Курс валют
$
72.5
0.47
86.7
Курс валют
Курс валют
$
72.5
0.47
86.7
Меню
Поиск по сайту

ХАТА…

01.05.2021 18:57 10
ХАТА…

“Пугало” киинэбитин аан дойдуга таһааран “Ника” бириэмийэҕэ дураһыйбыттара хата табыллыбата.


Өрдөөҕүтэ “Сахаада” хаһыакка Оһуохай Уйбаан “Ааһар былыт албына” диэн көрүдьүөс соҕус ис хоһоонноох ыстатыйата тахсыбыта.

Уйбааҥҥа сорох билэр дьоно: “Былааһы кытта охсуһаҕын, аны ойууттары кытта киирсэҥҥин өлөр суолгун буллуҥ”, — диэбиттэр. Уйбаан билигин 90-чалаах олорор. Ити Бурятияттан ойуун дьахтар кэлэн “эмтэтэлээн” барбытын кытта сибээстээх. Биһиги сонумсах муҥнаахтар сырсыакалаһыы бөҕөтө буоллаҕа: дьахтар биир улахан саалаҕа дьону мунньа охсон “эмтэтэлээн” барбыт. Улахан холуочук дьахтар,Уйбаан суруйарынан, мустубут дьону водканы омурдан ыла-ыла ибиирбит, түҥ-таҥ тылласпыт. Уйбаан ону барытын камераҕа устан ылбыт, ол архивыгар ууруллан сыттаҕа.

“Пугало” киинэни көрдүбүт, сиргэннибит. Ол иһин ити Оһуохай Уйбаан суруйуутун санаан кэллим.

Биһиги эмчиттэрбит Ньыыкан, Чирков, Чааскын, Бадыл, Эдьиий Биэрэ, Кондаков, Турантаев үөһээттэн айыллан дьону быыһыы түһэриллибитттэрэ дииллэрин итэҕэйэбин. Сорохторун муҥнаан-сордоон, хаайан хайаан бохсо сатаабыттарын үрдүнэн дьон кинилэргэ итэҕэлин уураппатах, кинилэртэн аккаастамматах. Туһаммыта элбэҕэ бэрт буоллаҕа. Ханнык да хомуйуус идеологийата самнарар кыаҕа суох эбит. Эм-том суох кэмигэр дьону кинилэртэн ордук ким быыһыа эбитэй. Сөҕөҕүн эрэ. Истэрим былаһын тухары ити ахтыбыт дьонум киһи киэнэ килбиэннээхтэрэ, сиэрдээхтэрэ, ис-иһиттэр култууралаахтара эбит.

Ньыыкан Мииринэйгэ кэлэ сылдьыбытыгар сахалыын-нууччалыын эмтэнэ, диагноһы туруортара сатаабыттара. Бу медицина үгэннээн сайда, авторитета үрдүү турбут кэмигэр. Ньыыкан үп-үрүҥ ыраас халааттаах, илиитин сотору-сотору суунар эбит. Оннуктар этэ норуот дьиҥнээх эмчиттэрэ.

“Пугало” киинэҕэ ол суох. Уйбаан Оһуохай хаһан эрэ бурят дьахтарын устубут сюжета сылдьар курдук. Арай Аммаҕа оннук “эмчит” ордо сылдьара дуу.

Ксения Собчак наһаа сөҕөн-махтайан кэлэ сырытта, республика аҕа баһылыга истиҥ мичээринэн көрүстэ. Хотун тугу туойуо биллибэт. Аҕата А.Собчак Читаҕа төрөөн улааппыт киһи, Ксения онно да төрөөбүт буолуон сөп. Сибиир дойдута буоллаҕа, онон билэрэ, интэриэһэ да үгүс буолуо. Аны аныаха диэри сахаларга маннык хаалыы, ньүдьү – балай быһыы ааһа илик эбит диэн түмүк оҥорор дуу. Биллибэт.

Оттон “Пугало” медиктэрбитин (официальнай медицина) уонна норуот эмчиттэрин аан дойду үрдүнэн түһэн биэрдэ, баһааҕырта. Саамай дьиктитэ, киинэни айбыт Д.Давыдов омук массыынатынан манньаламмыта буолар.

***

Иван БУРЦЕВ                     

30.04.2021 с.

Обсуждение • 10

Добавить комментарий
  1. Коннору

    Дьэ бу суруйууга, И. Бурцевтыын собулэсэбин. «Аасар былыт албына» диэн былыр обугэлэрбит, ардагы-быйаны куутэн, кэтэсэн олордохторуна ардаабакка аасан хаалар былыт хомолтотун эттэхтэрэ. Ити «Пугало» курдук киинэлэр, араас «улэлэр», оннук, туох да быйаны, куогу ууннэрбэт, ардаабакка аасан хаалар хара былыт албына буоллахтара!

  2. Гаврил

    Соҕуруу дойду гламурнай дьонугар,анаан уһуллубут киинэ,харчы оҥосторго эрэ курдук.ол соҕурууларбыт да суруйбут сценарийдарынан по заказу уһуллубут буоуон сөп.кыра омугу баһааҕырдар ,саха
    лары сэнээн, күлүү гынан.Мегаполис көрөөччүлэрин биһирэбиллэрин ылаары оҥоһуллубут диэххэ сөп.дьэ ол Собчак курдук баайга харчыга,кыһалҕаны билбэккэ улааппыт, күн кыһалҕата суох москва көрөөччүтэ,кыра омугу күлүү гынан хайгаабыттарын аайы биһиги дьоммут ону үтүктүү бөҕө.Ат сүүрдэҕинэ ыт сырсар диэбит курдук.бэйэ бэйэлэрин куотуһа куотуһа хайгааһын.ордук аммаларбыт аатырдылар.Нууччалар эрэ хайгаатылар диэн ону үтүктэр сыыһа ини.
    Бэйэлэрэ толкуйдуур ырыҥалатар өй суох баҕыйыта дуу…Москва кинокритиктара хайгаатылар, оччоҕо биһиги да хаалсыбаппыт дииллэрэ дуу,нууччаны кытары биир өйдөөх санаалаах аатыраары.
    Дьэ ити биир киинэ саха туһунан, татым өйдөөх-санаалаах нуучча көрөөччүтүгэр хайдах өйдөбүлү тиэрдэр..?
    Эмэ соппойо соппойо арыгы иһэр дьоннор саха сиригэр олороллор диэн дуо?
    Авторы кытары сөбүлэһэбин.Чыскыырай актёр быһыытынан үлэтин туох да диэн баһааҕырдыбаппын.

  3. 4578

    Оннук, септеех суруйуу! Билинни Саха саханы унсуьэр, тэпсэр, сымыйанан баьаагырдар, талбытынан уегэр туьэрэр уйэтигэр, эбии киинэбит эбилик буолан, киэн арассыыйага саха ологун атыннык кердердулэр!

  4. Саха боростуой киьитэ

    Давыдов, боростуой тыа сирин учуутала, бэйэтин тус убунэн, улахан сэнээриини ылбыт, тыа ологун биир уустук кыьалгатын кердербут сэмэй улэтин итинник сиэрэ суох хобулуур улахан сыыьа. Ессе саха дьонугар убаастанар былыргы норуот эмчиттэрин, тастан убулээьиннэ тиийэ буруйдааьын диэн. Барытын булкуйан тугу эрэ суруйдар эрэ диэн хоп-сип ыытар сыыьа. Талааннаах, сана тахсан эрэр режиссер ессе да элбэх араас улэтин таьааран иьиэ диэн эрэниллэр эрэ.

    • Көрөөччү

      Саханы өрө тута сатаабыта буоллар эмчитэ алҕаан дуу,илбийэн дуу,түөннээн-хааннаан ,отоһуттаан эмтиир абырыыр гына устуо этилэр….дьаабы Давыдов эбит.

  5. Петя

    Сахалары түһэрэр киинэ.

  6. Петя

    Давыдовка массыына биэрэр сыыһа этэ.

  7. Кугдаров

    Искусство диэн маннык буолуохтаах, улахан меккуердээх, оччо5о эрэ туох эмит улахан айымньы айыллан тахсыа. Норуоту туьэрэр дии дии барыны бары саба тута сатаатахпытына ханна тиийэбит? Уйбаан Буурсап кырдьа5ас аьа5ас кириитикэтин ылынан, инники еттугэр учугэй улэлэр тахсалларыгар ба5арыа5ыц.

  8. Минсаха

    бурцев кими да, тугуда5аны да5аны утуе диэбэт. Бэйэн мнения5ынн кимиэхэ да сонноомо. Эмчиттэр, кербуеччулэр бары сымыйалар: тугу да5аны, кими да5аны таайбаттар ууга барыыны, ковиды таайбаттар, эмтээбэттэр, харчыны эрэ норуоттан суймуурдууллар

  9. Татыйык

    Сахалары куһаҕаннык көрдөрбүт.

Оставить комментарий