сволочи есть везде

  8. 7376

    Киһини сиэрэ суох сиргэ-буорга тэпсии , турар бэйэтэ чороҥ соҕотох буолбатах, күүстээх санааны, уолбутугар!

  9. Я

    Ол киьи аата кимий?

  10. н

    Поддержите его, как нюрбинцы защищали главу Бориса Попова

  11. 7165

    Сахалар сахалары сонордоһон саһыл саҕаланаары, оҕолоох киһи оҕотугар инник дьылҕаны баҕарыа да, не суди да не судим будешь

  12. Ирина

    Сердце мое плачет

  13. Ферросилицин Б

    “Алроса” Ирелях дражнай полигоннарыгар драгалар сепаратордарыгар ферросилицин туттар. Бу-таас уонна кремний булкааhа. Олус дьааттаах элемент буолан дренажтыы сатыыллар.
    Ферросилицин кыратык да ууга киирэн Бyлyyгэ тyстэ да дьон доруобуйата айгырыыр. 2018 сыл 19 августа дамба алдьаммытыгар бу химия Булуугэ киирбэтэ диэн гарантия суох. Тойотторгутуттан ыйытын, то5о Роспотребнадзор Булуу уутун ыраас диэбитин.

  14. Сонньуйбут

    Местников ханнык тойон сиэмэгин тумугэр “олорорун ” бары биль-билэ билбэтэх курдюк туттуман. Бэгэьээнни физкультура учуутала Саха Сирин сурун аэропордын тойоно того буолбутун эмир бары билэбит. Оттон того Иркутскайга сытара опус борустуой. Аэропорт транспорт тэрилтэтэ!

  15. мин

    уопсайынан барыта беспредел диэбит курдук. ньурба главатын эмиэ итинник кэбилээн илдьэ барбыттара. уопсайынан сахалар бэйэбит молтохпутуттэн барыта тахсар. чечняга итинник хаьан да буолуо суо5а. ити норуоту сэнээьин. онуоха бэйэбит дьоммут федералларбыт дии дии айахтарыттан куугэн тахса тахса хайдах буолуохтарын билбеттэр. булуу алдьархайын коро5ут дии. эмиэ бэйэбит алросаттан куттанан кумуйан олоробут.

    • Yesenia

      Никакого уважения, никакого соблюдения прав человека!
      Эти женщины намеренно очернили доброе имя Местникова. Если бы это имело место, они бы сразу обратились, почему ждали столько времени? Потому что ложь и провокация, уверена, что Местников не виноват. И почему досконально не проверяется инфа?
      Почему при отсутствии доказательств следствие должно верить только одной стороне? Это явный заказ. По поводу заключения под стражу да ещё в Иркутске тоже вопросы: почему не избрали домашний арест, браслет надел и контролируйте.
      Резюмируя, организаторам этого дела вернутся страдания невинных людей, отольются слёзы до девятого поколения. Так что все возвращается

  16. Авиация бэтэрээнэ

    Бу ыстатыйаны олох билбэт киhи суруйбут. Кини кэлиэ5иттэн уонна уопсайынан БЕА олоруо5уттан авиация суолтатын олох “туhэрдилэр”. Бу ыстатыйа5а суруллубут: Николай Местников пуорду салайыаҕыттан хаһан да сахалыы саҥа сыстыбатах сирэ – Дьокуускай аэропуорда сахалыы тыыннанан испитэ. Ыраах айантан кэлбит киһиэхэ төрөөбүт тыл сүрэх ортотунан минньийэн иһиллэрин ама ким мэлдьэһиэй- бу олох сымыйа. 2012 сыллаахха сана терминал аhаллыытыгар оччотоо5у дириэктэр Илларионов А.А. сакааhынан Москва куоракка оноhуллубут 3 тылынан санарар (саха, нуучча, английскай тылынан) программа элбэх сыана5а оноhуллубута. Баара суо5а 5 сыл анараа эттугэр бэлэмнэ кэлэн баран (бэйэтин бэйэтэ ииттинэр тэрилтэни) сиэн-аhаан айбардаан барда. Хата барда диэн уэруэххэ эрэ сэп. Билигин кини кэнниттэн тэрилтэбит элбэ5и сутэрэн, били нууччаллыы этэргэ дылы “пояса поуже затягивает”.

    Источник: Aartyk.ru

  17. Василий

    Онорбутугар эппиэттир буоллага дии. Анал уерэгэ суох, физкультура учуутала, биллэн турар итинник ыарахан, атын сфера улэтин кыайыам диэн, киэн коллективы кыайан салайыам дии санаабыта дуу, или ЕАБ кехсугэр наар сылдьыам диэбитэ дуу? Оттон Иркутскайга ыыппыт теруеттэрэ диэн аэропорт транспорт прокурактуратын, уонна анал транспорт следственнай комитет керуутугэр баар буолуохтаах. Итилэр салалталара Иркутскайга баар. Ааттарыгар да баар дии – Восточно Сибирское диэн. Уонна биир терует эмиэ оттон ЕАБ мэьэйдиэ диэтилэр ини.

  18. правда всегда одна

    Аартык Попову сэтэрээн суруйар этэ. Сэттэ сирэй Аартык диэххэ.

  19. һым-һым

    Ити “киһилии олох бары дьоҥҥо кэлиэн сөп” диэн Евротеррористическай цивилизация сулуннаҕына эрэ кэлиэҕэ. Аан дойдуну барытын халыы-талыы олороллор

Оставить комментарий