Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Кэнчээри ыччаты урбаан эйгэтигэр сыһыаран

19.05.2017 11:19 0
Кэнчээри ыччаты урбаан эйгэтигэр сыһыаран

В. П. Ларионов аатынан Майа орто оскуолата Калужскай уобаласка ыытыллыбыт А.С. Макаренко аатынан норуоттар икки ардыларынааҕы күрэххэ кыайыылаах үрдүк аатын ылла. Киэҥ хабааннаах тэрээһини «Народное образование» бэчээт кыһатын сүрүн редактора, биллиилээх учуонай Алексей Михайлович Кушнир иилээн-саҕалаан, тэрийэн ыытта. Күрэххэ Дойду араас муннугуттан уопсайа 9 оскуола кытынна – Челябинскай уобаластан, Приморскай кыраайтан уонна биэс оскуола – Саха сириттэн. Күрэх сүрүн сыалынан А.С. Макаренко оҕону үлэнэн итии бырагырамматынан үөрэнээччилэр үлэлээн-хамсаан хамнастаныыларын көрүү буолла. Агро уонна политехническэй хайысханан үөрэтэр, бизнес-инкубаторы үлэлэтэр В.П. Ларионов аатынан Майа орто оскуолатыттан дириэктэри научнай-методическай үлэҕэ солбуйааччы Абрамова Варвара Гаврильевна, үөрэх чааһыгар солбуйааччы Тихонова Марианна Петровна кытыннылар. Ол туһунан Варвара Гаврильевна бу курдук кэпсиир:
– Бу күрэххэ биһиги оскуола үс сыллаах үлэбит түмүгүнэн кытынныбыт. Күрэххэ үөрэнээччилэр сайыҥҥы, кыһыҥҥы кэмҥэ производственнай биригээдэлэринэн, биирдиилээн да, араас ньыманан үлэлээн төһө хамнас ылалларын көрүү буолла. Биһиги оскуолабыт бизнес-инкубатор үлэлэтэр буолан, бизнес-бырайыактаах үөрэнээччилэр үгүстэр, тус-урбаанньыт оҕолор да бааллар. Үөрэнээччилэр кылааһынан рассада олордон, эмтээх от хомуйан, ону куурдан-хатаран, оҥорон атыылыыллар. Маны сэргэ агро-хайысхабытынан оҕуруот аһын үүннэрэбит, хортуоппуй олордобут, сибиинньэ уонна тигээйи иитэбит, фитобар үлэлэтэбит. Үгүс сыраны, бэриниилээх, түмсүүлээх буолууну эрэйэр үлэбит түмүгүнэн бу күрэххэ I миэстэни ылбыппытыттан олус үөрдүбүт. Атын уобаластар, дьүүллүүр сүбэ оскуолабыт үлэтин олус сэргээтилэр. Тэрээһин салайааччыта Алексей Кушнир биһиги оскуолабытын кытта инникитин да үлэлэлэһиэх буолла.
​Даҕатан эттэххэ, В.П. Ларионов аатынан Майа орто оскуолатыгар ситиһиилээх личноһы иитэн таһаарыыга республикатааҕы бизнес-оскуоланы, Дьокуускайдааҕы бизнес-инкубаторы, Мэҥэ Хаҥалас улууһун урбаанньыттарын ассоциациятын кытта ыкса үлэлэһэр бизнес-инкубатор тэриллибитэ үс сыл буолла. Ол чэрчитинэн, үөрэнээччилэр 1-10 кыл. сыл устата урбаан оҥкулун үөрэтэр чаастарга дьарыктаналлар. Оскуолаҕа урбаан сатабылын иҥэриигэ үөрэнээччилэргэ улуус, Республика таһымнаах күрэхтэр, олимпиадалар, научнай-практическай ааҕыылар, учууталларга анал семинардар, куурустар ыытыллаллар. Үөрэнээччилэр араас хайысхалаах бизнес-бырайыактары олоххо киллэрэн Республика таһымнаах күрэхтэргэ ситиһиилээхтик кытталлар. Билигин уопсайа 21 үөрэнээччи бизнес-бырайыактаах, онтон 3 үөрэнээччи тус урбаанньыт быһыытынан регистрацияланан күн бүгүнүгэр диэри таһаарыылаахтык үлэлииллэр. Ол курдук, Даяна Сыроватская сүбэниирдэри оҥоруунан, Варя Захарова типографиянан, Айсена Федорова бурдук аһын оҥорон атыылыыр өҥөнөн дьарыктаналлар.
Бу курдук, айымньылаахтык үлэлиир оскуола аныгы тэтимнээх олох ирдэбилинэн, кэнчээри ыччаты урбаан эйгэтигэр итиигэ ситимнээх үлэни күүскэ ыытар.


****
Изабелла Романова,
В.П.Ларионов аатынан Майа орто оскуолатын эбии үөрэхтээһиҥҥэ педагога.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»