Билиэт сыаната тоҕо маннык араастаһарый?
Сөмөлүөт сыаната Саха сиригэр ханнык да регионнардааҕар оһуобай ыарахан. Холобур, “Якутия” авиакомпания бу ахсынньыттан Кавказ куораттарыгар Санкт-Петербургтан, Москваттан быһа рейстэри аста диэн компания пресс-сулууспата “Дьол-2020” былааҕы тэлимнэттэ.
Сыаната, этэргэ дылы, босхону үрдүнэн. Холобур, Санкт-Петербургтан Махачкалаҕа диэри рейс 3,5 чаас көтөр. Сыаната баара-суоҕа 4 235 солкуобай.
Онтон Саха сирин көрөбүт. Өлүөхүмэҕэ диэри Дьокуускайтан көтүү сыаната – 21 098 солкуобай! Бу балтараа чаас көтүү сыаната 20-ттэн тахса тыһыынча!
Аһара баран «Якутия» авиакомпания өссө киин куораттарга көтөр рейстэргэ босхо таһаҕас киилэтин илдьэри 30 кг диэри улаатыннарбыт.
• Москва – Сочи.
• Москва – Минеральные Воды.
• Москва – Симферополь
• Москва – Калининград
• Москва – Ростов-на-Дону
• Москва – Махачкала
• Москва – Нальчик
• Санкт-Петербург – Махачкала
• Нерюнгри – Новосибирск
• Якутск – Новосибирск
📌 По новым правилам пассажир сможет бесплатно провезти багаж до 30 кг.
Билиэт сыаната ити куораттарга эмиэ киһи сөҕөр чэпчэки: Москва – Сочи 3 150 солк., Москва – МинВоды 2 150 солк., Москва – Симферополь 1 650 солк. Боинг бу куораттарга иккилии чаас көтөр. Биһиэхэ буоллаҕына, балтараа чаас көтөөрү кэлэ-бара 40 тыһыынча…
Истэр былаһын тухары, республика бюджета олохтоох авиакомпаниялары сыллата миллиардынан субсидиялыыр, бюджет үбүн мэктиэлээн туран улахан сөмөлүөттэри атыылаһар. Оттон бу субсидиябыт тоҕо Саха сирин олохтоохторун айаннарын чэпчэппэккэ, атын баай-тот регионнар дьоннорун босхону үрдүнэн таһарга бараныахтааҕый?
Аны Дьокуускай аэропордун реконструкцията баччааҥҥа диэри бүтэр уһуга көстүбэт. Онон атын авиакомпаниялар пилоттара биһиги пуорпутугар кыайан түспэккэ Нерюнгринан, онон-манан баран түһэллэр. Ол аайы “биһиги пилоттарбытыгар тиийбэттэр” диэн үөр-көт көлөһүн аллыы. Дьиҥинэн, полоса кылгаһыгар дьыала сытар буоллаҕа. Конкуренция суох буоллаҕына сыана хантан түһүөҕэй?
Сөмөлүөттэр Дьокуускайга түһэн баран инники сидиэнньэҕэ кэлэн сааллыаххар диэри туормастыыллар – полоса бүтэ илигинэ тохтуу охсоору. Иэдээн буолуор диэри аэропорт салайааччыта Игнатенко даҕаны, республика салалтата даҕаны реконструкция үлэтин түргэтитэргэ көдьүүстээҕи оҥороллоро саарбах. Дьэ, каадырдар диэтэҕиҥ.
***
Aartyk.Ru
P.S.: “Якутия” АК сыллата 1,5-2 миллиард иэскэ киирэ турар, ити босхону үрдүнэн атын регион дьонун таһар рейстэрэ – барыта барыһа суох. Ол ороскуотун барытын Саха сирин бюджетэ уйунар буоллаҕа. Ол туһунан ыстатыйа тахсан турар.
Обсуждение • 9
Добавить комментарийОставить комментарий
Шиномонтаж Левша
Cтоматология 32
акаарыгын көрдөрө олорума пахай даҕаны. Промолчала бы, за умного человека сошла бы.
Как можно сравнить якутские реалии с другими регионами центральной России? У нас аэропортовские сборы, цена ГСМ чего стоит, а также трафик пассажиров несравнимы с городами миллионниками.
оччо өйдөөх киһи онтон быһаар ээ, манна өйдөөҕүмсүйдэххиний
О хосуой сордоох эмиэ явлана олорор ээ. То5о ыараханый билиэт??? Онно эппиэттээ!
Субсидии выданы республиканским бюджетом, значит должны работать на жителей республики! Пусть дагов их компании возят! причем тут Якутия?!
Кырдьык ыарахана сүрдээх
оттон биьиги россия региона буотахпыт да? якутские реалии диэн тугу этэриҥ буолла? тоҕо биһиэнэ куруук ыарахан болохтааҕый? өйдөөх дьахтар туйаара быһааран биэр эрэ якутские реалии тоҕо ыарахан болохтаах дииргин
Бу манна улахан перевозкаларга күүстээх конкуренция. Ол иһин республика биэрбит субцидиятын дальнай рейстарга туһаналлар. Иһинээҕи рейстарга харах сымнатан 60 саастарын туорабыттарга кыралаан биэрэллэр а так син биир көтөллөр буо. Конкуренция суох буо. Малай авиацияны сайыннарыахха баар этэ оччоҕо конкуренция тахсан сыана түһүөн сөп.
Действительно непонятно . Турист обьяснил бы почему так ?
В авиакомпании Якутия гендиректор опять же варяг, друг туриста с Непала