Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Төрөөбүт дойдутун көрбөтөх киһи туһунан баллада

08.04.2022 08:38 0
Төрөөбүт дойдутун көрбөтөх киһи туһунан баллада

Түүн аайы түүлүгэр киирэн эрэйдиирэ… Оҕо сааһын алааһа, туһахтаабыт ойуурдара, тиргэлээбит күөх оттоох күөллэрэ, төрөөбүт балаҕанын иннигэр үүммүт аарыма хатыҥнар ыҥырар, күүтэр, “хайа, нохоо, ахтыбатыҥ дуо, хаһан кэлэҕин?” диир курдуктара…

Түүн ортото уһуктан кэлэн ойон туран кумааҕы хачыгыратан ылара уонна хара чэрэниилэнэн суруйан киирэн барара: ” Мин таҥнарыахсыт буолбатахпын…Мин Ийэ дойдубар көмөлөһүөхпүн баҕарбытым… Ырааспын таһаарыҥ…”
Ити “таҥнарыахсыт” диэн хара мэҥнээх төрөөбүт дойдутугар төннүөн баҕарбатах, ыраах дойдуга уҥуоҕа хаалбыт разведчик Андросов туһунан баллада.

Разведчик Андросов туһунан учууталым курдук саныыр киһим Амматтан кыраайы үөрэтээччи Дмитрий Гаврильев киэһэни быһа кэпсиирэ. Фроҥҥа сылдьан хайдах билиэҥҥэ түбэспитин. Сэбиэскэй Армияҕа көмөлөһүөм этэ диэн ниэмэстэргэ сулууспаҕа киирбитин. Сибээскэ тахсан иһиттэн куорҕаллыыр үлэни ыыппытын.
Кыайыы кэнниттэн ” таҥнарыахсыт” диэн сэбиэскэй түрмэҕэ быраҕыллыбытын.

Онтон ыла бу киһи олоҕо бүтүннүүтэ балыыры утары охсуһууга, кырдьыгын таһаарыныыга кубулуйбута. Кырдьыкпын була иликпинэ төрөөбүт дойдубар төннүөм суоҕа диэн кытаанах санааны ылынар.

Разведчик Андросов дьылҕата трагедия. Достоевскай, Ремарк курдук улахан суруйааччылар бөрүөлэригэр тэҥнээх быһылаан. Киһи туһунан, кини дууһатын туһунан ейдөбүл биир көстүүтэ. Төрөөбүт төрүт дойдуга таптал туһугар хайдахтаах улахан сиэртибэҕэ барыахха сөбүн туһунан.

Разведчик Андросов туһунан мин “САХАЛАР. ДЬЫЛҔА-ХААН ЫЙААҔЫНАН” диэн кинигэбэр суруйбутум. Булан ааҕыаххытын сөп. Онтон төрөөбүт дойдуга таптал, алаас ахтылҕана, өбүгэ, өтөх өйдөбүлэ хас биирдии саха киһитигэр аһара күүстээх. Ити биһиги биир уратыбыт уонна олохпутугар күүс биэрэр тирэхпит буолар.

***
Борис ПАВЛОВ,

“Аартыкка” анаан.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»