Кикбоксиҥҥа күрэхтэһии саҕаланна

Сэбиэскэй Сойуус бүтэһик сылларыгар дойду үрдүнэн кикбоксинг диэн спорт саҥа көрүҥэ сайдан барбыта. Сонун көрүҥ ол кэмнэргэ Сахабыт сиригэр балысханнык өрө күөрэйэн тахсыбыта. Саха уолаттара Европанан, Азиянан дохсуннук хардыылааннар, омуктарын аатын киэҥ түһүлгэлэргэ дорҕоонноохтук ааттаппыттара. Онуоха бастакы хараҥаччынан Ньурба улууһун Антоновкатыттан төрүттээх Александр Иванов буолбута. Кини 1991 с. Лондоҥҥа ССРС спортсменнарыттан бастакынан кикбоксиҥҥа аан дойду чемпионун үрдүк аатын сүкпүтэ.

Билигин уһулуччулаах спортсмен кэриэһигэр сыллата Уһук Илин күөн күрэһэ ыытыллар. Бүгүн Дьокуускайга “Кыайыы 50 сыла” Спорт уораҕайыгар уочараттаах күрэхтэһии саҕаланна. Манна Уһук Илиҥҥи федеральнай уокурук 9 регионуттан “фулл-контакт” көрүҥҥэ кыттаары 129 кикбоксер кэлбит. Күрэхтэһии оҕолорго, юниордарга уонна улахан дьоҥҥо ыытыллар. Фулл-контакт бастыҥнара өйүүн биллиэхтэрэ. Сол күн аны “лоу-кик” көрүҥ саҕаланыаҕа. Күрэхтэһии олунньу 26 күнүгэр түмүктэниэҕэ.

***

Гаврил СТРУЧКОВ 
Ааптар түһэриитэ