Генпрокуратура бэрэбиэркэтэ: Дальнай Востокка нацпроегынан кэлбит федеральнай харчыны кыайан туттубат саамай мөлтөх регион – Саха Республиката
Саха сиригэр РФ Генеральнай прокурорун солбуйааччыта Дмитрий ДЕМЕШИН кэлэн үлэлии сылдьар. Прокурор бюджет харчытын ханна, хайдах тутталларын бэрэбиэркэлээтэ.
Прокурор үлэтин бастакы түмүгүн номнуо биллэрдилэр. 12 сылы быһа быһаарыллыбытах боппуруос – Дьокуускай 1-кы №-дээх оскуолатын тутуута син түгэҕин көрдө. Төрөппүттэрэ сууллар туруктаах дьиэҕэ оҕолоро үөрэнэ сылдьалларын Генпрокуратураҕа үҥсүбүттэрэ. ДЕМЕШИН республика прокурорун э.т. Айдар Ивановка балаһыанньаны күүстээхтик хонтуруоллууругар сорудахтаата. Ол кэннэ куорат баһылыгын э.т. Евгений Григорьев “үөрэнээччилэри икки сиринэн үөрэтэр буоллубут, сотору “Метелица” клиника дьиэтин оскуолаҕа анаан атыылаһыахпыт” диэн эрэннэрбитэ.
Эрдэ “Аартыкка” үөрэх национальнай проекка 6,5 млрд солкуобай көрүллэр диэн суруйбуппут. Ол харчыны хайдах тыырары правительство быһаарар. Биллэн турар, харчыны ханна барыырга мөккүөр үгүс. Сорохтор “Метелица” дьиэтэ быычыкаай, оскуолаҕа анамматах дьиэ диэн утараллар, ол кэриэтин саҥа оскуола туттарыахха баара диэн туруорсаллар. Оттон атыттар кыһалҕаны түргэнник быһаарыахха наада, саатар онно көстүннэр диэн этэллэр, ити атыыттан-тутууттан “Метелица” хаһаайыттара эрэ барыһыраллар дииллэр.
Иккис улахан сонуну – Генпрокуратура үс миниистири сирэй-харах анньыбыта таһаарда. ДЕМЕШИН тутуу миниистирин Павел КЫЛАТЧАНОВЫ, үөрэх уонна наука миниистирин Михаил СИВЦЕВЫ уонна экология, ойуур хаһаайыстыбатын миниистирин Сахамин АФАНАСЬЕВЫ ибили мөҕөттөөтө, сэрэтии биэрдэ: “Өссө биирдэ бэлэм көрүллүбүт харчыны көдьүүстээхтик туһаныа суоххут да, сокуон иннигэр эппиэттиэххит”, – диэн буолла.
Федеральнай хааһынаттан дьон олоҕун тупсарарга харчы бөҕө көрүллэр, ону биһиги сыылба тойотторбут 65%-нын эрэ туһаналлар эбит. 35%-на таах хаалар. Холобур, тутуу министиэристибэтигэр “Жилье и городская среда” программанан хаарбах дьиэттэн дьону көһөрүү олус бытаан, ситэтэ суох диэн прокурор бэлиэтээбит. Дьиктитэ диэн, былаас “республика хаарбах дьиэттэн дьону көһөрөргө бастаан иһэбит” диэн ураа хаһыы бөҕө түһэрэр. Онтубут сымыйа буолан тахсыбыт.
Биир оннук хартыына үөрэх уонна наука министиэристибэтигэр көстүбүт. “Образование” национальнай проекка үлэлииргэ докумуон, дьаһал нуормата оҥоһуллубутах, инньэ гынан тыа оскуолаларыгар спортивнай саала өрөмүөннэммэтэх, спортивнай тэрил атыылаһыллыбытах. Бэлэм харчыны кыайан туһаммат диэн хайдаҕа буолла?
Экология уонна ойуур хаһаайыстыбатын миниистирэ Сахамин АФАНАСЬЕВ “Единэй Арассыыйа” аатыттан Госдума депутатыгар биир мандаттаах уокурукка кандидатынан турар диэн сурах-садьык толору. Прокурор миниистири: “Экология” нацпроекка харчы көрүллүбүтүн үрдүнэн, того Кулаардааҕы көмүс хостуур фабрика муспут дьааттаах уутун-хаарын суох оҥорорго бэлэмнэнии үлэтин ыыппатыҥ?!” – диэн ыйыппытыгар киһитэ эппиэтэ ньоол.
Тиһэх уһугар Генпрокуратура: “Саха сирэ Дальнай Востокка национальнай проекка көрүллүбүт харчыны саамай куһаҕаннык туттар – 65%-нын эрэ анал сыалыгар туттар регион”,- диэн сыана быста. Былырыын Саха республикатыгар нацпроектрага барыта 39 млрд көрүллүбүт, онтон үс гыммыт биирэ таах туһаҕа тахсыбакка хаалан хаалбыт.
***
Aartyk.Ru
Обсуждение • 7
Добавить комментарийОставить комментарий
Шиномонтаж Левша
Cтоматология 32
Киэбирии бе5е ди. Олус да инник буолбатар
Вот и вскрылась вся картинка доблести наших властей. Сколько было стенаний что это федеральная власть недостаточно внимательно к нашим проблемам, денег не даёт достаточно, что зажимают, вертикаль, свободу не дают.. А Москва тоже хороши, только сейчас опомнились, что раньше не знали? Знали конечно, и эти наши тоже знали, что они знают.. Значит все было согласовано, чтоб деньги возвращались обратно и куда то в другое шли, уже под оперативное распоряжение конкретных людей на конкретные дела с конкретным наваром.. Простые дела. Дешёвый спектакль.
Ууратын ити дьону. Сеп буолуо. Улэлэрин кыайбаттара ете кесте свлдьар.
Эмээнэ суох дьон ити ус. Сепке туурэйдээбит прокурор
Туохха уорэгит? Правительствога чистка ыытарга спецоперация дии. Тарасенко бэйэтин дьонун агаларыгар бэлэмнэнии.
Кылатчаанаптаах сивцев дьэ кырдьык аьара мелтех салайааччылар, биирдэрэ тутууну ыста, биирдэрэ уерэги сиргэ буорга тэбистэ
Сахалартан үс тахсыылаах министрдэрбитин кэнэйдээн барда ити ыраахтааҕы сууһарар илиитэ. Арыгы мафиятын пропагандиһа Эмис Эмиий Высокиҕы тоҕо эрэ тыыппата ээ ити прокурор. Тоҕо тыытыай, арыгы национальнай үөрэхтээһин буолбатах – саха тылын харыстааһын сахалар охсуһар охсуһуулара, арыгы айылҕабыт харыстабыла буолбатах – сахалар мөккүһэр мөккүөрдэрэ, арыгы саха дьоно салайар тутуу тэрилтэлэрэ буолбатах – Маскыба аарыма тутуу хампаанньалара баһылыахтарын манна наада, олохтоохтору үтүрүйэн. Итиниэхэ барытыгар үөрэн аппаһааччылар бааллара сөхтөрөр. Эһиги сиргит баайа диэхтээн, бэлэмҥэ олороҕут, сахалар, диэн түүрэйдэтэлээтэ барыбытын ити Маскыба тойоно.