Курс валют
$
57.41
1.04
55.41
0.32
Курс валют
Курс валют
$
57.41
1.04
55.41
0.32
Меню
Поиск по сайту

Ньурбаҕа 1 тыһыынча курдук сибиинньэ оҕотун буор-босхо түҥэтиэхтэрэ

11.04.2022 11:07 2
Ньурбаҕа  1 тыһыынча курдук сибиинньэ оҕотун буор-босхо түҥэтиэхтэрэ

Ньурбаттан Геннадий АНТОНОВ суруйарынан,  Дьокуускай аттынааҕы Улахан Мархаттан “Сибиир” ХЭТтэн икки  массыынанан 187 боросуонак аҕалбыттар. Ол иннинэ 600-тэн тахса сибиинньэ оҕото аҕалбыттара. Бу барыта улуус бюджетын суотугар барар үлэ.

Ньурба куоракка уонна нэһилиэктэргэ сайаапкалаах дьоҥҥо сибиинньэ босхо түҥэтилиннэ, – диэн АНТОНОВ суруйар.

Ол иһигэр Сүлэҕэ – 48, Ньурбачааҥҥа – 42, Ньурба куоракка – 23, Малдьаҕарга – 48 уонна Чуукаарга 26 сибиинньэ оҕото түҥэтилиннэ. Боросуонактар 1 ыйдаахтар. Дьон барыта хотонноох буолбатах, онон хотоно суох дьон сайыҥҥа диэри хотонноох ыалларын кытта кэпсэтэн кинилэргэ туруорар буоллулар, онтон сайын тиэргэннэригэр сибиинньэ уйатын туттуохтара.

Билиҥҥи уустук кэмҥэ дьон дохуоттаах буоларын инниттэн, итиэннэ улууска Норуот көҕүлээһинин сылын чэрчитинэн түргэнник ситэр салаанан дьарыктаналларыгар көмөлөһөр сыаллаах, улууспут салалтата дьоҥҥо буор-босхо улахан көмөнү оҥорор.

Эрдэ аҕалыллыбыт боросуонактары холбуу аахтахха, күн бүгүн барыта 795 боросуонак аҕалыллан сайаапкалаах дьоҥҥо түҥэтилиннэ. Хаалбыт күннэргэ эбии 205 сибиинньэ оҕотун аҕалыахтара, диэн Геннадий АНТОНОВ суруйар.

Дьыл-күн уустук, онон дьон бэйэтин күүһүгэр эрэ эрэнэр кэмэ кэллэ. Ньурба улууһун дьаһалтатын холобурун атын улуустар эмиэ  батыһыахтарын сөбө.
***
Aartyk.Ru

Обсуждение • 2

Добавить комментарий
  1. Хаххан

    Сыл аайы атывласпат курдук улаатыннаран иитэн торуох ылыц.Элбэтиц.Онтон дьэ атыылаац атастаьыц. Оччо5о дохуот киириэ.

  2. virb

    Дай человеку рыбу, и ты накормишь его на один день, научи его рыбачить, и он будет сыт всю жизнь.
    А тут это бесполезный жест

Оставить комментарий