Тыаҕа биэс күнү быһа муна сылдьыбыт 70 саастаах дьахтар: Тоҕо эрэ куттаммат этим…

Хаҥалас улууһугар сугуннуу тыаҕа тахсан баран мунан хаалбыт 70 саастаах Покровскай олохтооҕо кэпсиир:

-Үтүө сарсыарданан, үтүө дьон! ☀️😘 Дьэ бээһээ мүччүргэннээх сырыым түмүктэннэ. Атын сиргэ көһөбүт диэн Алёша эппитэ уонна илиитинэн ыйбыта. Мин турдум да хаама турдум. Сотору буолаат хаһыытыыбын, арай ким да эппиэттээбэт.

Мин төттөрү кэлэр курдук санаатым да, атын сир диэки барбыппын быһыылаах. Онтон биир сиргэ олорон хаһыытыы сатаатым, уу-чуумпу. Оччоҕо суолга тахсыам уонна дьоммун көрсүөм диэн хаамтым уонна эмиэ мэлигир. Дьэ уонна хаамтым, 5 күн.

Торуоска оҥоһуннум, иначе нельзонто суох сатаммат, барыта лааҥкы, барыта куруҥ. Тоҕо эрэ куттаммат этим. Олорорбор түүн кураанах от, сэбирдэх хомуйан бэйэбин саптабын, онон түүн тымныы баҕайы, утуйбаппын, ол оннугар күнүс кылгастык утуйа түһэбин. Уум суох этэ, эрэй. Ити кыра солуурга сугуннаах этим, кыралаан атын отоннору, силис булан сиир этим.

Хата Ылдьыын ардаҕа түһэн абыраата, онтум ибиирэр эрэ. Сарсыарда кэрийэ сылдьан талахтартан, лабаалартан ону хомуйдум, син мээнэ буолла. Живительная влага, үүнээйи амтаннаах. Санаабар бөртөлүөт кэтэһэбин, ону 43 ддокумуону хомуйдахха көҥүллүүллэр үһү. Боростой дьон буоллахпын, тойон-хотун буолбатах. Оҕом үлэтиттэн служба спасения МЧС кэлбиттэр да, биир ыттаахтара сатаан булбатах.

Онтон бэҕэһээ куолубунан от хомуйа сырыттахпына, арай киһи хаһыытыыр, ону мин утары хаһыытаатым, онно Тимофеев Андрей диэн Хачыкаакка олорор быраатым тахсан кэллэ, ол кэнниттэн бырааппыт Павлик уонна эмиэ Хачыкаат оҕото Олесов диэн. Оҕолорум уу аҕалбыттар, бичиэнньэ. Олох кыраны ис, элбэҕи иһимэ дииллэр. Бэйэҥ барар кыахтааххын дуо дииллэр, барабын диэтим уонна Павлигы хонноҕун анныттан ылан баран хаама турдум. Тэйиччи соҕус Андрей квадроцикла турар эбит, онон дьоммутугар кэллибит. Бары үөрүү, ытыс таһыныы бөҕөтө! Балтыларбыт ытаһаахтыыллар. Барахсаттар итиччэ элбэх дьону аһатан олорбуттар. Дьэ олус сөхтүм, долгуйдум, дьон үтүө санаалаах, аһыныгас сүрэхтээх буолаллар эбит! 🥰❤️ Быраас наада дуо дииллэр, ону мин үҥкүүлээн көрдөрдүм, итэҕэтээри. Хата юарыта этэҥҥэ түмүктэннэ. Улуус үрдүнэн саат-суут, Саха сирин үрдүнэн! 🤦🏻‍♀️

Доҕотторбор үтүө сүрэххитигэр дириҥ махтал, доруобай буолуҥ!

***

Aartyk.Ru