Курс валют
$
75.59
0.99
84.95
1.27
Курс валют
Курс валют
$
75.59
0.99
84.95
1.27
Меню
Поиск по сайту

Интернет сүттэҕинэ…

05.08.2021 10:54 3
Интернет сүттэҕинэ…

Сырдык 22 күнүгэр интернет суох буолар, хаһааныҥ диэн көрүүлэммитин ырытан биир видео таҕыста. Ааптара Уус Бырдыка (Таатта улууһа).

-Интернет сүттэҕинэ хайдах буолуой? Хайдах буолабыт?

-Оҕо, ыччат, улахан дьон интернеккэ, гаджетка наһаа убанныбыт. Саҥа хаама, тылланы сылдьар оҕоҕо ньаах диэтэ да гаджет биэрэбит. Тугу көрөрүй? Кынньары-ханньары сирэйдээх, туга-ханныга биллибэт үөннэри. Оҕолорбутун акаары оҥордубут.

-Баһаар Хаҥалас, Горнай, Мирнэй, Алдан сиригэр турда. Санаан көрдөххө, ити сирдэргэ сүөһү-сылгы иитиитэ аҕыйах. Уруккуттан. Саха сүөһүтэ суох буоллаҕына айылҕаттэн тэйэр: от оттообот, сөтүөлээбэт, сир астаабат, күрүөнү-хаһааны туттубат, дьонун мунньан от кэбиспэт — сахалыы олорор тутулун умнубут эбит.

Томпо хайаларыгар баһаар буолла. Айдаана-куйдаана суох бэйэтэ уостан хаалла. Дэриэбинэҕэ киирэн иһэр уот ким эрэ тарыйбытын курдук тохтоон хаалла уонна тыал төттөрү үрбүтүгэр төннөн сүтэн хаалла. Айылҕага чугас дьон буоллахтара, Айыылара көрө-истэ сылдьаллар. Атын лаҥхатыйан турар сирдэри Айыылар ыраастаан биэрдилэр — дьон сугуннуохтаах, отоннуохтаах, бултуохтаах-алтыахтаах, тыаҕа сылдьыахтаах, айылҕаҕа чугаһыахтаах.

Интернет барда да хаос буолар. Куһаҕана элбэх — сыана ыарыыр, таһаҕас кэлиитэ-барыыта бытаарар. Бааҥҥа ууруулаах, картатыгар харчылаах  дьон харчылара сүтэн хаалар. Страховкатын баҕар хаһан эмэ биэриэхтэрэ, онтулара  түөрт төгүл кыра буолар.

Үчүгэйэ эмиэ баар — Айыылар сөп буолуо диэн интренети, сибээһи тохтоллоругар сөпсөһөбүн. Киһи киһитигэр төннүөхтээх. Тугу да толкуйдаабат, хамсаммат, сүрэҕэ суох үөн буолан эрэбит.

Балтараа ый барар эрэ, балтараа сыл эрэ… ким да билбэт. Итэҕэйэр дьон итэҕэйэр, итэҕэйбэт дьон итэҕэйбэт. Ол хас биирдии киһи бэйэтин дьыалата. Ким да кими бас билбэт. Бас билэриҥ бэйэҥ баһыҥ эрэ.

Дьэ, тургутуу буолар. Сахалар хайдах буолабыт инникитин диэн. Айыыларга наар махтана, көрдөһө сылдьыахха наада. Сахалар тылбытынан баайбыт. Ньиэбинэн, алмааһынан, көмүһүнэн буолбакка. Тылбытынан.

***

Aartyk.Ru

 

Обсуждение • 3

Добавить комментарий
  1. Охоноос

    Кырдьык аныгыы дьон далай акаары сурэгэ суох уен буолбуттарын эмэьэлэрэ да билбэккэ сылдьар.

  2. Сахаларга69

    Сахалар бэйэ бэйэбитин уохсэн, сиилэьэн айыыларбытын, айылгабытын киэр хайыьыннарабыт диэн ойдонорбут дуу суога дуу.

  3. Кугдаров

    Бу Сырдык диэн долбоев, сыбыс сымыйаннан ону-маны керуулэммитэ буолара, Африка5а, Америка5а ардах бе5е туьэрэрэ отой лапса буолара арылхайдык дакаастанна дии. Бу уот куйаас сайын биир хааппыла арда5ы Сахатын сиртигэр туьэрбэтэ, уонна дьэ ойуунната оонньооц. Улуу кырдьа5астар Ньыыкан, Чирков наада буолла5ына арда5ы ыцыран ылан таптаабыт сирдэригэр туьэрэллэрэ. Оннук дьон билигин суох. Ити Сырдык курдук профаннар ол-бу буолан уруьуйданаллар.

Оставить комментарий